സംസ്ഥാന സര്‍ക്കാരിന്‍റെ രണ്ടാം വാര്‍ഷികത്തിന്‍റെ ജില്ലാതല വാര്‍ഷികാഘോഷങ്ങള്‍ക്ക് ഇന്ന് (ശനി) തുടക്കമാകും. ഇന്നുമുതല്‍ മെയ് 26 വരെ നീളുന്ന ആഘോഷപരിപാടികള്‍ തേക്കിന്‍കാട്മൈതാനിയിലെ വിദ്യാര്‍ത്ഥി കോര്‍ണറില്‍ പ്രത്യേകം തയ്യാറാക്കിയ വേദിയിലാണ് സംഘടിപ്പിച്ചിട്ടുള്ളത്. څശരിയായ ദിശയില്‍ നമ്മുടെ സര്‍ക്കാര്‍چ എന്ന ശീര്‍ഷകത്തില്‍ നടക്കുന്ന ആഘോഷപരിപാടികളുടെ സംഘാടകര്‍, ഇന്‍ഫര്‍മേഷന്‍-പബ്ലിക്റിലേഷന്‍സ് വകുപ്പ്, ജില്ലാഭരണകൂടം, ജില്ലാ പഞ്ചായത്ത്, തൃശൂര്‍ കോര്‍പ്പറേഷന്‍, ഇതര വകുപ്പുളാണ്.

സ്റ്റേറ്റ് സെന്‍ട്രല്‍ ലൈബ്രറിയിലെ അംഗങ്ങള്‍ വായിക്കാനെടുത്ത് വര്‍ഷങ്ങള്‍ക്ക് ശേഷവും തിരിച്ചേല്‍പ്പിക്കാത്ത പുസ്തകങ്ങളുടെ പിഴയില്‍ വലിയ ഇളവുകള്‍ നല്‍കി ജൂണ്‍ 19 മുതല്‍ ആഗസ്റ്റ് 19 വരെ ഒറ്റത്തവണ തീര്‍പ്പാക്കല്‍ പദ്ധതി നടപ്പിലാക്കും.  ലൈബ്രറിയില്‍ തിരിച്ചേല്‍പ്പിക്കാത്ത പുസ്തകങ്ങള്‍ക്ക് രണ്ടോ മൂന്നോ ഇരട്ടി വിലയും പിഴയും ചേര്‍ത്ത സംഖ്യ ഈടാക്കുന്നതിന് റവന്യു അധികാരികള്‍ നടപടികള്‍ എടുത്തിട്ടുണ്ട്.  എന്നാല്‍ ഇത്തരത്തിലുളള റവന്യു നടപടികള്‍ ഒഴിവാക്കി ലൈബ്രറിയിലേക്ക് എല്ലാ പുസ്തകങ്ങളും തിരിച്ച് എത്തിക്കുക എന്നതാണ് പദ്ധതിയുടെ ഉദ്ദേശ്യം.

പട്ടികജാതി വികസന വകുപ്പിന്‍റെ കീഴില്‍ ജില്ലയില്‍ വടക്കാഞ്ചേരി, ചേലക്കര എന്നിവിടങ്ങളിലെ മോഡല്‍ റസിഡന്‍ഷ്യന്‍സി സ്കൂളില്‍ ഈ അദ്ധ്യയന വര്‍ഷം  അഞ്ചാം ക്ലാസ്സ് പ്രവേശനത്തിന് അപേക്ഷ ക്ഷണിച്ചു. പട്ടികജാതി വിഭാഗത്തിലെ ആണ്‍കുട്ടികള്‍ക്ക് മാത്രമാണ് പ്രവേശനം. മറ്റു വിഭാഗക്കാര്‍ക്ക് പത്ത് ശതമാനം സീറ്റുകളിലേക്ക് പ്രവേശനം നല്‍കും. പ്രവേശനം ലഭിക്കുന്നവര്‍ക്ക് താമസം, ഭക്ഷണം, പുസ്തകം, യൂണിഫോം എന്നിവ സൗജന്യമാണ്. നിശ്ചിത മാതൃകയിലുളള അപേക്ഷ ജാതി, വരുമാന സര്‍ട്ടിഫിക്കറ്റുകളുടെ പകര്‍പ്പുകള്‍, സ്ഥാപനമേധാവിയുടെ സാക്ഷ്യപത്രം എന്നിവ സഹിതം മെയ് 23 നകം ജില്ലാ പട്ടികജാതി വികസന ഓഫീസര്‍ക്ക് നല്‍കണം.

