ഒല്ലൂര്‍ സാമൂഹികാരോഗ്യ കേന്ദ്രത്തില്‍ ലാബ്‌ റീ ഏജന്റന്‍സ്‌ വാങ്ങുന്നതിന്‌ ടെണ്ടര്‍ ക്ഷണിച്ചു. ടെണ്ടര്‍ സ്വീകരിക്കുന്ന അവസാന തീയതി ഫെബ്രുവരി 2 ഉച്ചയ്‌ക്ക്‌ ഒരു മണി. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2356052.

ജില്ലാ ആസൂത്രണ സമിതി യോഗം ജനുവരി 19 വൈകീട്ട്‌ 3 ന്‌ ജില്ലാ ആസൂത്രണ ഭവന്‍ കോണ്‍ഫറന്‍സ്‌ ഹാളില്‍ ചേരും.

ജലരക്ഷ ജീവരക്ഷ പദ്ധതിയുടെ ഭാഗമായി മണലിപ്പുഴയുടെ അവലോകന യോഗം ജനുവരി 19 ഉച്ചയ്‌ക്ക്‌ 2.30 ന്‌ ജില്ലാ കളക്‌ടറുടെ അദ്ധ്യക്ഷതയില്‍ കളക്‌ടറേറ്റ്‌ കോണ്‍ഫറന്‍സ്‌ ഹാളില്‍ നടത്തും. യോഗത്തില്‍ മണലിപ്പുഴയുമായി ബന്ധപ്പെട്ട പഞ്ചായത്ത്‌ പ്രസിഡണ്ടുമാര്‍, ബ്ലോക്ക്‌ പ്രസിഡണ്ടുമാര്‍, ബ്ലോക്ക്‌ എംജിഎന്‍ആര്‍ഇജിഎസ്‌, അസിസ്റ്റന്റ്‌ എഞ്ചിനീയര്‍മാര്‍, പഞ്ചായത്ത്‌ സെക്രട്ടറിമാര്‍ തുടങ്ങിയവര്‍ പങ്കെടുക്കണമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു.

തൃശൂര്‍ അഗ്രി-ഹോര്‍ട്ടികള്‍ച്ചറല്‍ സൊസൈറ്റിയുടെ ആഭിമുഖ്യത്തില്‍ 41-ാമത്‌ തൃശൂര്‍ പുഷ്‌പോത്സവം ജനുവരി 18 മുതല്‍ 28 വരെ വടക്കുംനാഥ ക്ഷേത്ര മൈതാനത്ത്‌ നടക്കും. ഉദ്‌ഘാടനം ജനുവരി 18 വൈകീട്ട്‌ 7 ന്‌ കൃഷി വകുപ്പു മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിക്കും. മേയര്‍ അജിത വിജയന്‍ അദ്ധ്യക്ഷത വഹിക്കും. പുഷ്‌പോത്സവം ചെയര്‍പേഴ്‌സണന്‍ ജില്ലാ കളക്‌ടര്‍ ടി വി അനുപമ ആമുഖപ്രഭാഷണം നടത്തും. കൊച്ചിന്‍ ദേവസ്വം ബോര്‍ഡ്‌ പ്രസിഡണ്ട്‌ എ ബി മോഹനന്‍ മുഖ്യപ്രഭാഷണം നടത്തും. പുഷ്‌പോത്സവം ജനറല്‍ കണ്‍വീനര്‍ രാമചന്ദ്രന്‍ പെരുമ്പിടി റിപ്പോര്‍ട്ട്‌ അവതരിപ്പിക്കും. 

