സർക്കാർ എഞ്ചിനീയറിംഗ് കോളേജ്, ബാർട്ടൺ ഹില്ലിലെ ടി.പി.എൽ.സി യിൽ വിവിധ തസ്തികകളിൽ കരാർ നിയമനം നടത്തുന്നു.  അസിസ്റ്റന്റ് പ്രൊഫസർ രണ്ടൊഴിവുണ്ട്.  എം.ടെക് ഫസ്റ്റ് ക്ലാസാണ് യോഗ്യത.  സാമൂഹിക പ്രതിബദ്ധതയുള്ള ജോലികൾ ചെയ്തവർക്ക് മുൻഗണന.  പ്രോജക്ട് മാനേജർ, പ്രോജക്ട് സ്റ്റാഫ് എന്നിവയിൽ ഓരോ ഒഴിവ് വീതമാണ്.  രണ്ടിനും എം.ടെക് ആണ് യോഗ്യത.  പ്രോജക്ട് മാനേജ്‌മെന്റ് ജോലികൾ ചെയ്തവർക്ക് മുൻഗണന.  ലിഫ്റ്റ് ഓപ്പറേറ്റർ, ഓഫീസ് ബോയ് ഓരേ ഒഴിവു വീതം.  10-ാം ക്ലാസ് യോഗ്യതയുണ്ടാകണം.  കമ്പ്യൂട്ടർ പരിജ്ഞാനമുള്ളവർക്ക് ഓഫീസ് ബോയ് തസ്തികയിൽ മുൻഗണന ഉണ്ടായിരിക്കും.

പി.എൻ.എക്സ്. 58/19

ഇൻഫർമേഷൻ പബ്ലിക് റിലേഷൻസ് വകുപ്പിലേക്ക് ദിവസവേതനാടിസ്ഥാനത്തിൽ ഒരു കണ്ടന്റ് ഡെവലപ്പറെ തിരഞ്ഞെടുക്കുന്നതിനായി അപേക്ഷകൾ ക്ഷണിച്ചു. തിരുവനന്തപുരം ജില്ലയിൽ സ്ഥിരതാമസക്കാരായവർ മാത്രം അപേക്ഷിച്ചാൽ മതി.    

ജേർണലിസം അല്ലെങ്കിൽ മാസ്സ് കമ്മ്യൂണിക്കേഷനിൽ ഡിഗ്രി / ഡിപ്ലോമ, ഓൺലൈൻ കണ്ടന്റ് ഡെവലപ്‌മെന്റിൽ അഞ്ചു വർഷത്തിൽ കുറയാത്ത പ്രവൃത്തിപരിചയം, മലയാളത്തിലും, ഇംഗ്ലീഷിലും ടൈപ്പിംഗ് കഴിവ് എന്നിവ ഉണ്ടായിരിക്കണം. പ്രായപരിധി 35 വയസ്സ്.   

ജില്ലയില്‍ ജനുവരി 12 ന്‌ നടക്കുന്ന കേരള ഇന്‍സ്റ്റിറ്റിയൂട്ട്‌ ഓഫ്‌ സ്‌പോര്‍ട്‌സ്‌ ആയൂര്‍വേദ ആന്‍ഡ്‌ റിസര്‍ച്ച്‌ സെന്ററിന്റെ ഉദ്‌ഘാടനത്തോടനുബന്ധിച്ചുളള വിളംബര ജാഥ ജനുവരി 10 വൈകീട്ട്‌ 4 ന്‌ തൃശൂര്‍ തെക്കേ ഗോപുരനടയില്‍ നിന്ന്‌ ആരംഭിക്കും. ബിനി ടൂറിസ്റ്റ്‌ ഹോം, വടക്കേ സ്റ്റാന്റ്‌ വഴി സ്‌പോര്‍ട്‌സ്‌ ആയൂര്‍വേദ ആശുപത്രിയില്‍ അവസാനിക്കും.

ജില്ലാ വ്യവസായ കേന്ദ്രത്തിന്റെ ഉടമസ്ഥതയിലുളള അത്താണി, കുന്നംകുളം, അയ്യന്‍കുന്ന്‌, വേളക്കോട്‌ എന്നീ വ്യവസായ എസ്റ്റേറ്റിലേക്കുളള പ്രയോരിറ്റി ലിസ്റ്റ്‌ തയ്യാറാക്കുന്നതിന്റെ ഭാഗമായി വ്യവസായ സംരംഭകരില്‍ നിന്ന്‌ ഓണ്‍ലൈന്‍ വഴി അപേക്ഷ ക്ഷണിച്ചു. www.industry.kerala.gov.in. വഴി land in DA/DPല്‍ എന്ന വെബ്‌ സൈറ്റ്‌ വഴി ജനുവരി 15 നകം അപേക്ഷ നല്‍കണം. കൂടുതല്‍ വിവരങ്ങള്‍ക്ക്‌ ജില്ലാ വ്യവസായ കേന്ദ്രം ഓഫീസുമായി ബന്ധപ്പെടണം. ഫോണ്‍ : 0487-2360847, 2361945.

