പ്രളയക്കെടുതിയില്‍ വീട്‌ നഷ്‌ടപ്പെട്ടവര്‍ക്ക്‌ വീടുവെയ്‌ക്കുന്നതിനുളള നിയമതര്‍ക്ക പരിഹാര അദാലത്തില്‍ ചാവക്കാട്‌ താലൂക്കിലെ 55 കേസുകളില്‍ 13 എണ്ണത്തില്‍ തീര്‍പ്പായി. ചാവക്കാട്‌, കുന്നംകുളം താലൂക്കുകളില്‍പ്പെട്ടവര്‍ക്കായി ചാവക്കാട്‌ മിനി സിവില്‍ സ്റ്റേഷനിലായിരുന്നു അദാലത്ത്‌ നടന്നത്‌. കൂട്ടുടമസ്ഥതിയിലുളള ഭൂമിയിലെ വീട്‌ നഷ്‌ടപ്പെട്ടവര്‍ക്കായാണ്‌ തര്‍ക്ക പരിഹാരത്തിനായി റവന്യൂ വകുപ്പും ജില്ലാ നിയമസേവന അതോറിറ്റിയും ചേര്‍ന്ന്‌ അദാലത്ത്‌ നടത്തിയത്‌. ചാവക്കാട്‌ താലൂക്കിലെ 70 ഉം കുന്നംകുളം താലൂക്കിലെ 3 ഉം ഉള്‍പ്പെടെ 73 കേസുകളാണ്‌ പരിഗണനയ്‌ക്ക്‌ വന്നത്‌.

തൃശൂര്‍ ജില്ലയില്‍ പട്ടികവര്‍ഗ്ഗ വിഭാഗത്തില്‍പ്പെട്ട ഭൂരഹിത കുടുംബങ്ങള്‍ക്ക്‌ വിതരണം ചെയ്യുന്നതിന്‌ ഭൂമി വില്‍ക്കാന്‍ തയ്യാറുളള ഭൂഉടമകളില്‍ നിന്നു നേരിട്ട്‌ അപേക്ഷ ക്ഷണിച്ചു. ടി ആര്‍ ഡി എം ജില്ലാ ചെയര്‍മാനായ ജില്ലാ കളക്‌ടര്‍ മുഖേനയാണ്‌ ഭൂമി വാങ്ങുന്നത്‌. കൃഷി യോഗ്യവും വാസയോഗ്യവും വാഹന സൗകര്യവും വഴി, വൈദ്യുതി ലഭ്യത, കുടിവെളള ലഭ്യത എന്നിവയുളളതുമായ ഭൂമിയാണ്‌ അഭികാമ്യം. താല്‍പര്യമുളളവര്‍ ജില്ലാ കളക്‌ടര്‍ ടി വി അനുപമയ്‌ക്ക്‌ അപേക്‌ഷ നല്‍കണം. കുറഞ്ഞത്‌ ഒരേക്കര്‍ വരെ ഭൂമിയുളളവരുടെ സമ്മതപത്രം സ്വീകരിക്കും. അപേക്ഷ സ്വീകരിക്കുന്ന അവസാന തീയതി ഫെബ്രുവരി 28.

