53 തദ്ദേ സ്വയംഭരണ സ്ഥാപനങ്ങളുടെ  2019-20 വര്‍ഷത്തെ വാര്‍ഷികപദ്ധതികള്‍ക്ക് ജില്ലാ ആസൂത്രണ സമിതി അംഗീകാരം. കോഴിക്കോട് കോര്‍പറേഷന്റെയും കായക്കൊടി, ചെക്യാട്, കാരശ്ശേരി ഗ്രാമപഞ്ചായത്തുകളുടെയും നടപ്പു സാമ്പത്തിക വര്‍ഷത്തെ പദ്ധതി ഭേദഗതികള്‍ അംഗീകരിച്ചു. കൊയിലാണ്ടി നഗരസഭയുടെ 2018-19 വര്‍ഷത്തേക്കുള്ള അയ്യങ്കാളി നഗര തൊഴിലുറപ്പ് പദ്ധതിയുടെ പുതുക്കിയ ആക്ഷന്‍ പ്ലാനും യോഗം അംഗീകരിച്ചു.

കോഴിക്കോട് മേഖലാ സ്റ്റേഷനറി ഓഫീസിന്റെ ചക്കോരത്തുകുളം മഞ്ജുനാഥ റാവു റോഡിലുളള പുതിയ ഓഫീസ് കെട്ടിടം ഈ മാസം 28 വൈകീട്ട് മൂന്ന് മണിക്ക് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. പൊതുമരാമത്ത് വകുപ്പ് മന്ത്രി ജി.സുധാകരന്‍ അധ്യക്ഷത വഹിക്കുന്ന ചടങ്ങില്‍ ഓണ്‍ലൈന്‍ സ്റ്റേഷനറി ഇന്‍ഡന്റിംഗ് സംസ്ഥാനതല ഉദ്ഘാടനം തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണനും  ഇ.ഓഫീസ് ഉദ്ഘാടനം ഗതാഗത വകുപ്പ് മന്ത്രി എ.കെ ശശീന്ദ്രനും നിര്‍വ്വഹിക്കും. 

ജില്ലയില്‍ പുതുതായി രൂപീകരിക്കപ്പെട്ട താമരശ്ശേരി താലൂക്ക് ലീഗല്‍ മെട്രോളജി ഇന്‍സ്‌പെക്ടര്‍ ഓഫീസിന്റെ പ്രവര്‍ത്തനോദ്ഘാടനം ഈ മാസം 27-ന്  വൈകീട്ട്  മൂന്ന് മണിക്ക് താമരശ്ശേരി ചുങ്കത്ത്  ഭക്ഷ്യ പൊതുവിതരണ ഉപഭോക്തൃകാര്യ ലീഗല്‍ മെട്രോളജി വകുപ്പ് മന്ത്രി  തിലോത്തമന്‍ നിര്‍വ്വഹിക്കും. കാരാട്ട് റസാഖ് എം.എല്‍.എ അധ്യക്ഷത വഹിക്കുന്ന ചടങ്ങില്‍ എംഎല്‍.എമാരായ പുരുഷന്‍ കടലുണ്ടി,  ജോര്‍ജ്ജ് എം. തോമസ് എന്നിവര്‍ മുഖ്യപ്രഭാഷണം   നടത്തും.