ദേശീയപാത 66 കി.മി 385/000 മുതല്‍ 417/500 വരെയുളള ഭാഗങ്ങളിലെ അനധികൃത കയ്യേറ്റങ്ങള്‍ / നിര്‍മ്മാണങ്ങള്‍ / ഫ്‌ളക്‌സ്‌ ബോര്‍ഡുകള്‍ എന്നിവ കയ്യേറിയിരിക്കുന്ന / സ്ഥാപിച്ചിരിക്കുന്നവര്‍ അവരുടെ സ്വന്തം ചിലവിലും ഉത്തരവാദിത്വത്തിലും അഞ്ച്‌ ദിവസത്തിനുളളില്‍ നീക്കം ചെയ്യണം. അല്ലാത്ത പക്ഷം ലാന്‍ഡ്‌ ആന്‍ഡ്‌ ട്രാഫിക്‌ ആക്‌ട്‌ പ്രകാരം ബന്ധപ്പെട്ടവര്‍ക്കെതിരെ നിയമനടപടി സ്വീകരിക്കും. പൊളിച്ചുമാറ്റാന്‍ / നീക്കം ചെയ്യാന്‍ ആവശ്യമായ ചിലവ്‌ പിഴയുള്‍പ്പെടെ ഈടാക്കുമെന്ന്‌ പൊതുമരാമത്ത്‌ വകുപ്പ്‌ ദേശീയപാത ഉപവിഭാഗം അസിസ്റ്റന്റ്‌ എക്‌സിക്യൂട്ടീവ്‌ എഞ്ചിനീയര്‍ അറിയിച്ചു.
 

കല്ലേറ്റുംകര നാഷണല്‍ ഇന്‍സ്റ്റിറ്റിയൂട്ട്‌ ഓഫ്‌ ഫിസിക്കല്‍ മെഡിസിന്‍ ആന്‍ഡ്‌ റീഹാബിലിറ്റേഷന്റെയും കേരള ഡവലപ്പ്‌മെന്റ്‌ ആന്‍ഡ്‌ ഇനോവേഷന്‍ സ്‌ട്രാറ്റജി കൗണ്‍സിലിന്റെയും സംയുക്താഭിമുഖ്യത്തില്‍ ഭിന്നശേഷി സഹായ ഉപകരണ നിര്‍മ്മാണ ശില്‍പശാല സംഘടിപ്പിച്ചു. ആളൂര്‍ ഗ്രാമപഞ്ചായത്ത്‌ ഹാളില്‍ നടന്ന ശില്‍പശാലയില്‍ ഭിന്നശേഷിക്കാര്‍, രക്ഷിതാക്കള്‍, ഭിന്നശേഷി മേഖലയിലെ വിദഗ്‌ദ്ധര്‍ എന്നിവര്‍ പങ്കെടുത്തു. അമേരിക്കയിലെ ന്യൂ ഹാംഷെയര്‍ സര്‍വകലാശാലയിലെ ഡിസെബിലിറ്റി ഇന്‍സ്റ്റിറ്റിയൂട്ട്‌ മേധാവി ഡോ. തെരേസ വില്‍കോം, ബേത്ത്‌ എ ഫിഷര്‍ പരിശീലനത്തിന്‌ നേതൃത്വം നല്‍കി.

പട്ടികജാതി വികസന വകുപ്പ്‌ എസ്‌ സി പ്രമോട്ടര്‍ തസ്‌തികയിലേക്ക്‌ അപേക്ഷ നല്‍കിയവര്‍ക്കുളള അഭിമുഖം ജനുവരി 18, 19 തീയതികളില്‍ തൃശൂര്‍ കളക്‌ടറേറ്റിലുളള ജില്ലാ പട്ടികജാതി വികസന ഓഫീസില്‍ നടത്തും. അപേക്ഷകര്‍ പ്രായം, ജാതി, യോഗ്യത, താമസം എന്നിവ തെളിയിക്കുന്ന സര്‍ട്ടിഫിക്കറ്റ്‌ സഹിതം അഭിമുഖത്തിന്‌ എത്തണം. ഓരോ ബ്ലോക്കിലെയും അഭിമുഖത്തിന്‌ പ്രത്യേകം സമയം നിശ്ചയിച്ചിട്ടുണ്ട്‌. ഇക്കാര്യം അറിയാന്‍ അതത്‌ ബ്ലോക്ക്‌ / മുനിസിപ്പാലിറ്റി / കോര്‍പ്പറേഷന്‍ പട്ടികജാതി വികസന ഓഫീസുമായി ബന്ധപ്പെടണം. കൂടുതല്‍ വിവരങ്ങള്‍ക്ക്‌ ഫോണ്‍ ഫോണ്‍ : 0487-2360381.
 

