ദേശീയ പിന്നോക്ക വിഭാഗ വികസന കോർപ്പറേഷന്റെ സാമൂഹ്യ പ്രതിബദ്ധത പദ്ധതി നിർവ്വഹണത്തിനുള്ള ദേശീയ പുരസ്‌ക്കാരം കേരള സംസ്ഥാന പിന്നോക്ക വിഭാഗ വികസന കോർപ്പറേഷന് ലഭിച്ചു.  ഡൽഹിയിൽ അംബേദ്കർ ഇന്റർനാഷണൽ കൺവെൻഷൻ സെന്ററിൽ നടന്ന ചടങ്ങിൽ കോർപ്പറേഷൻ മാനേജിംഗ് ഡയറക്ടർ കെ ടി ബാലഭാസ്‌കരൻ അവാർഡ് ഏറ്റുവാങ്ങി.  സാമൂഹ്യ പ്രതിബദ്ധത പദ്ധതി പ്രകാരം പാലക്കാട് ജില്ലയിലെ കാവശ്ശേരി പഞ്ചായത്തിലെ മൺപാത്ര നിർമ്മാണ തൊഴിലാളികൾക്കായി നടപ്പിലാക്കിയ തൊഴിൽ നവീകരണ വൈവിധ്യവൽക്കരണ പദ്ധതിക്കാണ് അംഗീകാരം ലഭിച്ചത്.  

ഉത്തരമലബാറിന്റെ ടൂറിസം മേഖലയ്ക്ക് പുത്തനുണർവേകുന്ന മലനാട് - മലബാർ റിവർ ക്രൂയിസം ടൂറിസം പദ്ധതിയായ സ്വദേശി ദർശന്റെ ഭാഗമായി പഴയങ്ങാടി പുഴയിൽ നിർമ്മിക്കുന്ന ബോട്ട് ടെർമിനലിന്റെ പ്രവൃത്തി അന്തിമഘട്ടത്തിൽ. ഫെബ്രുവരി 15 നകം ടെർമിനലിന്റെ പ്രവൃത്തി പൂർത്തികരിക്കുമെന്ന് ടി വി രാജേഷ് എം എൽ എ അറിയിച്ചു. 

ഉൾനാടൻ ജലഗതാഗത വകുപ്പിന്റെ മേൽനോട്ടത്തിലാണ് ബോട്ട് ടെർമിനലിന്റെ നിർമ്മാണം നടക്കുന്നത്. വിനോദ സഞ്ചാര വികസനത്തിൽ വൻ കുതിപ്പിന് വഴിയൊരുക്കുന്ന പദ്ധതിക്ക് പഴയങ്ങാടി പുഴയിലൂടെയുള്ള ബോട്ട് ഗതാഗതം സുഗമമാക്കുന്നതിനും ടൂറിസം വികസനത്തിനുമായി 3 കോടി രൂപയാണ് ടൂറിസം വകുപ്പിൽ നിന്ന് അനുവദിച്ചത്. 

ജോലിത്തട്ടിപ്പിൽപെട്ട് മലേഷ്യയിൽ കുടുങ്ങിയ തൊഴിലാളികൾ നോർക്ക റൂട്ട്‌സ് ഇടപെടലിൽ നാട്ടിലെത്തി. തിരുവനന്തപുരം അഞ്ചുതെങ്ങിലെയും കൊല്ലത്തേയും തീരമേഖലയിൽ നിന്നുള്ള 19 പേരാണ് കോലാലംപൂരിൽനിന്ന് രക്ഷനേടി ഇപ്പോൾ കേരളത്തിലെത്തിയത്. ഇവരിൽ 11 പേർ നന്ദി അറിയിക്കാൻ ബുധനാഴ്ച നോർക്ക റൂട്ട്‌സ് ഓഫീസിലെത്തി. സർക്കാരിന്റെയും നോർക്കയുടെയും മലേഷ്യയിലെ മലയാളി സംഘടനയുടേയും എംബസിയുടേയും സഹായത്തോടെയാണ് ഇവർക്ക് രക്ഷപ്പെടാനായത്. 

ജില്ലാ ആസൂത്രണ സമിതി യോഗത്തിൽ കണ്ണൂർ കോർപറേഷന്റെയും പാനൂർ നഗരസഭയുടെയും 2019-20 വർഷത്തെ വാർഷിക പദ്ധതികൾക്ക് അംഗീകാരം നൽകിയതോടെ ജില്ലയിലെ 93 തദ്ദേശ സ്ഥാപനങ്ങളുടെയും വാർഷിക പദ്ധതികൾക്ക് അംഗീകാരമായി. കണ്ണൂർ കോർപറേഷന്റെയും പാനൂർ നഗരസഭയുടെയും പദ്ധതികൾ ഭേദഗതികളോടെയാണ് അംഗീകരിച്ചത്. 

2019 ഫെബ്രുവരി 15, 16 തീയതികളിൽ ദുബായിൽ നടക്കുന്ന ലോക കേരള സഭയുടെ ആദ്യ മേഖല സമ്മേളനത്തിൽ മുഖ്യമന്ത്രി പിണറായി വിജയൻ പ്രവാസി സമൂഹത്തെ അഭിസംബോധന ചെയ്യും. 15ന് വൈകുന്നേരം ഏഴിന് എത്തിസലാത്ത് മൈതാനത്താണ് കേരള മുഖ്യമന്ത്രി പ്രവാസികളെ അഭിസംബോധനചെയ്യുന്നത്.