സംസ്ഥാന ഫാര്‍മസി കൗണ്‍സിലിലേക്ക് 14 ജില്ലകളിലേക്കും ഫാര്‍മസി ഇന്‍സ്‌പെക്ടര്‍മാരെ തിരഞ്ഞെടുക്കുന്നു.  നിലവില്‍ സര്‍ക്കാര്‍/പൊതു മേഖലാ സ്ഥാപനങ്ങളില്‍ പത്തു വര്‍ഷം പ്രവൃത്തി പരിചയം ഉളളവരുടെ അപേക്ഷകളാണ് പരിഗണിക്കുന്നത്.  ഫാര്‍മസിയിലുളള ബിരുദം അല്ലെങ്കില്‍ ഫാര്‍മസിയില്‍ ഡിപ്ലോമയും ഏതെങ്കിലും വിഷയത്തില്‍ ബിരുദവും, കേരള സംസ്ഥാന ഫാര്‍മസി കൗണ്‍സില്‍ രജിസ്‌ട്രേഷനുമാണ് യോഗ്യതകള്‍.  അപേക്ഷകള്‍ വിദ്യാഭ്യാസ യോഗ്യതയും പ്രവൃത്തിപരിചയവും തെളിയിക്കുന്ന രേഖകളോടുകൂടി 30ന് വൈകിട്ട് അഞ്ചിന് മുമ്പ് ലഭിക്കണം.  വിലാസം പ്രസിഡന്റ്, കേരള സംസ്ഥാന ഫാര്‍മസി കൗണ്‍സില്‍, പബ്ലിക് ഹെല്‍ത്ത് ലാബ് കോമ്പൗണ്ട്, വഞ്ചിയൂര്‍ (പി.ഒ)

ജില്ലയില്‍ മൃഗസംരക്ഷണ വകുപ്പിനു കീഴില്‍ പഴയന്നൂര്‍, കൊടകര, ചൊവ്വന്നൂര്‍ ബ്ലോക്ക് പ്രദേശങ്ങളില്‍ രാത്രികാല അത്യാഹിത മൃഗചികിത്സാ സേവനം നല്‍കുന്നതിനായി (ദിവസവും വൈകീട്ട് 6 മുതല്‍ രാവിലെ 6 വരെ) വെറ്ററിനറി സര്‍ജനെയും ഡ്രൈവര്‍ കം അറ്റന്‍റന്‍ഡിനേയും താല്‍ക്കാലിക അടിസ്ഥാനത്തില്‍ നിയമിക്കുന്നു. വെറ്ററിനറി സര്‍ജന് വെറ്ററിനറി സയന്‍സ് ബിരുദവും രജിസ്ട്രേഷനുമാണ് യോഗ്യത. വിരമിച്ചവര്‍ക്കും അപേക്ഷിക്കാം. ഡ്രൈവര്‍ കം അറ്റന്‍റന്‍ഡിന് ഓട്ടോറിക്ഷയും ബാഡ്ജ് സഹിതം ഓട്ടോറിക്ഷാ ഓടിക്കാനുളള ലൈസന്‍സുമാണ് യോഗ്യത.

തിരുവനന്തപുരം സര്‍ക്കാര്‍ വനിതാ കോളേജില്‍ വിവിധ വിഷയങ്ങളിലേക്ക് ഗസ്റ്റ് അധ്യാപക നിയമനത്തിന് ഇന്റര്‍വ്യൂ 18, 19, 20 തീയതികളില്‍ രാവിലെ 11 ന് നടത്തും. 18 ന് സംസ്‌കൃതം, 19 ന് കൊമേഴ്‌സ്, 20 ന് ഫിലോസഫി എന്നീ ക്രമത്തിലാണ് അഭിമുഖം. കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ മേഖലാ ഓഫീസുകളില്‍ ഗസ്റ്റ് ലക്ചറര്‍മാരുടെ പാനലില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ യോഗ്യത, ജനനത്തീയതി, മുന്‍പരിചയം തെളിയിക്കുന്നതിനുള്ള അസല്‍ സര്‍ട്ടിഫിക്കറ്റുകള്‍, രജിസ്റ്റര്‍ ചെയ്തത് തെളിയിക്കുന്നതിനുള്ള രേഖകള്‍ എന്നിവ സഹിതം ഹാജരാകണം.

പി.എന്‍.എക്‌സ്.2341/18

പട്ടികവര്‍ഗ്ഗ വിഭാഗ ഭൂരഹിത കുടുംബങ്ങള്‍ക്ക് വിതരണം ചെയ്യുന്നതിന് ഭൂമി വില്‍ക്കുന്നതിന് തയ്യാറുളള ഉടമകളില്‍ നിന്ന് അപേക്ഷ ക്ഷണിച്ചു. ആദിവാസി പുരനരധിവാസ വികസന മിഷന്‍ ജില്ലാമിഷന്‍ ചെയര്‍മാന്‍ കൂടിയായ ജില്ലാ കളക്ടര്‍ മുഖേനയാണ് ഭൂമി വാങ്ങുന്നത്. പ്രസ്തുത ഭൂമിയുടെ ഉടമസ്ഥര്‍ തങ്ങളുടെ ഉടമസ്ഥതയിലുളള കൃഷിയോഗ്യവും വാസയോഗ്യവുമായി ഭൂമി വില്‍ക്കുന്നതിന് തയ്യാറെന്ന സമ്മതപത്രം ഉള്‍പ്പെടുത്തി വേണം അപേക്ഷ ജില്ലാ കളക്ടര്‍ക്ക് സമര്‍പ്പിക്കേണ്ടത്. കുറഞ്ഞത് ഒരേക്കര്‍ വരെയുളള ഭൂമിയുടെ ഉടമസ്ഥര്‍ക്ക് വില്‍പ്പനയ്ക്കായി അപേക്ഷിക്കാം.

