ജില്ലാ സാക്ഷരതാ മിഷന്‍റെ നേതൃത്വത്തില്‍ ജില്ലയുടെ വിവിധ കേന്ദ്രങ്ങളില്‍ പ്രേരക്മാര്‍ക്കായി നവോത്ഥാനം വിഷയമാക്കിയുള്ള ക്ലാസുകള്‍ സംഘടിപ്പിച്ചു. കുഴല്‍മന്ദം ബ്ലോക്ക് പഞ്ചായത്ത് ഹാളിലും ഒറ്റപ്പാലം ബ്ലോക്ക് പഞ്ചായത്ത് ഹാളിലും നടന്ന പ്രേരക്മാരുടെ മേഖല യോഗത്തില്‍ നവോത്ഥാനം, സ്ത്രീ ശാക്തീകരണം എന്നീ വിഷയങ്ങളില്‍ ക്ലാസ് നടത്തി. പതിമൂന്ന് ബ്ലോക്കുകളില്‍ നിന്നും ഏഴ് നഗരസഭകളില്‍ നിന്നുമായി 196 പ്രേരക്മാര്‍ പ്ങ്കെടുത്തു. 

വനിത മതില്‍ പ്രചരണത്തോടനുബന്ധിച്ച് കുടുംബശ്രീ സി.ഡി.എസ് അംഗങ്ങളുടെ നേതൃത്വത്തില്‍ നാളെ (ഡിസംബര്‍ 30) ജില്ലയുടെ വിവിധ കേന്ദ്രങ്ങളില്‍ നവോത്ഥാന ജ്യോതി തെളിയിക്കും. 

ജില്ലാ ലൈബ്രറി കൗണ്‍സിലിന്‍റെ നേതൃത്വത്തില്‍ നാളെ (ഡിസംബര്‍ 30) 10 ന് അഞ്ചുവിളക്കിന് സമീപം ഐക്യദാര്‍ഢ്യ സദസ്സ് സംഘടിപ്പിക്കും. കലാസാംസ്കാരിക രംഗത്ത് നിന്നും ബൈജു ദേവ്, ശ്രീജ പള്ളം തുടങ്ങിയ പ്രമുഖര്‍ പങ്കെടുക്കും. ചിത്രരചന, പാട്ട്, നാടകം തുടങ്ങിയ വിവിധ കലാപരിപാടികള്‍ അരങ്ങേറും

വനിതാ മതില്‍ വിജയിപ്പിക്കുക എന്ന ആഹ്വാനവുമായി ശേഖരീപുരം ഗ്രന്ഥശാലയുടെ നേതൃത്വത്തില്‍ വരമതില്‍ സംഘടിപ്പിച്ചു. കവയിത്രിയും വിദ്യാര്‍ത്ഥിനിയുമായ കാദംബരി ഉദ്ഘാടനം നിര്‍വ്വഹിച്ചു. കാലിക്കറ്റ് യൂണിവേഴ്സിറ്റി സെനറ്റ് അംഗം ദയ, വിക്ടോറിയ കോളേജ് മലയാള വിഭാഗം മേധാവി പ്രൊഫ.അജിത, ജില്ലാ ലൈബ്രറി കൗണ്‍സില്‍ സെക്രട്ടറി എം. കാസിം, ബാലസംഘം ജില്ലാ കണ്‍വീനര്‍ രാഹേഷ്, താലൂക്ക് ലൈബ്രറി കൗണ്‍സില്‍ സെക്രട്ടറി രവീന്ദ്രന്‍, നാണിക്കുട്ടി, എസ് രാധാമണി, അമൃത, സുചിത്ര തുടങ്ങിയവര്‍ സംബന്ധിച്ചു. നിരവധി വനിതകള്‍ ചിത്രം വരച്ച് വനിത മതിലിന് ഐക്യദാര്‍ഢ്യം പ്രഖ്യാപിച്ചു. 

വാഹന സാന്ദ്രത ഏറ്റവും കൂടിയ സ്ഥലമെന്ന നിലയില്‍ കൊണ്ടോട്ടിയില്‍ ആര്‍.ടി. ഒ ഓഫീസ് തുടങ്ങാനുള്ള നടപടി ജില്ലാ വികസന സമിതി യോഗം ആവശ്യപ്പെട്ടു. ടി.വി.ഇബ്രാഹിം എം.എല്‍.എയാണ് ഇതു സംബന്ധിച്ച പ്രമേയം അവതരിപ്പിച്ചത്.  
പാണക്കാട്ടെ  ഇന്‍കെല്‍ എഡ്യുസിറ്റിയിലെ അഞ്ച് ഏക്കര്‍ സ്ഥലം  ഡ്രൈവിംഗ് ടെസ്റ്റ് ട്രാക്കും  വെഹിക്കിള്‍ ടെസ്റ്റിംഗ് സ്റ്റേഷനും സ്ഥാപിക്കാനായി  മോട്ടോര്‍ വാഹന വകുപ്പിന് ലഭ്യമാക്കാനുള്ള നടപടികളും ത്വരിതപ്പെടുത്തണമെന്ന പ്രമേയം പി.ഉബൈദുള്ള അവതരിപ്പിച്ചു.വനിതാ മതിലില്‍ സ്ത്രീകളേയും കുട്ടികളേയും നിര്‍ബന്ധിച്ച് പങ്കെടുപ്പിക്കരുതെന്നും യോഗം ആവശ്യപ്പെട്ടു.

    സൗദി അറേബ്യയില്‍ ദമാം പോളിക്ലിനിക്കിലേക്ക് എക്സറേ, ലാബ് ടെക്നീഷ്യന്‍ ഒഴിവുകളിലേക്ക് അപേക്ഷിക്കാം. ഒ.ഡി.ഇ.പി.സി മുഖേനയാണ് തിരഞ്ഞെടുപ്പ്. രണ്ട് വര്‍ഷത്തില്‍ കൂടുതല്‍ പ്രവൃത്തി പരിചയമുള്ള സ്ത്രീകള്‍ക്ക് അപേക്ഷിക്കാം. താല്‍പര്യമുള്ളവര്‍ ജനുവരി മൂന്നിനകം ഴരര@ീറലുര.ശി  വിലാസത്തില്‍ ബയോഡാറ്റ അയക്കണം.  ംംം.ീറലുര.സലൃമഹമ.ഴീ്.ശി

    ജില്ലാ വ്യവസായകേന്ദ്രത്തിനു കീഴില്‍ സ്വയം സഹായ സംഘങ്ങള്‍ക്ക് റെഡിമെയ്ഡ് ഗാര്‍മെന്‍റ്സ് യൂണിറ്റ്, കൊപ്ര സംസ്ക്കരണ യൂണിറ്റ് ആരംഭിക്കുന്നതിന് സബ്സിഡി നല്‍കുന്നു. അര്‍ഹരായ സ്വയംസഹായ സംഘങ്ങള്‍ ജനുവരി 10 നകം പാലക്കാട് ജില്ലാ പഞ്ചായത്ത് ഓഫീസിലോ മാനേജര്‍(ഡിപി), ജില്ലാ വ്യവസായ കേന്ദ്രം, പാലക്കാട് വിലാസത്തിലോ അപേക്ഷ നല്‍കണം. ഫോണ്‍- 0491 2505408, 9495135649. റശരുസറ@ഴാമശഹ.രീാ