ജില്ലാതല പോലീസ്‌ കംപ്ലയിന്റ്‌ അതോറിറ്റി സിറ്റിങ്‌ ജനുവരി 17, 18 എന്നീ തീയതികളില്‍ രാവിലെ 11 ന്‌ കളക്‌ടറേറ്റില്‍ നടക്കും. ജില്ലാ കളക്‌ടര്‍, ജില്ലാ പോലീസ്‌ മേധാവികള്‍ തുടങ്ങിയവര്‍ പങ്കെടുക്കും.
 

കഴിഞ്ഞ ഒരു മാസത്തിനുള്ളില്‍ വിവിധ അബ്‌കാരി കേസുകളിലായി 572 പ്രതികളെ എക്‌സൈസ്‌ വകുപ്പ്‌ പിടികൂടി. കലക്ടറേറ്റ്‌ കോണ്‍ഫറന്‍സ്‌ ഹാളില്‍ എഡിഎം സി ലതികയുടെ അദ്ധ്യക്ഷതയില്‍ നടന്ന എക്‌സൈസ്‌ വകുപ്പ്‌ ജില്ലാതല അവലോകന യോഗത്തിലാണ്‌ ഡെപ്യൂട്ടി എക്‌സൈസ്‌ കമ്മീഷണര്‍ പി. ബാലകൃഷ്‌ണന്‍ ഇക്കാര്യം അറിയിച്ചത്‌. 73 അബ്‌കാരി കേസുകളിലും 64 എന്‍.ഡി.പി.എസ്‌ കേസുകളിലുമായി 138 പ്രതികളെ അറസ്റ്റ്‌ ചെയ്‌തു. കോട്‌പ കേസുകള്‍ക്കായി നടത്തിയ റെയ്‌ഡികളിലായി നിന്ന്‌ 434 കേസുകള്‍ കണ്ടെത്തി. പ്രതികളില്‍ നിന്ന്‌ 86,800 രൂപ പിഴയും ഈടാക്കി.

ഉന്നത വിദ്യാഭ്യാസ വകുപ്പ്‌ മന്ത്രി ഡോ. കെ ടി ജലീലിന്റെ അദ്ധ്യക്ഷതയില്‍ ഫെബ്രുവരി 11 ന്‌ തൃശൂര്‍ ഐഎഎസ്‌ഇ ഓഡിറ്റോറിയത്തില്‍ ഫയല്‍ അദാലത്ത്‌ നടത്തും. സ്വകാര്യ എയ്‌ഡഡ്‌ കോളേജ്‌ ജീവനക്കാര്‍ക്കും പരാതി നല്‍കാം. പരാതി ജനുവരി 25 നകം കോളേജ്‌ വിദ്യാഭ്യാസ ഡെപ്യൂട്ടി ഡയറക്‌ടര്‍, കോളേജ്‌ വിദ്യാഭ്യാസ വകുപ്പ്‌, തൃശൂര്‍ 20 എന്ന വിലാസത്തില്‍ നല്‍കണം. അപേക്ഷയുടെയും കവറിന്റെയും മുകളില്‍ ഫയല്‍ അദാലത്ത്‌ 2018 എന്ന്‌ രേഖപ്പെടുത്തിയിരിക്കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2331726.
 

ജില്ലയില്‍ ഇലക്ഷന്‍ വോട്ടിങ്‌ യന്ത്രത്തിന്റെയും വിവിപാറ്റിന്റെയും പരിശീലനം ജനുവരി 10 മുതല്‍ 28 വരെ വിവിധ കേന്ദ്രങ്ങളില്‍ നടക്കുമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു.

പ്രളയത്തെത്തുടര്‍ന്ന്‌ നാശനഷ്‌ടം സംഭവിച്ച വീടുകളുടെ പുനര്‍നിര്‍മ്മാണവുമായി ബന്ധപ്പെട്ട്‌ അവകാശതര്‍ക്കം മൂലം പുനര്‍നിര്‍മ്മാണം തടസപ്പെട്ടിരിക്കുന്ന കേസുകളില്‍ തര്‍ക്കപരിഹാരത്തിനായി ജില്ലാ ലീഗല്‍ സര്‍വീസ്‌ അതോറിറ്റിയുടെ നേതൃത്വത്തില്‍ അദാലത്ത്‌ നടത്തുമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു. അദാലത്തിന്റെ ഉദ്‌ഘാടനം ജനുവരി 10 രാവിലെ 10 ന്‌ തൃശൂര്‍ ടൗണ്‍ ഹാളില്‍ ഡിസ്‌ട്രിക്‌ട്‌ ആന്‍ഡ്‌ സെന്‍ഷന്‍സ്‌ ജഡ്‌ജ്‌ സോഫി തോമസ്‌ നിര്‍വഹിക്കും. ജില്ലാ കളക്‌ടര്‍ ടി വി അനുപമ അദ്ധ്യക്ഷത വഹിക്കും. തൃശൂര്‍ തഹസില്‍ദാര്‍ ജോര്‍ജ്ജ്‌ ജോസഫ്‌, തലപ്പിളളി തഹസില്‍ദാര്‍ കെ എം മുസ്‌തഫ കമാല്‍ എന്നിവര്‍ ആശംസ നേരും.