ആലപ്പുഴ :അമ്പലപ്പുഴ ബ്ലോക്ക് പഞ്ചായത്തിന്റെ പുതിയ പ്രസിഡന്റായി കെ.എം ജുനൈദ് സത്യപ്രതിജ്ഞ ചെയ്തു. മുൻ പ്രസിഡന്റ് പ്രജിത് കാരിക്കൽ് സ്ഥാനം ഒഴിഞ്ഞതിനെ തുടർന്ന് നടത്തിയ പ്രസിഡന്റ് തിരഞ്ഞെടുപ്പിലാണ് കെ.എം ജുനൈദ് പുതിയ പ്രസിഡന്റായത്. 

 സത്യപ്രതിജ്ഞ ചടങ്ങിൽ എ.എ അബ്ദുൾ സലാം സത്യപ്രതിജ്ഞ ചൊല്ലി കൊടുത്തു. അമ്പലപ്പുഴ ബ്ലോക്ക് പഞ്ചായത്ത് വൈസ് പ്രസിഡന്റ് മായാദേവി അധ്യക്ഷത വഹിച്ചു. ചടങ്ങിൽ ബി ഡി ഒ. വി.ജെ ജോസഫ്,   ഗ്രാമ പഞ്ചായത്ത് പ്രസിഡന്റ്മാർ, ബ്ലോക്ക് പഞ്ചായത്ത് മെമ്പർമാർ, രാഷ്ട്രീയ നേതാക്കൾ തുടങ്ങിയർ ആശംസ അറിയിച്ചു.

കാവാലം : ചിത്തിര കായലിൽ കാടുമൂടി ചെളി നിറഞ്ഞ് ഉപയോഗശൂന്യമായി കിടന്ന 'മുരിക്കന്റെ കുളം'  വീണ്ടുമൊരിടവേളയ്ക്ക് ശേഷം നാടിന്റെ ജീവജലമാകാൻ ഒരുങ്ങുന്നു.കേരളത്തിലെ പരിസ്ഥിതി പുനരുജ്ജീവന സംഘടനയായ പുനർജനിയുടെ സഹായത്തോടെ   കുളത്തിൽ ആർ.ഒ പ്ലാന്റ് നിർമാണം പുരോഗമിക്കുകയാണ്്. ഏതാനും ദിവസങ്ങൾക്കകം പണി പൂർത്തിയാകുന്നതോടെ   മുരിക്കന്റെ കുളം പഴയകാലത്തെപ്പോലെതന്നെ  കുട്ടനാട്ടിലെ പ്രധാന കുടിവെള്ള വിതരണ സ്രോതസായി മാറും. പുനർജനിക്ക് സഹായവുമായി ഫ്രാൻസിലെ സന്നദ്ധ സംഘടനയായ എ.ആർ.ഇ.ഇ.

 ആലപ്പുഴ: ജനുവരി ഒന്നിന് നടക്കുന്ന വനിതാ മതിൽ വിജയിപ്പിക്കണമെന്നാവശ്യപ്പെട്ട് എൻ.ജി.ഒ യൂണിയൻ പ്രവർത്തകർ നഗരത്തിൽ ബൈക്ക് റാലി നടത്തി. നവോത്ഥാന മൂല്യങ്ങൾ സംരക്ഷിക്കുക, സ്ത്രീ സമത്വം ഉറപ്പുവരുത്തുക എന്നീ ലക്ഷ്യങ്ങളോടെ ജനുവരി ഒന്നിന് തിരുവനന്തപുരം മുതൽ കാസർകോഡ് വരെ നടക്കുന്ന വനിതാ മതിൽ വിജയിപ്പിക്കുന്നതിന് മുന്നോടിയായാണ് ബൈക്ക് റാലി നടത്തിയത്. നവോത്ഥാന സംരക്ഷണത്തിനായി കളക്ടറേറ്റിലെ എല്ലാ വനിതാ ജീവനക്കാരും ജനുവരി ഒന്നിന് നടക്കുന്ന വനിതാ മതിലിൽ പങ്കെടുക്കണമെന്നും  ബൈക്ക് റാലിയിൽ പ്രവർത്തകർ ആവശ്യപ്പെട്ടു. മുപ്പതോളം സ്‌കൂട്ടറുകളിലായാണ് കൊടിയേന്തിയ വനിതകൾ റാലി നടത്തിയത്.

· ജില്ലാതല പട്ടയ മേളയിൽ 146 പട്ടയങ്ങൾ നൽകി

ആലപ്പുഴ:  സംസ്ഥാനത്ത് അവശേഷിക്കുന്ന മുഴുവൻ അർഹതപ്പെട്ടവർക്കും പട്ടയം നൽകുമെന്ന് റവന്യൂ- ഭവനനിർമ്മാണ വകുപ്പ് മന്ത്രി ഇ.ചന്ദ്രശേഖരൻ പറഞ്ഞു. ആലപ്പുഴ ടൗൺഹാളിൽ നടന്ന ജില്ലാ പട്ടയ മേളയുടെ ഉദ്ഘാടനവും പട്ടയവിതരണവും നിർവഹിച്ച് സംസാരിക്കുകയായിരുന്നു മന്ത്രി.