പീച്ചി വനഗവേഷണ സ്ഥാപനത്തിലെ സ്റ്റഡി ഓൺ ദ ഇംപാക്ട് ഓഫ് ഇൻവേസീസ് പ്ലാന്റ് സ്പീഷ്യസ് ഓഫ് ഇക്കോളജി പ്രോജക്ടിലേയ്ക്ക് ഈ മാസം 10 ന് നടത്താനിരുന്ന പ്രോജക്ട് ഫെല്ലോ, പ്രോജക്ട് അസിസ്റ്റന്റ് ഇന്റർവ്യൂ 14 ലേക്ക് മാറ്റി വെച്ചു.

പി.എൻ.എക്സ്. 68/19

എം.ബി.എ പ്രവേശനത്തിനുവേണ്ടിയുള്ള പ്രവേശന പരീക്ഷ കെമാറ്റ് കേരള, ഫെബ്രുവരി 17 ന് കൊച്ചിൻ യൂണിവേഴ്‌സിറ്റി ഓഫ് സയൻസ് ആന്റ് ടെക്‌നോളജിയുടെ ആഭിമുഖ്യത്തിലും പ്രവേശന മേൽനോട്ട സമിതിയുടെ നിയന്ത്രണത്തിലും നടത്തും. അവസാന വർഷ ബിരുദ വിദ്യാർത്ഥികൾക്കും പരീക്ഷ ഫലം പ്രതീക്ഷിക്കുന്നവർക്കും അപേക്ഷിക്കാം. ജനുവരി 31 വൈകുന്നേരം അഞ്ചിന് മുന്നേ ഓൺലൈനായി സമർപ്പിക്കാം. അപേക്ഷകൾ സമർപ്പിക്കുന്നതിനും വിശദ വിവരങ്ങൾക്കും  kmatkerala.in  എന്ന വെബ്‌സൈറ്റ് സന്ദർശിക്കുക. ഫോൺ. 0471-2335133, 8547255133.

പി.എൻ.എക്സ്. 66/19

ഗൾഫ്, ലക്ഷദ്വീപ് മേഖലകളിലെ എസ്.എസ്.എൽ.സി പരീക്ഷാ സെന്ററുകളിലെ ഡെപ്യൂട്ടി ചീഫ് സൂപ്രണ്ടുമാരുടെ നിയമനത്തിനായുള്ള അപേക്ഷ  iExam    വെബ്‌സൈറ്റ്  http://sslcexam.kerala.gov.in    വഴി ഓൺലൈനായി സ്വീകരിക്കുന്ന അവസാന തിയതി ഈ മാസം പത്ത് വരെ നീട്ടി. ഓൺലൈനായിട്ടല്ലാതെ ലഭിക്കുന്ന അപേക്ഷകൾ സ്വീകരിക്കുന്നതല്ല.                                                                         പി.എൻ.എക്സ്. 65/19

ഒരു അർദ്ധ സർക്കാർ സ്ഥാാപനത്തിൽ എൻജിനീയർ തസ്തികയിൽ ആറ് ഒഴിവുകളുണ്ട്.  ഓപ്പൺ-മൂന്ന്, ഇ.റ്റി.ബി-ഒന്ന്, എസ്.സി-ഒന്ന്, മുസ്ലിം-ഒന്ന് എന്നിങ്ങനെയാണ് ഒഴിവുകൾ.  

യോഗ്യത: മെക്കാനിക്കൽ/മെറ്റലർജിക്കൽ എൻജിനിയറിംഗിൽ ബിരുദം, ഫൗൺട്രി/ഹെവി എൻജിനിയറിംഗ് ഇൻഡസ്ട്രിയിൽ കുറഞ്ഞത് രണ്ട് വർഷത്തെ പ്രവൃത്തി പരിചയം.  2 ഡി ഡ്രായിംഗിലും 3 ഡി മോഡലിംഗിലുള്ള (എഞ്ചിനീയറിംഗ് കംപോണന്റ്‌സ്) പ്രിപ്പറേഷനിൽ പ്രവർത്തിപരിചയമുള്ളത് അഭികാമ്യം.  2018 ജനുവരി ഒന്നിന് 18 നും 41 നും മദ്ധ്യേ പ്രായമായിരിക്കണം.