ജില്ലാതല റെഡ്ക്രോസ് ദിനാഘോഷം ഇന്ന് (മെയ് 8) രാവിലെ 9 ന് തൃശൂര്‍ ഗവണ്‍മെന്‍റ് മോഡല്‍ ഗേള്‍സ് ഹയര്‍ സെക്കണ്ടറി സ്കൂളില്‍ നടക്കും. ജില്ലാ പഞ്ചായത്ത് പ്രസിഡണ്ട് മേരി തോമസ് ഉദ്ഘാടനം ചെയ്യും. ജില്ലാ കളക്ടര്‍ ഡോ. ഏ കൗശിഗന്‍ അദ്ധ്യക്ഷത വഹിക്കും. ചടങ്ങില്‍ ഡെപ്യൂട്ടി ഡയറക്ടര്‍ ഓഫ് എഡ്യുക്കേഷന്‍ എന്‍ ആര്‍ മല്ലിക മുഖ്യാതിഥിയാകും. സര്‍വീസില്‍ നിന്നും വിരമിച്ച ഡി.ഡി.ഇ സുമതി കെ, ജില്ലാ വിദ്യാഭ്യാസ ഓഫീസര്‍ കെ ജി മോഹനന്‍ എന്നിവര്‍ക്ക് യാത്രയപ്പും ഉപഹാരവും നല്‍കും. കോര്‍പ്പറേഷന്‍ കൗണ്‍സിലര്‍ കെ മഹേഷ്, ഗവണ്‍മെന്‍റ് മോഡല്‍ ഗേള്‍സ് ഹയര്‍ സെക്കണ്ടറി സ്കൂള്‍മേധാവി സി ജെ വിന്‍സെന്‍റ്  എന്നിവര്‍ ആശംസ നേരും.

യഥാസമയം ചികിത്സ നല്‍കാത്തതുകാരണം തൃശൂര്‍ മെഡിക്കല്‍ കോളേജില്‍ പ്രവേശിക്കപ്പെട്ട രോഗിയുടെ കാല്‍ മുറിച്ചുമാറ്റേണ്ടി വന്ന സംഭവത്തില്‍ സര്‍ക്കാര്‍ ഒരു ലക്ഷം രൂപ ഇടക്കാലാശ്വാസം അനുവദിക്കണമെന്ന് സംസ്ഥാന മനുഷ്യാവകാശ കമ്മീഷന്‍. സംഭവത്തെകുറിച്ച് അന്വേഷിച്ച് വിശദമായ റിപ്പോര്‍ട്ട് സമര്‍പ്പിക്കണമെന്ന കമ്മീഷന്‍ ഉത്തരവ് പാലിക്കാത്ത തൃശൂര്‍ മെഡിക്കല്‍ കോളേജ് സൂപ്രണ്ട് ഗുരുതര വീഴ്ചയാണ് വരുത്തിയിരിക്കുന്നതെന്ന് കമ്മീഷന്‍ അംഗം കെ. മോഹന്‍കുമാര്‍ ഉത്തരവില്‍ പറഞ്ഞു.

മലബാര്‍ ദേവസ്വം ബോര്‍ഡിനു കീഴിലെ ക്ഷേത്രങ്ങള്‍ക്കും സ്വകാര്യ ക്ഷേത്രങ്ങള്‍ക്കും 7 കോടി രൂപയുടെ ജീര്‍ണ്ണോദ്ധാരണ ധനസഹായം അനുവദിച്ചു.  ധനസഹായം വിതരണോദ്ഘാടനം മെയ് 13 രാവിലെ 9 ന് പെരിന്തല്‍മണ്ണ അങ്ങാടിപ്പുറം ശ്രീ തിരുമാന്ധംകുന്ന് ഭഗവതി ദേവസ്വം ഓഡിറ്റോറിയത്തില്‍ ദേവസ്വം വകുപ്പു മന്ത്രി കടകംപളളി സുരേന്ദ്രന്‍ നിര്‍വഹിക്കും. മലബാര്‍ ദേവസ്വം പ്രസിഡണ്ട് ഒ കെ വാസു അദ്ധ്യക്ഷത വഹിക്കും. അഹമ്മദ് കബീര്‍ എം എല്‍ എ മുഖ്യാതിഥിയാകും. ധനസഹായത്തിനു തെരഞ്ഞെടുത്ത ക്ഷേത്രങ്ങളുടെ പട്ടിക അസിസ്റ്റന്‍റ് കമ്മീഷണര്‍മാരുടെ ഓഫീസിലും ംംം.ാമഹമയമൃറല്മംീാസെലൃമഹമ.ഴീ്.ശി എന്ന വെബ് സൈറ്റിലും ലഭ്യമാണ്.