സാമൂഹ്യമാധ്യമങ്ങളില്‍കൂടി വ്യാജ  സന്ദേശങ്ങള്‍ പ്രചരിപ്പിക്കുന്നത് ശ്രദ്ധയില്‍പ്പെട്ടാല്‍ അത്തരം ആളുകള്‍ക്കെതിരെ കര്‍ശന നിയമ നടപടികള്‍ സ്വീകരിക്കുമെന്ന് ജില്ലാ പോലീസ് മേധാവി ഡോ. എ ശ്രീനിവാസ് പറഞ്ഞു. നാടിന്റെ സമാധാനം തകര്‍ക്കുന്ന തരത്തിലുള്ള ഇത്തരം വ്യാജവാര്‍ത്തകള്‍  പ്രചരിപ്പിക്കുന്നത് കുറ്റകരമാണ്. പൊതുജനങ്ങളില്‍ തെറ്റിധാരണ ഉളവാക്കുന്ന വ്യാജവാര്‍ത്തകള്‍ പല ആളുകളും അതിന്റെ പ്രത്യാഘാതം മനസ്സിലാക്കാതെയാണ് മറ്റുള്ളവര്‍ക്ക് അയച്ചുകൊടുക്കുന്നത്.ചിലര്‍ ബോധപൂര്‍വ്വം സംഘര്‍ഷം സൃഷ്ടിക്കുക എന്ന ഉദ്ദേശത്തോടെയാണ് വ്യാജ സന്ദേശങ്ങള്‍ പ്രചരിപ്പിക്കുന്നത്.

കോന്നി സിഎഫ്ആര്‍ഡിയില്‍ ആറ് മാസത്തേക്ക് ഡ്രൈവര്‍ സഹിതം യാത്രാവാഹനം ആവശ്യമുണ്ട്. താത്പര്യമുളളവര്‍ ഈ മാസം 21ന് മുമ്പ് ക്വട്ടേഷന്‍ നല്‍കണം. ഫോണ്‍: 0468 2241144.                                (പിഎന്‍പി 192/19)

പട്ടികജാതി കടാശ്വാസ പദ്ധതി പ്രകാരം ഇലന്തൂര്‍ സര്‍വീസ് സഹകരണ ബാങ്കില്‍ നിന്നും വായ്പയെടുത്ത മൂന്ന് ഗുണഭോക്താക്കള്‍ക്ക് കടാശ്വാസം അനുവദിച്ചു. 2010 മാര്‍ച്ച് 31ന് മുമ്പ് തിരിച്ചടവ് കാലാവധി കഴിഞ്ഞതും കുടിശികയായതുമായ ഒരു ലക്ഷം രൂപ വരെയുള്ള വായ്പകള്‍ക്കാണ് കടാശ്വാസം അനുവദിച്ചത്.                 (പിഎന്‍പി 191/19)

ഫിഷറീസ്‌വകുപ്പ് നടപ്പാക്കുന്ന സാമൂഹ്യമത്സ്യകൃഷി പദ്ധതിയുടെ ഭാഗമായി കോന്നി ഗ്രാമ പഞ്ചായത്തിലെ മുരിങ്ങമംഗലം ക്ഷേത്രക്കടവില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവിയുടെ നേതൃത്വത്തില്‍  മത്സ്യക്കുഞ്ഞുങ്ങളെ നിക്ഷേപിച്ചു. കോന്നി ബ്ലോക്ക് പഞ്ചായത്ത് പ്രസിഡന്റ് കോന്നിയൂര്‍ പി. കെ., കോന്നി ഗ്രാമപഞ്ചായത്ത് പ്രസിഡന്റ് എം. രജനി, ഫിഷറീസ് സബ്ഇന്‍സ്‌പെക്ടര്‍മാരായ എന്‍.ഉല്ലാസ്, രമ്യ.ആര്‍.നായര്‍, പ്രോജക്ട് കോ-ഓര്‍ഡിനേറ്റര്‍മാര്‍, ജീവനക്കാര്‍, അക്വാകള്‍ച്ചര്‍  പ്രൊമോട്ടര്‍മാര്‍, മത്സ്യകര്‍ഷകര്‍, പ്രദേശവാസികള്‍ തുടങ്ങിയവര്‍  പങ്കെടുത്തു.                                (പിഎന്‍പി 190/19)