ശമ്പളം:9590-16650/- രൂപ (31,300/- അടിസ്ഥാന ഡി.എ, എച്ച്.ആർ.എ ഉൾപ്പെടെ കുറഞ്ഞ വേതനം)

പാലക്കാട് വ്യാവസായിക ട്രൈബ്യൂണൽ ഈ മാസം എട്ട്, 14, 15, 21, 22, 28, 29 തിയതികളിൽ പാലക്കാട് പൊതുമരാമത്ത് വകുപ്പ് റസ്റ്റ് ഹൗസിലും 10ന് പെരിന്തൽമണ്ണ സബ്ഡിവിഷണൽ മജിസ്‌ട്രേറ്റ് കോടതി ഹാളിലും 18നും 25നും മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും സിറ്റിംഗ് നടത്തും.                                                              പി.എൻ.എക്സ്. 62/19     

സംസ്ഥാന സർക്കാർ സർവീസിലെ പട്ടികജാതി, പട്ടികവർഗ വിഭാഗങ്ങളുടെ പ്രാതിനിധ്യം സംബന്ധിച്ച് മുഖ്യമന്ത്രി പിണറായി വിജയന്റെ സാന്നിധ്യത്തിൽ തൈക്കാട് ഗസ്റ്റ് ഹൗസിൽ അവലോകനയോഗം ചേർന്നു. പബ്‌ളിക് സർവീസ് കമ്മിഷനും ഭരണവകുപ്പുകളും പൊതുഭരണ എംപ്‌ളോയ്‌മെന്റ് സെല്ലും വ്യക്തമായ ആശയവിനിമയത്തിലൂടെ നിയമാനുസൃതമായ സംവരണവും നിയമനവും ഉറപ്പുവരുത്തണമെന്ന് യോഗം നിർദേശിച്ചു. പട്ടികജാതി-പട്ടികവർഗ-പിന്നാക്കക്ഷേമ-നിയമ മന്ത്രി എ.കെ.ബാലൻ, ഡെപ്യൂട്ടി സ്പീക്കർ വി.ശശി, എംഎൽഎമാർ, വിവിധ വകുപ്പുകളിലെ ഉന്നതോദ്യോഗസ്ഥർ തുടങ്ങിയവർ പങ്കെടുത്തു. 

കൊല്ലം സർക്കാർ മെഡിക്കൽ കോളേജിൽ നിലവിലുള്ള ജൂനിയർ റസിഡന്റുമാരുടെ തസ്തികയിലേക്ക് താൽക്കാലിക നിയമനം നടത്തുന്നു.  കൂടിക്കാഴ്ച ഈ മാസം 16ന് 11 മണിക്ക് നടക്കും.  എം.ബി.ബി.എസ് ബിരുദമാണ് യോഗ്യത.  പ്രായപരിധി 40 വയസ്സ്.  പ്രതിമാസം 45,000 രൂപ വേതനം ലഭിക്കും.  ഉദ്യോഗാർത്ഥികൾ വിദ്യാഭ്യാസ യോഗ്യത തെളിയിക്കുന്ന അസ്സൽ സർട്ടിഫിക്കറ്റ്, പകർപ്പുകൾ, സർക്കാർ അംഗീകൃത തിരിച്ചറിയൽ കാർഡ്, പാസ്‌പോർട്ട് സൈസ് ഫോട്ടോ എന്നിവ സഹിതം ജനുവരി 16ന് രാവിലെ പത്തിന് മുമ്പായി കാര്യാലയത്തിൽ രേഖകളുടെ പരിശോധനയ്ക്കായി എത്തണം.

പി.എൻ.എക്സ്. 60/19