പുകയില വിരുദ്ധ നിയമം സംബന്ധിച്ച് ജില്ലാ മെഡിക്കല്‍ ഓഫീസിനു കീഴിലെ മേജര്‍ ആശുപത്രികള്‍, സാമൂഹികാരോഗ്യ കേന്ദ്രങ്ങള്‍ എന്നിവിടങ്ങളിലെ  സൂപ്രണ്ടുമാര്‍ക്കും, അനുബന്ധ വകുപ്പുകളുടെ തലവന്മാര്‍ക്കും ഗവ. ഇതര സ്ഥാപനങ്ങളുടെ (എന്‍.ജി.ഒ) പ്രതിനിധികള്‍ക്കുമായി ജനുവരി 22 ന് ഉച്ചയ്ക്ക് രണ്ട് മുതല്‍ നാല് വരെ ജില്ലാ കലക്ടറേറ്റ് കോണ്‍ഫറന്‍സ് ഹാളില്‍ പരിശീലന പരിപാടി നടത്തും.  ബന്ധപ്പെട്ടവര്‍ പരിപാടിയില്‍ പങ്കെടുക്കണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.

പാലക്കാട് താലൂക്ക് സപ്ലൈ ഓഫിസില്‍ ജനുവരി 19 ന് നടത്താനിരുന്ന പിരായിരി പഞ്ചായത്തിലെ റേഷന്‍ കാര്‍ഡ് വിതരണം ചില സാങ്കേതിക കാരണങ്ങളാല്‍ ജനുവരി 30 ലേക്ക് മാറ്റിവെച്ചതായി ജില്ലാ സപ്ലൈ ഓഫീസര്‍ അറിയിച്ചു.

കൊടുവായൂര്‍-പല്ലാവൂര്‍-വിത്തനശ്ശേരി റോഡില്‍ പിട്ടുപീടിക മുതല്‍ അണ്ണക്കോട് വരെ റോഡ് നവീകരണം നടക്കുന്നതിനാല്‍ ജനുവരി 22 മുതല്‍ 26 വരെ ഈ വഴിയില്‍ ഗതാഗത നിയന്ത്രണം ഏര്‍പ്പെടുത്തി. കൊടുവായൂര്‍-തൃപ്പാളൂര്‍ ഭാഗത്ത് നിന്നും വരുന്ന വാഹനങ്ങള്‍ നെന്മാറയിലേക്ക് പോവുന്നതിന് പാണമേടില്‍ നിന്നും തിരിഞ്ഞ് വെമ്പലൂര്‍-മുരിങ്ങമല റോഡ് വഴി പോവണം. വിത്തമശ്ശേരി-നെന്മാറ വരുന്ന വാഹനങ്ങള്‍ അണ്ണക്കോട് നിന്നും വെമ്പലൂര്‍- മുരിങ്ങമല റോഡ് വഴി പാണമേടിലൂടെ കൊടുവായൂര്‍-തൃപ്പാളൂര്‍ റോഡില്‍ എത്തണമെന്ന് പൊതുമരാമത്ത് (നിരത്ത് വിഭാഗം) എക്സിക്യൂട്ടീവ് എഞ്ചിനീയര്‍ അറിയിച്ചു. 

ഭരണഭാഷമാറ്റം ത്വരിതപ്പെടുത്തുന്നതിന് ജില്ലാ ഓഫീസര്‍മാര്‍ക്കായി നടത്തുന്ന ഭരണഭാഷാ അവബോധപരിപാടി ജനുവരി 21 രാവിലെ 10 ന് ജലവിഭവ വകുപ്പ് മന്ത്രി കെ.കൃഷ്ണന്‍കുട്ടി ഉദ്ഘാടനം ചെയ്യും. ഉദ്യോഗസ്ഥ ഭരണപരിഷ്കാര വകുപ്പ്  ഡെപ്യൂട്ടി സെക്രട്ടറി ആര്‍.എസ് റാണി ഭരണഭാഷ പ്രതിജ്ഞ ചൊല്ലിക്കൊടുക്കും.  കേരളത്തിലെ ഭരണഭാഷ വിഷയത്തില്‍   ഭാഷാ വിദഗ്ധന്‍ ആര്‍. ശിവകുമാര്‍ വിഷയാവതരണം നടത്തും. ഷാഫി പറമ്പില്‍ എം.എല്‍.എ അധ്യക്ഷനാവുന്ന പരിപാടിയില്‍ ജില്ലാ കലക്ടര്‍ ഡി ബാലമുരളി, എ.അജിത് പ്രസാദ്, ആര്‍.എസ് റാണി, എ.ഡി.എം ടി വിജയന്‍ തുടങ്ങിയവര്‍ പങ്കെടുക്കും.