സർക്കാർ ഓഫീസുകൾ, പൊതുമേഖലാ സ്ഥാപനങ്ങൾ, സ്വയംഭരണ സ്ഥാപനങ്ങൾ, സർവകലാശാലകൾ, വിദ്യാഭ്യാസ സ്ഥാപനങ്ങൾ, തദ്ദേശസ്ഥാപനങ്ങൾ എന്നിവിടങ്ങളിലെ മുഴുവൻ ജീവനക്കാരും റിപ്പബ്‌ളിക്് ദിനാഘോഷങ്ങളിൽ പങ്കെടുക്കണമെന്നും വകുപ്പ് തലവൻമാർ ഇക്കാര്യം ഉറപ്പാക്കണമെന്നും നിർദ്ദേശിച്ച് പൊതുഭരണവകുപ്പ് സർക്കുലർ പുറപ്പെടുവിച്ചു. ആഘോഷ പരിപാടികളിൽ ഗ്രീൻ പ്രോട്ടോകോൾ പാലിക്കും. പ്ലാസ്റ്റിക് ദേശീയപതാക നിർമിക്കുന്നതും വിൽപന നടത്തുന്നതും നിരോധിച്ചിട്ടുണ്ട്.  

തിരുവനന്തപുരം മോഡൽ കരിയർ സെന്ററിന്റെയും നവീകരിച്ച യൂണിവേഴ്‌സിറ്റി എംപ്ലോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയുടേയും ഉദ്ഘാടനം 23 ന് രാവിലെ 11 ന് പി.എം.ജി.യിലെ സ്റ്റുഡന്റ്‌സ് സെന്ററിൽ നടക്കും. തൊഴിൽ എക്‌സൈസ് വകുപ്പ് മന്ത്രി ടി.പി.രാമകൃഷ്ണൻ ഉദ്ഘാടനം ചെയ്യും. കെ.മുരളീധരൻ എം.എൽ.എ. അദ്ധ്യക്ഷത വഹിക്കും. ഡോ.ശശി തരൂർ എം.പി., മേയർ വി.കെ.പ്രശാന്ത്, തൊഴിൽ മന്ത്രാലയം അഡീ.സെക്രട്ടറി അനുരാധാ പ്രസാദ് തുടങ്ങിയവർ സംബന്ധിക്കും

സംസ്ഥാനത്തെ സ്റ്റേജ് കാര്യേജുകളുടെ കാലപരിധി വർധിപ്പിക്കുന്നത് സംബന്ധിച്ച് ഗതാഗതവകുപ്പ്്  ജോയിന്റ് സെക്രട്ടറി സിനി. കെ. ഷുക്കൂർ ഹിയറിംഗ് നടത്തി. സെക്രട്ടേറിയറ്റ് ദർബാർഹാളിൽ നടന്ന ഹിയറിംഗിൽ പ്രൈവറ്റ് ബസ് ഉടമകളും സംഘടനാ നേതാക്കളും സംബന്ധിച്ചു.  കാര്യേജുകളുടെ കാലാവധി 15 വർഷത്തിൽനിന്നും 20 വർഷമായി വർധിപ്പിക്കുന്നത് സംബന്ധിച്ച  പരാതികളും നിർദേശങ്ങളും ചർച്ച ചെയ്തു. 

പി.എൻ.എക്സ്. 167/19 

തിരുവനന്തപുരം കോളേജ് ഓഫ് എൻജിനിയറിംഗ് ട്രിവാൻഡ്രം, ആർക്കിടെക്ചർ വിഭാഗത്തിൽ ദിവസ വേതനാടിസ്ഥാനത്തിൽ ഗസ്റ്റ് ലക്ചർമാരുടെ ഒഴിവുണ്ട്. ബി-ആർക്കിൽ ബിരുദാനന്തര ബിരുദം ഉള്ളവർക്ക് അപേക്ഷിക്കാം. മാസ്റ്റർ ഓഫ് അർബൻ ഡിസൈൻ/മാസ്റ്റർ ഓഫ് പ്ലാനിംഗ് ഐച്ഛിക വിഷയമായി എടുത്തവർക്ക് മുൻഗണന. താൽപര്യമുള്ളവർ ബയോഡേറ്റയും, ഒറിജിനൽ സർട്ടിഫിക്കറ്റിനോടൊപ്പം സ്വയം സാക്ഷ്യപ്പെടുത്തിയ പകർപ്പും സഹിതം ഈ മാസം 22 ന് രാവിലെ 10 ന് ആർക്കിടെക്ചർ വിഭാഗം മേധാവിയുടെ ഓഫീസിൽ അഭിമുഖത്തിന് എത്തണം. ഫോൺ: 9447893024 ഇ-മെയിൽ:kl01arch@cet.ac.in

പി.എൻ.എക്സ്. 166/19