കേരളസര്‍ക്കാര്‍ സ്ഥാപനമായ കെല്‍ട്രോണിന്റെ തിരുവനന്തപുരത്തുള്ള വഴുതക്കാട് നോളജ് സെന്ററിലെ വിവിധ കോഴ്‌സുകളിലേയ്ക്ക് അപേക്ഷ ക്ഷണിച്ചു. വെബ് ടെക്‌നോളജി ആന്‍ഡ് ബ്ലോക്ക് ചെയിന്‍, ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് എന്നിവയില്‍ ഡിപ്ലോമ കോഴ്‌സുകളിലേയ്ക്കും വിവിധ ആനിമേഷന്‍, മള്‍ട്ടിമീഡിയ കോഴ്‌സുകളിലേയ്ക്കുമാണ് അപേക്ഷ ക്ഷണിച്ചിരിക്കുന്നത്. 

സർക്കാർ/സർക്കാർ എയ്ഡഡ് സ്ഥാപനങ്ങളിൽ ബിരുദം/ബിരുദാനന്തര ബിരുദ തലങ്ങളിൽ പഠിച്ച് ഉന്നത വിജയം നേടിയ ന്യൂനപക്ഷ മതവിഭാഗങ്ങളിലെ ദാരിദ്ര്യരേഖക്ക് താഴെയുള്ള കുടുംബങ്ങളിലെ വിദ്യാർത്ഥികൾക്ക് പ്രൊഫ: ജോസഫ് മുണ്ടശ്ശേരി സ്‌കോളർഷിപ്പ് അവാർഡ് നൽകുന്നതിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു.  

സൗദി അറേബ്യൻ സർക്കാർ ആരോഗ്യമന്ത്രാലയത്തിന്റെ കീഴിലുള്ള കിംഗ് അബ്ദുള്ള യൂണിവേഴ്‌സിറ്റി (പ്രിൻസസ് നൗറ യൂണിവേഴ്‌സിറ്റി), റിയാദ് ആശുപത്രിയിലേക്ക് കൺസൾട്ടന്റ്‌സ്, സ്‌പേഷ്യലിസ്റ്റ് ഡോക്ടർമാരിൽ നിന്നും അപേക്ഷ ക്ഷണിച്ചു.  രണ്ടു വർഷം പ്രവൃത്തിപരിചയം വേണം.  ജനുവരി 14,15,16,17,18 തിയതികളിൽ മുംബൈയിൽ ഇന്റർവ്യു നടക്കും. വിശദവിവരങ്ങൾക്ക് www.odepc.kerala.gov.in

പി.എൻ.എക്സ്. 5651/18

സൗദി അറേബ്യയിലെ ദമാമിലെ പ്രമുഖ പോളിക്ലീനിക്കിലേക്ക് എക്‌സ്‌റേ, ലബോറട്ടറി ടെക്‌നീഷ്യൻ (സ്ത്രീകൾ മാത്രം) ഒഴിവുകളിലേക്ക് ഒ.ഡി.ഇ.പി.സി. ഉദ്യോഗാർത്ഥികളെ തെരഞ്ഞെടുക്കുന്നു. രണ്ട് വർഷത്തിൽ കൂടുതൽ പ്രവൃത്തിപരിചയമുള്ളവർ വിശദവിവരങ്ങൾ അടങ്ങിയ ബയോഡാറ്റ അയക്കണം.  വിശദവിവരങ്ങൾക്ക്: www.odepc.kerala.gov.in 

പി.എൻ.എക്സ്. 5650/18

സംസ്ഥാനത്തെ അനധികൃത കെട്ടിട നിർമ്മാണങ്ങൾക്കെതിരെ പൊതുജനങ്ങൾക്ക് തദ്ദേശസ്വയംഭരണ വകുപ്പിന് കീഴിൽ പ്രവർത്തിക്കുന്ന വിജിലൻസ് വിംഗിൽ പരാതി നൽകാം.  പൊതുജനങ്ങളിൽ നിന്നുള്ള പരാതിയുടെ അടിസ്ഥാനത്തിലോ സ്വമേധയായോ കെട്ടിടനിർമ്മാണങ്ങൾ പരിശോധിച്ച് ചട്ടലംഘന മുള്ളവ മേൽനടപടികൾക്ക് സർക്കാരിലേക്ക് ശുപാർശ ചെയ്യും.  അനധികൃത കെട്ടിട നിർമ്മാണങ്ങൾ, നിർമ്മാണാനുമതി എന്നിവ സംബന്ധിച്ച പരാതികൾ ചീഫ് ടൗൺ പ്ലാനർ (വിജിലൻസ്), തദ്ദേശസ്വയംഭരണ വകുപ്പ് വിജിലൻസ് വിംഗ്, അഞ്ചാം നില, സ്വരാജ് ഭവൻ, നന്തൻകോട്, തിരുവനന്തപുരം എന്ന വിലാസത്തിൽ അയക്കണം.  ഫോൺ: 0471-2723772.  ഇ-മെയിൽ: ctplsgdvw@gmail.com

നവോത്ഥാന മൂല്യങ്ങൾ സംരക്ഷിക്കപ്പെട്ടില്ലെങ്കിൽ സ്ത്രീകൾ ഇനിയും സമൂഹത്തിൽ അടിമപ്പെടേണ്ടി വരുമെന്നും അതിനെ മറികടക്കാൻ കേരളത്തിലെ സ്ത്രീകൾക്കാകണമെന്നും ആരോഗ്യ സാമൂഹ്യനീതി വകുപ്പ് മന്ത്രി കെ. കെ. ശൈലജ ടീച്ചർ. സംസ്ഥാന സാക്ഷരതാ മിഷൻ  പാളയം രക്തസാക്ഷി മണ്ഡപത്തിൽ സംഘടിപ്പിച്ച നവോത്ഥാനത്തിലെ സ്ത്രീ മുന്നേറ്റങ്ങൾ പ്രദർശനം ഉദ്ഘാടനം ചെയ്യുകയായിരുന്നു  മന്ത്രി.