നീലേശ്വരം നഗരസഭ നടപ്പിലാക്കുന്ന സമഗ്ര വിദ്യാഭ്യാസ പരിപോഷണ പദ്ധതിയുടെ ഭാഗമായി എട്ടു മുതല്‍ പന്ത്രണ്ട് വരെ ക്ലാസ്സുകളില്‍ പഠിക്കുന്ന മുഴുവന്‍ വിദ്യാര്‍ത്ഥികള്‍ക്കും തീവ്ര പരിശീലനം നല്‍കുന്നതിനുള്ള പരിപാടിയുടെ ഉദ്ഘാടനം നഗരസഭ ചെയര്‍മാന്‍ പ്രൊഫ: കെ.പി. ജയരാജന്‍ കോട്ടപ്പുറം സി.എച്ച്.എം.കെ.എസ്.വി.എച്ച്.എസ്.സ്‌കൂളില്‍ നിര്‍വ്വഹിച്ചു.  നഗരസഭാ വിദ്യാഭ്യാസ സ്ഥിരംസമിതി അദ്ധ്യക്ഷന്‍ പി.പി. മുഹമ്മദ് റാഫി അധ്യക്ഷം വഹിച്ചു.  വൈസ് ചെയര്‍പേഴ്‌സണ്‍ വി. ഗൗരി, കൗണ്‍സിലര്‍മാരായ പി.വി. രാമചന്ദ്രന്‍ മാസ്റ്റര്‍, കെ. തങ്കമണി, കെ.വി. രാധ, എന്‍.പി. ആയിഷാബി, പ്രിന്‍സിപ്പാള്‍ സി.കെ. ബിന്ദു, ഹെഡ്മിസ്ട്രസ് കെ.പി.

പൂല്ലൂര്‍-പെരിയ ഗ്രാമപഞ്ചായത്ത് ചാലിങ്കാല്‍ പകല്‍ വീട് സായംപ്രഭ ഹോമാക്കി മാറ്റുന്നതിന്റെ ഭാഗമായി കെയര്‍ ഗിവറുടെ തസ്തികയിലേക്ക്  നിയമനം നടത്തും.അഭിമുഖം 21 ന്  രാവിലെ പത്തിന് പഞ്ചായത്തില്‍ നടത്തും.  പ്ലാസ് ടു/ തത്തുല്യം പാസായി ജെറിയാട്രിക് കെയറില്‍ മൂന്നു മാസത്തെ പരിശീലനം പൂര്‍ത്തിയായവര്‍ക്ക്  അഭിമുഖത്തില്‍ പങ്കെടുക്കാം. പഞ്ചായത്ത് പരിധിയിലുള്ള ഉദ്യോഗാര്‍ത്ഥികള്‍ക്ക് മുന്‍ഗണന. കൂടുതല്‍ വിവരങ്ങള്‍ക്ക്- 9995740190

സ്വന്തമായതോ പാട്ടത്തിനെടുത്തതോ ആയ  ഭൂമിയില്‍ ചുരുങ്ങിയത് 50  വാഴയെങ്കിലും പുതുതായി കൃഷിചെയ്തിട്ടുള്ള കാസര്‍കോട് നഗരസഭാ പരിധിയിലുള്ള കര്‍ഷകര്‍ക്ക് ധനസഹായം ലഭിക്കും. കൂടുതല്‍ വിവരങ്ങള്‍ക്ക്-04994 - 230560, 9383472310

ഫിസിയോതെറാപ്പി ഉപകരണങ്ങള്‍ വിതരണം ചെയ്യുന്നതിന് ദേശീയ ആരോഗ്യ ദൗത്യം ജില്ലാ ഓഫീസ് ക്വട്ടേഷന്‍ ക്ഷണിച്ചു.  ഈ മാസം 19 ന് വൈകുന്നേരം 3 വരെ ക്വട്ടേഷന്‍ സമര്‍പ്പിക്കാം.  കൂടുതല്‍ വിവരങ്ങള്‍ക്ക് - ജില്ലാ പ്രോഗ്രാം മാനേജര്‍ (എന്‍.എച്ച്.എം) , നിയര്‍ ഗവ.നഴ്‌സിംഗ് സ്‌കൂള്‍, കോര്‍ട്ട് റോഡ് , കാഞ്ഞങ്ങാട്.

