തിരുവനന്തപുരം സർക്കാർ ആയുർവേദ കോളേജ് ശാലാക്യതന്ത്ര വകുപ്പിൽ കരാറടിസ്ഥാനത്തിൽ റിസർച്ച് ഫെല്ലോയെ നിയമിക്കുന്നു.  ജനുവരി നാലിന് ഉച്ചക്ക് രണ്ടിന് പ്രിൻസിപ്പാളിന്റെ ഓഫീസിൽ വാക്ക്-ഇൻ-ഇന്റർവ്യൂ നടക്കും.  ബന്ധപ്പെട്ട വിഷയത്തിൽ ബിരുദാനന്തര ബിരുദമുള്ളവർ ബയോഡാറ്റയും സർട്ടിഫിക്കറ്റുകളുടെ അസലും സാക്ഷ്യപ്പെടുത്തിയ പകർപ്പുകളും സഹിതം 1.30ന് ഹാജരാകണം.

പി.എൻ.എക്സ്. 5664/18

അടിമലത്തുറയിൽ മത്സ്യത്തൊഴിലാളികളുടെ പേരിൽ നടത്തുന്ന അനധികൃത ഭവന നിർമ്മാണ പ്രവർത്തനങ്ങൾ ന്യായീകരിക്കാനാകില്ലെന്നും അതിനെതിരെ ശക്തമായ നടപടികൾ സർക്കാർ സ്വീകരിക്കുമെന്നും ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടി അമ്മ അറിയിച്ചു.

നവോത്ഥാനത്തിന്റെ മൂല്യങ്ങൾ ഊതിക്കെടുത്താനുള്ള ശ്രമങ്ങൾക്കെതിരെ മുമ്പെങ്ങുമില്ലാത്ത പ്രതിരോധം ആവശ്യമാണെന്ന് എഴുത്തുകാരൻ എം. മുകുന്ദൻ പറഞ്ഞു. എഴുത്തച്ഛൻ പുരസ്‌കാരം ഏറ്റുവാങ്ങിയശേഷം മറുപടിപ്രസംഗം നടത്തുകയായിരുന്നു അദ്ദേഹം. 

സംരക്ഷണത്തിനായി വീടുകൾക്ക് മുന്നിൽ മതിൽകെട്ടുന്നതുപോലെ പുരോഗമന ആശയങ്ങൾ സംരക്ഷിക്കാൻ മതിലുകൾ ആവശ്യമാണ്. സമരങ്ങൾക്കും പ്രതിരോധത്തിനും പുതിയ ഭാഷ്യങ്ങൾ നൽകണം. ലിംഗനീതിക്ക് വേണ്ടി കേരളത്തിലെ സഹോദരിമാർ നടത്തുന്ന പുതിയ ഭാഷയാണ് വനിതാമതിൽ.

* 2018ലെ എഴുത്തച്ഛൻ പുരസ്‌കാരം എം. മുകുന്ദന് സമർപ്പിച്ചു

സ്ത്രീപദവിക്ക് വേണ്ടി രചനകളിൽ ശബ്ദമുയർത്തിയ എഴുത്തച്ഛനെപ്പോലെ സ്ത്രീസ്വത്വ സംബന്ധമായ ബോധം എം. മുകുന്ദനും പുലർത്തിപ്പോന്നതായി മുഖ്യമന്ത്രി പിണറായി വിജയൻ പറഞ്ഞു. പീഡിപ്പിക്കപ്പെടുന്ന ഇന്ത്യൻ സ്ത്രീത്വത്തിനുനേരെയുള്ള സഹാനുഭൂതി അദ്ദേഹത്തിന്റെ രചനകളിലുണ്ടെന്നും മുഖ്യമന്ത്രി പറഞ്ഞു. 2018ലെ എഴുത്തച്ഛൻ പുരസ്‌കാരം എം. മുകുന്ദന് സമർപ്പിച്ച് സംസാരിക്കുകയായിരുന്നു അദ്ദേഹം.

അമിതവണ്ണത്തിനും പാർക്കിൻസൺസ് രോഗിയുടെ ദൈനംദിന പ്രവൃത്തികൾ മെച്ചപ്പെടുത്തുന്നതിനും തിരുവനന്തപുരം സർക്കാർ ആയുർവേദ കോളേജ് ആശുപത്രിയിൽ  സൗജന്യ ചികിത്സ ലഭ്യമാണ്. ഒ.പി. നമ്പർ ഒന്നിൽ ചൊവ്വ, വെള്ളി ദിവസങ്ങളിൽ രാവിലെ ഒൻപത് മുതൽ 12.30 വരെയാണ് ചികിത്സ. ഫോൺ: 9495267030, 8281234814, 9495161442.

പി.എൻ.എക്സ്. 5658/18

ശ്രീ സ്വാതി തിരുനാൾ സർക്കാർ സംഗീത കോളേജിൽ 2014-15 നും അതിനു മുമ്പും അഡ്മിഷൻ എടുത്തവരും കോഷൻ ഡിപ്പോസിറ്റ് പിൻവലിച്ചിട്ടില്ലാത്തതുമായ വിദ്യാർത്ഥികൾ ഫെബ്രുവരി 10 മുതൽ 28 വരെയുള്ള തിയതികളിൽ രണ്ട് മണിക്ക് മുമ്പായി കോഷൻ ഡിപ്പോസിറ്റ് കോളേജ് ഓഫീസിൽ നിന്നും കൈപ്പറ്റണമെന്ന് പ്രിൻസിപ്പാൾ അറിയിച്ചു.

പി.എൻ.എക്സ്. 5657/18

കാർഷിക കടാശ്വാസത്തിനുള്ള വ്യക്തിഗത അപേക്ഷകൾ ഫെബ്രുവരി 28 വരെ നൽകാം.  'സി' ഫാറത്തിൽ പൂർണ്ണമായി പൂരിപ്പിച്ച അപേക്ഷയോടൊപ്പം ഒരു പകർപ്പും രേഖകളുടെ സ്വയം സാക്ഷ്യപ്പെടുത്തിയ ഓരോ പകർപ്പുകളും നൽകണം.  അപേക്ഷയിൽ ഒന്നിലധികം ബാങ്കുകളിൽ നിന്ന് വായ്പ എടുത്തിട്ടുള്ളതായി സൂചിപ്പിച്ചിട്ടുണ്ടെങ്കിൽ അത്രയും സാക്ഷ്യപ്പെടുത്തിയ പകർപ്പുകൾ കൂടുതലായി വയ്ക്കണം.