അച്ചടി, ഓണ്‍ലൈന്‍ മാധ്യമങ്ങളിലൂടെ സര്‍ക്കാരിന്റെ പ്രചാരണ പരിപാടികള്‍ക്കായുളള ആവിഷ്‌ക്കാരങ്ങള്‍ക്ക്‌ ഡിസൈന്‍ വര്‍ക്കുകള്‍, മലയാളം-ഇംഗ്ലീഷ്‌ ഭാഷകളില്‍ വിവരണങ്ങള്‍ എന്നിവ നല്‍കുന്നതിന്‌ ഡിസൈനര്‍, കണ്ടന്റ്‌ ഡവലപ്പര്‍ എന്നീ തസ്‌തികളില്‍ ജില്ലാടിസ്ഥാനത്തില്‍ താല്‍ക്കാലിക നിയമനം നടത്തുന്നു. കൂടുതല്‍ വിവരങ്ങള്‍ക്ക്‌ വെബ്‌ സൈറ്റ്‌ www.kerala.gov.in.

റിപബ്ലിക്‌ ദിനാഘോഷത്തിന്റെ ഭാഗമായി ജനുവരി 26 ന്‌ രാവിലെ 8 ന്‌ തേക്കിന്‍കാട്‌ മൈതാനത്തെ വിദ്യാര്‍ത്ഥി കോര്‍ണറില്‍ പതാക ഉയര്‍ത്തും. വിവിധ സേനാംഗങ്ങള്‍ അണിനിരക്കുന്ന പരേഡും വൈകീട്ട്‌ 3 ന്‌ വിദ്യാര്‍ത്ഥി റാലിയും നടക്കും. ആഘോഷനടത്തിപ്പിനെ കുറിച്ചാലോചിക്കുന്നതിനുളള യോഗം കളക്‌ടറേറ്റ്‌ കോണ്‍ഫറന്‍സ്‌ ഹാളില്‍ ചേര്‍ന്നു. ഡെപ്യൂട്ടി കളക്‌ടര്‍ (എല്‍എ എന്‍എച്ച്‌) എ പി കിരണ്‍ അദ്ധ്യക്ഷത വഹിച്ചു. ആഘോഷ നടത്തിപ്പിന്റെ വിവിധ ചുമതലകള്‍ വിവിധ വകുപ്പുദ്യോഗസ്ഥര്‍ക്ക്‌ നിശ്ചയിച്ചു. ജില്ലാ ആംഡ്‌ റിസര്‍വ്‌ ഡെപ്യൂട്ടി കമാണ്ടന്റിന്റെ നേതൃത്വത്തിലാണ്‌ പരേഡ്‌ നടക്കുക.

സംസ്ഥാന നിയമസഭ സെലക്‌ട്‌ കമ്മിറ്റിയുടെ പരിഗണനയ്‌ക്കായി അയച്ച കേരള കര്‍ഷക ക്ഷേമനിധി ബില്ലില്‍ ജനങ്ങളുടെയും കര്‍ഷക സംഘടനകളുടെയും അഭിപ്രായം ശേഖരിക്കുന്നതിനായി സമിതി അംഗങ്ങളുടെ സിറ്റിങ്‌ ഇന്ന്‌ (ജനുവരി 17) രാവിലെ 10.30 ന്‌ ജില്ലാ കൃഷി ഓഫീസിലെ ആത്മ ട്രെയിനിങ്‌ ഹാളില്‍ നടക്കും. കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍, സെലക്‌ട്‌ കമ്മിറ്റി അംഗങ്ങളായ എംഎല്‍എ മാര്‍, വിവിധ കര്‍ഷക തൊഴിലാളി സംഘടനാ ഭാരവാഹികള്‍, ജനപ്രതിനിധികള്‍, പൊതുജനങ്ങള്‍ ബന്ധപ്പെട്ട ഉദ്യോഗസ്ഥര്‍ എന്നിവര്‍ പങ്കെടുക്കും.