1991 ലെ കേരള ഓട്ടോറിക്ഷ തൊഴിലാളി ക്ഷേമനിധി പദ്ധതിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2018-19 അദ്ധ്യയന വര്‍ഷത്തേക്കുളള വിദ്യാഭ്യാസ സ്‌കോളര്‍ഷിപ്പിനുളള അപേക്ഷ ക്ഷണിച്ചു.  അപേക്ഷകര്‍ സംസ്ഥാന സര്‍ക്കാര്‍, എയ്ഡഡ്, സെന്‍ട്രല്‍ സ്‌കൂള്‍ എന്നീ വിദ്യാഭ്യാസ സ്ഥാപനങ്ങളില്‍ 8,9,10 ക്ലാസ്സുകളില്‍ പഠിച്ച് വാര്‍ഷിക പരീക്ഷയില്‍ 60 ശതമാനത്തില്‍ കുറയാതെ മാര്‍ക്ക് നേടിയിരിക്കണം.  പൂരിപ്പിച്ച അപേക്ഷകള്‍ ജില്ലാ ഓഫീസില്‍ സ്വീകരിക്കുന്ന അവസാന തീയതി ഫെബ്രുവരി 8.  അപേക്ഷാഫോം ജില്ലാ ഓഫീസില്‍ നിന്നും ലഭിക്കും.

10 വര്‍ഷം പൂര്‍ത്തിയാക്കിയ ട്രാന്‍സ്‌പോര്‍ട്ട് വാഹനങ്ങളുടെയും 15 വര്‍ഷം പൂര്‍ത്തിയാക്കിയ സ്വകാര്യ വാഹനങ്ങളുടെയും ഹരിത നികുതി ഈ മാസം 31 നകം അടക്കണം.നികുതി അടക്കാത്ത വാഹനങ്ങള്‍ക്കെതിരെ മോട്ടോര്‍ വാഹന നിയമപ്രകാരമുളള നടപടികള്‍ സ്വീകരിക്കുമെന്ന് കാഞ്ഞങ്ങാട് ജോയിന്റ് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു.

സംസ്ഥാന ഇലക്ട്രിക്കല്‍ ഇന്‍സ്‌പെക്ടറേറ്റിന് കീഴിലുള്ള കളക്ടറേറ്റിലെ ജില്ലാ മീറ്റര്‍ ടെസ്റ്റിങ് ആന്റ് സ്റ്റാന്റേര്‍ഡ്‌സ് ലബോറട്ടറിക്ക് കേന്ദ്ര സര്‍ക്കാര്‍ സയന്‍സ് ആന്റ് ടെക്‌നോളജി വകുപ്പിന്റെ കീഴിലുള്ള നാഷണല്‍ അക്രഡിഷന്‍ ബോര്‍ഡ് ഫോര്‍ ടെസ്റ്റിങ് ആന്റ് കാലിബറേഷന്‍ ലബോറട്ടറീസ് (എന്‍.എ.ബി.എല്‍) അംഗീകാരം ലഭിച്ചു. വൈദ്യുത ഉപഭോഗം കണക്കാക്കുന്ന എനര്‍ജി മീറ്റര്‍ കാലിബറേഷന്‍ വിഭാഗത്തിനാണ് അംഗീകാരം. ഇതിലൂടെ വീടുകളിലും മറ്റു സ്ഥാപനങ്ങളിലും സ്ഥാപിക്കുന്ന എനര്‍ജി മീറ്റര്‍ ഉപഭോക്താക്കള്‍ക്ക് കൂടുതല്‍ വിശ്വസ്തതയോടെ കാലിബറേറ്റ് ചെയ്യാനാകും. ഡല്‍ഹി ആസ്ഥാനമായി പ്രവര്‍ത്തിക്കുന്ന എന്‍.എ.ബി.എല്‍.

 സ്റ്റേറ്റ് ഹോര്‍ട്ടികള്‍ച്ചര്‍ മിഷന്റെ ഭാഗമായി വിവിധയിനം പച്ചക്കറി തൈകള്‍ മുളിയാര്‍ കൃഷിഭവനില്‍  നിന്നും വിതരണം ചെയ്യും. ആവശ്യമുള്ള കര്‍ഷകര്‍   ഈ മാസം 19 നകം  കരം അടച്ച രസീതോട് കൂടി അപേക്ഷ സമര്‍പ്പിക്കണമെന്ന് മുളിയാര്‍ കൃഷിഭവന്‍ കൃഷി ഓഫീസര്‍ അറിയിച്ചു.