സമ്മേളനത്തിൽ മുഖ്യമന്ത്രിക്ക് പുറമേ നിയമസഭ സ്പീക്കർ പി. ശ്രീരാമകൃഷ്ണൻ, പ്രതിപക്ഷ നേതാവ് രമേശ് ചെന്നിത്തല, ചീഫ് സെക്രട്ടറി 

ടോം ജോസ്, പ്രവാസികാര്യ വകുപ്പ് പ്രിൻസിപ്പൽ സെക്രട്ടറി 

ഡോ. കെ. ഇളങ്കോവൻ, പ്രവാസി ക്ഷേമനിധി ബോർഡ് ചെയർമാൻ 

പി. ടി. കുഞ്ഞുമുഹമ്മദ്, നോർക്ക റൂട്ട്‌സ് റസിഡന്റ് വൈസ് ചെയർമാൻ 

തിരുവനന്തപുരം കോളേജ് ഓഫ് എൻജിനീയറിംഗിൽ മെക്കാനിക്കൽ എൻജിനീയറിംഗ് വിഭാഗത്തിൽ ദിവസവേതനാടിസ്ഥാനത്തിൽ ഗസ്റ്റ് ലക്ചറർമാരുടെ ഒഴിവുണ്ട്. ഇൻഡസ്ട്രിയൽ എൻജിനീയറിംഗ്/ഫിനാൻഷ്യൽ എൻജിനീയറിംഗിൽ ബിരുദാനന്തര ബിരുദം ഉള്ളവർക്ക് അപേക്ഷിക്കാം. താല്പര്യമുള്ളവർ ബയോഡേറ്റയും, ഒറിജിനൽ സർട്ടിഫിക്കറ്റിനോടൊപ്പം സ്വയം സാക്ഷ്യപ്പെടുത്തിയ പകർപ്പും സഹിതം നാളെ (18.01.19) 10 ന് മെക്കാനിക്കൽ എൻജിനീയറിംഗ് വിഭാഗം മേധാവിയുടെ ഓഫീസിൽ അഭിമുഖത്തിന് എത്തണം. ഫോൺ. 0471-2515561. 

പി.എൻ.എക്സ്. 157/19

സംസ്ഥാനത്തെ സ്റ്റേജ് കാര്യേജുകളുടെ കാലപരിധി 15 വർഷത്തിൽനിന്നും 20 വർഷമായി വർധിപ്പിക്കുന്നത് സംബന്ധിച്ച പ്രാഥമിക വിജ്ഞാപനത്തി•േൽ സമയപരിധിക്കുള്ളിൽ ലഭ്യമായ പരാതികളും നിർദേശങ്ങളും ഗതാഗത വകുപ്പ് ജോയിന്റ് സെക്രട്ടറി ഇന്ന്(17.01.2019) രാവിലെ 11ന് സെക്രട്ടേറിയറ്റ് ദർബാർ ഹാളിൽ പരിഗണിക്കും.

പി.എൻ.എക്സ്. 156/19

സംസ്ഥാന കർഷക കടാശ്വാസ കമ്മീഷന്റെ ഫെബ്രുവരിയിലെ സിറ്റിംഗുകൾ അഞ്ച്, ആറ്, ഏഴ് തിയതികളിൽ ഇടുക്കിയിൽ കട്ടപ്പന പി.ഡബ്ല്യൂ.ഡി. റെസ്റ്റ് ഹൗസിലും 11 നും, 12 നും, 13 നും കണ്ണൂർ സർക്കാർ അതിഥി മന്ദിരത്തിലും 20 നും, 21 നും, 22 നും കാസർകോട് സർക്കാർ അതിഥി മന്ദിരത്തിലും, 26, 27, 28 തിയതികളിൽ വയനാട് സർക്കാർ അതിഥി മന്ദിരത്തിലും രാവിലെ 10 മുതൽ നടക്കും. നോട്ടീസ് ലഭിച്ചവർ ആവശ്യപ്പെട്ട രേഖകൾ സഹിതം കൃത്യ സമയത്ത് ഹാജരാകണം. 

പി.എൻ.എക്സ്. 155/19

കേരള നിയമ സഭയുടെയും സാക്ഷരതാ മിഷന്റെയും ആഭിമുഖ്യത്തില്‍ കാസര്‍ഗോഡു നിന്നും തിരുവനന്തപുരത്തേക്ക്‌ നടത്തുന്ന ഭരണഘടനാ സന്ദേശയാത്രക്ക്‌ തൃശ്ശൂരില്‍ ജനുവരി 19 വൈകീട്ട്‌ 5 ന്‌ നടുവിലാല്‍ ജംഗ്‌ഷനിലെ പ്രൊഫ. ജോസഫ്‌ മുണ്ടശ്ശേരി നഗറില്‍ സ്വീകരണം നല്‍കും. പൊതുവിദ്യാഭ്യാസ വകുപ്പ്‌ മന്ത്രി പ്രൊഫ.സി രവീന്ദ്രനാഥ്‌ ഉദ്‌ഘാടനം ചെയ്യും. മേയര്‍ അജിത വിജയന്‍ അദ്ധ്യക്ഷത വഹിക്കും. ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌ മുഖ്യാഥിതിയായിരിക്കും. വാദ്യമേളം, പുലിക്കളി, ബൈക്ക്‌ റാലി എന്നിവയുടെ അകമ്പടിയോടെ സ്വീകരിക്കും. ജനപ്രതിനിധികള്‍, സാക്ഷരതാ പ്രവര്‍ത്തകര്‍, തുല്യതാപഠിതാക്കള്‍ എന്നിവര്‍ പങ്കെടുക്കും.