കേരള ആധാരമെഴുത്തുകാരുടെയും പകർപ്പെഴുത്തുകാരുടെയും സ്റ്റാമ്പ് വെണ്ടർമാരുടെയും ക്ഷേമനിധി ബോർഡിന്റെ വക 25 ലക്ഷം രൂപ മന്ത്രി ജി. സുധാകരൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് മുഖ്യമന്ത്രി പിണറായി വിജയന് കൈമാറി.  ക്ഷേമനിധി ബോർഡ് ചെയർമാൻ പി. വേണുഗോപാൽ, വൈസ്‌ചെയർമാൻ സതീഷ്, ബോർഡ് അംഗങ്ങൾ തുടങ്ങിയവർ സംബന്ധിച്ചു.

പി.എൻ.എക്സ്. 181/19

കെ.സി.എച്ച്.ആറിന്റെ പുതിയ പദ്ധതിയുടെ ഭാഗമായി തിരുവനന്തപുരം വിമൻസ് കോളേജിലെ ചരിത്ര വിദ്യാർത്ഥികൾ കേരള ചരിത്ര ഗവേഷണ കൗൺസിൽ സന്ദർശിച്ചു.  ഈ പദ്ധതിയനുസരിച്ച് പ്രതിമാസം കേരളത്തിലെ കോളേജുകളിലെ ചരിത്രവിദ്യാർത്ഥികളെ കെ.സി.എച്ച്.ആറിലേക്ക് കൊണ്ടുവന്ന് പ്രവർത്തനങ്ങൾ പരിചയപ്പെടുത്തുന്നതിന്റെ ഭാഗമായാണ് സന്ദർശനം.

ശാസ്ത്ര സാങ്കേതിക പദങ്ങൾക്ക് മലയാള പദങ്ങൾ കണ്ടെത്താൻ കഴിയണമെന്ന് മുഖ്യമന്ത്രി പിണറായി വിജയൻ പറഞ്ഞു. ഇതിലൂടെ മാത്രമേ മലയാള ഭാഷ വികസിക്കൂ. ഭാഷയുടെ നവീകരണവും ഇതിലൂടെ സാധ്യമാകുമെന്ന് മുഖ്യമന്ത്രി പറഞ്ഞു. സർവവിജ്ഞാനകോശം പതിനേഴാം വാല്യം പ്രകാശനം ചെയ്യുകയായിരുന്നു അദ്ദേഹം. 

എസ്‌.എന്‍. പുരം പഞ്ചായത്തില്‍ പട്ടികജാതി-പട്ടികവര്‍ക്ഷ കുടുംബാംഗങ്ങള്‍ക്കായി വാട്ടര്‍ടാങ്ക്‌ വിതരണം ചെയ്‌തു. 2018 -19 വാര്‍ഷിക പദ്ധതിയില്‍ ഉള്‍പ്പെടുത്തിയാണ്‌ പദ്ധതി നടപ്പിലാക്കിയത്‌. കുടിവെള്ള ശേഖരണത്തിന്റെ ഭാഗമായി 80 കുടുംബങ്ങള്‍ക്കാണ്‌ വാട്ടര്‍ടാങ്ക്‌ നല്‍കിയത്‌. പഞ്ചായത്തിലെ കുടിവെള്ള ക്ഷാമം പരിഹരിക്കുന്നതിന്റെ ഭാഗമായിട്ടാണ്‌ പദ്ധതി. 500 ലിറ്ററാണ്‌ ഒരു ടാങ്കിന്റെ സംഭരണശേഷി. 2,25000 രൂപയാണ്‌ പദ്ധതി തുക. വിതരണോദ്‌ഘാടനം പഞ്ചായത്ത്‌ പ്രസിഡന്‍റ്‌ ഇ. കെ. മല്ലിക നിര്‍വഹിച്ചു.