ആഗോള ബാലവേല വിരുദ്ധ ദിനാചരണത്തിന്റെ ഭാഗമായി ജില്ലാ ലേബര്‍ ഓഫീസര്‍ ചൈല്‍ഡ് പ്രൊട്ടക്ഷന്‍ യൂണിറ്റ്, ചൈല്‍ഡ് ലൈന്‍ എന്നിവ ചേര്‍ന്ന് ജൂണ്‍ 12ന് ബാലവേല വിരുദ്ധ സെമിനാര്‍ സംഘടിപ്പിക്കും. രാവിലെ 10.30ന് കോട്ടയം മൗണ്ട് കാര്‍മല്‍ സ്‌കൂളില്‍ നടക്കുന്ന സെമിനാര്‍ സബ് ജഡ്ജ് എസ്. സുദീപ്     ഉദ്ഘാടനം ചെയ്യും. 

ട്രോളിംഗ്,മത്സ്യബന്ധനനിരോധനം മൂലം തൊഴില്‍ രഹിതരായ യന്ത്രവത്കൃത മത്സ്യബന്ധനബോട്ടുകളിലെ തൊഴിലാളികള്‍ക്കും  ഫിഷറീസ് ഹാര്‍ബറിലെ   അനുബന്ധ മത്സ്യത്തൊഴിലാളികള്‍ക്കും പീലിംഗ്  ഷെഡുകളിലെ  പീലിംഗ് തൊഴിലാളികള്‍ക്കും  ജൂലൈ 31 വരെ സൗജന്യ റേഷന്‍ വിതരണം ചെയ്യും.  

അന്തര്‍ദേശീയ ബാലവേല വിരുദ്ധദിനമായ ഇന്ന് (ജൂണ്‍ 12)  പുതിയ ബസ് സ്റ്റാന്റ് പരിസരത്ത്  ബാലവേല വിരുദ്ധ ക്യാമ്പയിന്‍ സംഘടിപ്പിക്കും. രാവിലെ 10 മണിയ്ക്ക് ആരംഭിക്കുന്ന ക്യാമ്പയിന്റെ ഭാഗമായി വ്യാപാര വ്യവസായ സ്ഥാപനങ്ങളില്‍ ബാലവേല വിമുക്ത സ്റ്റിക്കറുകള്‍ പതിപ്പിക്കും. വൈകീട്ട് മൂന്ന് മണിക്ക് കെ.പി.കേശവമേനോന്‍ ഹാളില്‍ ''ബാലവേലയും ചൂഷണങ്ങളും തടയുന്നതിനുള്ള നിയമ സംവിധാനങ്ങള്‍'' എന്ന വിഷയത്തില്‍ സെമിനാറും   സംഘടിപ്പിക്കും. തൊഴിലും നൈപുണ്യവും വകുപ്പ,് ജില്ലാ ശിശുസംരക്ഷണ യൂണിറ്റ്, ജില്ലാ ലീഗല്‍ സര്‍വ്വീസസ് അതോറിറ്റി എന്നിവ സംയുക്തമായാണ് പരിപാടി സംഘടിപ്പിക്കുന്നത്. 
           

സംസ്ഥാന വനിത കമ്മീഷന്‍ സിറ്റിംഗ് ഇന്ന് (12) രാവിലെ 10.30 മുതല്‍ കാസര്‍കോട് കളക്ടറേറ്റില്‍ നടക്കും.