പാലക്കാട് താലൂക്കിലെ വടക്കന്തറ തിരുവെങ്കിടപ്പന്‍, വലിയങ്ങാടി കര്‍ണ്ണകിയമ്മന്‍ ക്ഷേത്രം, ചിറ്റൂര്‍ താലൂക്കിലെ കൊല്ലങ്കോട് പുതുഗ്രാമം വിശ്വനാഥസ്വാമി ക്ഷേത്രം എന്നിവിടങ്ങളില്‍  ട്രസ്റ്റി നിയമനത്തിന് അപേക്ഷ ക്ഷണിച്ചു.  താല്‍പര്യമുള്ളവര്‍ ജനുവരി ഒമ്പതിന് വൈകീട്ട് അഞ്ചിന്  മുമ്പ്  മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്‍റ് കമ്മിഷണര്‍ക്ക്  അപേക്ഷ നല്‍കണം.    അപേക്ഷ ഫോറം അസിസ്റ്റന്‍റ് കമ്മിഷണറുടെ ഓഫീസിലും  ംംം.ാമഹമയമൃറല്മംീാെ.സലൃമഹമ.ഴീ്.ശി ലും    ലഭിക്കും.

കോഴിക്കോട് എക്‌സൈസ് ഡിവിഷനില്‍ വിവിധ അബ്കാരി കേസുകളിലുള്‍പ്പെട്ട് സര്‍ക്കാരിലേക്ക്  കണ്ടുകെട്ടിയ   വാഹനങ്ങള്‍ കോഴിക്കോട് ഡെപ്യൂട്ടി എക്‌സൈസ് കമ്മീഷണര്‍ ഈ മാസം 29  ന് രാവിലെ 10 മണിക്ക് കോഴിക്കോട് കലക്ടറേറ്റ്  കോണ്‍ഫറന്‍സ് ഹാളില്‍ ലേലം ചെയ്ത് വില്‍ക്കും. കോഴിക്കോട് ജില്ലയിലെ വിവിധ എക്‌സൈസ് ഓഫീസുകളിലും പോലീസ് സ്റ്റേഷനുകളിലുമാണ് സൂക്ഷിച്ചിട്ടുള്ളത്. ആയത് ബന്ധപ്പെട്ട ഓഫീസ് മേധാവികളുടെ അനുവാദത്തോടെ പരിശോധിക്കാവുന്നതാണ്. ഫോണ്‍: 0495  2372927. 

കുടുംബശ്രീ ബാലസഭയുടെ 'വായിച്ചു വളരാം ' ക്യാമ്പയിന്‍റെ ഭാഗമായി  ഇന്ന്( ഡിസംബര്‍ 27ന്) പാലക്കാട് ഹോട്ടല്‍ ഗസാലയില്‍ ജില്ലാ പഞ്ചായത്ത് വൈസ് പ്രസിഡണ്ട് ടി.കെ.നാരായണ ദാസ് മാസ്റ്റര്‍ പുസ്തകോത്സവം ഉദ്ഘാടനം ചെയ്യും.  ബാലസാഹിത്യമുള്‍പ്പെടെ കുട്ടികള്‍ക്കു മാത്രമായുള്ള പുസ്തകങ്ങളാണ് ബാലസഭാ പുസ്തകോത്സവത്തില്‍ ഒരുക്കുക.  രാവിലെ 9.30 മുതന്‍ വൈകുന്നേരം നാല് വരെയാണ് പുസ്തകോത്സവും നടക്കുക. ആറോളം പുസ്തക പ്രസാധകരുടെ പുസ്തകങ്ങള്‍ ലഭിക്കും.

    ജനകീയാസൂത്രണം 2019-20 ഭാഗമായി ജില്ലാ പഞ്ചായത്ത് ഇന്ന്(ഡിസംബര്‍ 27) രാവിലെ 10 ന് പഞ്ചായത്ത് ഹാളില്‍ വികസന സെമിനാര്‍ നടക്കും. സെമിനാറില്‍ ബ്ലോക്ക്/ ജില്ലാ പഞ്ചായത്ത് ജനപ്രതിനിധികള്‍, ബ്ലോക്ക് പഞ്ചായത്ത് പ്രസിഡന്‍റുമാര്‍, ബ്ലോക്ക് പഞ്ചായത്ത് ആസൂത്രണസമിതി ഉപാധ്യക്ഷന്മാര്‍, ഗ്രാമപഞ്ചായത്ത് പ്രസിഡന്‍റുമാര്‍, ജില്ലാ പഞ്ചായത്ത് ആസൂത്രണസമിതി അംഗങ്ങള്‍, ജില്ലാ പഞ്ചായത്ത് വര്‍ക്കിങ് ഗ്രൂപ്പ് ഉപാധ്യക്ഷന്മാര്‍, ജില്ലാ പഞ്ചായത്ത് വര്‍ക്കിങ് ഗ്രൂപ്പ് കണ്‍വീനര്‍മാര്‍, ജില്ലാ പ്ഞ്ചായത്ത് വര്‍ക്കിങ് ഗ്രൂപ്പ് അംഗങ്ങള്‍ എ്നനിവര്‍ പങ്കെടുക്കണമെന്ന് സെക്രട്ടറി അറിയിച്ചു.

 കോഴിക്കോട് സിറ്റി റേഷനിംഗ് ഓഫീസി(നോര്‍ത്ത്)ല്‍ ദേശീയ ഉപഭോക്തൃ ദിനാഘോഷ പരിപാടികളോടനുബന്ധിച്ച് ഹയര്‍സെക്കന്ററി തലത്തിലുള്ള വിദ്യാര്‍ഥികള്‍ക്കായി ഉപന്യാസ മത്സരം സംഘടിപ്പിച്ചു.  മുതിര്‍ന്ന ഉപഭോക്താക്കളെ ആദരിക്കുന്ന ചടങ്ങ് 103, 117 എന്നീ പൊതുവിതരണ കേന്ദ്രങ്ങളില്‍ നടന്നു.  ശാന്ത, കെ. ഭാസ്‌ക്കരന്‍ എന്നിവരെ പൊന്നാടയണിചിച്ച്  ആദരിച്ചു.  കോര്‍പ്പറേഷന്‍ കൗണ്‍സിലര്‍മാരായ ശോഭിത, സോഫിയ എന്നിവരും വിവിധ രാഷ്ട്രീയകക്ഷി പ്രതിനിധികളും പങ്കെടുത്തു.