പുസ്തക പൂക്കളില്‍ തേന്‍ കുടിക്കാനായി ചിത്ര പദംഗങ്ങളെത്തി
പുസ്തക പൂക്കളില്‍ തേന്‍ കുടിക്കാനായി ചിത്ര പദംഗങ്ങളെത്തി
ഉല്‍സാഹമോടെ പറന്നു പറന്നവര്‍ ഉല്‍സവം കൂടുവാനെത്തി.
ഉല്‍സവം കൂടുവാനെത്തി.....

 വാഴക്കാട് കോളേജ് ഓഫ് അപ്ലൈഡ് സയന്‍സില്‍ (ഐ.എച്ച്.ആര്‍.ഡി) ബി.എസ്.സി കമ്പ്യൂട്ടര്‍ സയന്‍സ്, ബി.എസ്.സി ഇലക്ട്രോണിക്‌സ്, ബി.കോം കമ്പ്യൂട്ടര്‍ ആപ്ലിക്കേഷന്‍ എന്നീ കോഴ്‌സുകളില്‍ മനേജ്‌മെന്റ് സീറ്റില്‍ അപേക്ഷിക്കാനുള്ള അവസാന തിയ്യതി ജൂണ്‍ 18 വരെ ംംം.ശവൃറ.മര.ശി. ഫോണ്‍: 0483 2727070, 2728070.

ആലപ്പുഴ: ചെങ്ങന്നൂർ അങ്ങാടിയ്ക്കൽ എസ്.സി.ആർ.വി ടി.ടി.ഐയിൽ ടി.എസ്.എ (കണക്ക്) അധ്യാപക തസ്തികയിൽ താത്കാലിക ഒഴിവ്. യോഗ്യരായ ഉദ്യോഗാർഥികൾ  അസൽ സർട്ടിഫിക്കറ്റുകളുമായി ജൂൺ 13ന് രാവിലെ 11ന്  സർട്ടിഫിക്കറ്റുകൾ സഹിതം ഹാജരാകണം. യോഗ്യത: 50 ശതമാനം മാർക്കോടെയുള്ള ബിരുദാനന്തരബിരുദവും എം.എഡും. കൂടുതൽ വിവരത്തിന്  ഫോൺ: 04792302206. 

(പി.എൻ.എ. 1260/2018)

തവനൂര്‍ ഗവ. ചില്‍ഡ്രന്‍സ് ഹോമില്‍ ആണ്‍കുട്ടികളുടെ പഠന നിലവാരം മെച്ചപ്പെടുത്തുന്നതിനും മേല്‍നോട്ടം വഹിക്കുന്നതിനുമായി  എഡ്യുക്കേറ്റര്‍ നിയമനത്തിന് അപേക്ഷ ക്ഷണിച്ചു.   യോഗ്യത ബി.എഡും മൂന്നു വര്‍ഷ അധ്യാപന പരിചയവും. പ്രവൃത്തി ദിവസങ്ങളില്‍ രാവിലെ എട്ട് വരെയും വൈകുന്നേരം 6.30 മുതല്‍ 8.30 വരെയും അവധി ദിവസങ്ങളില്‍ കുട്ടികള്‍ക്ക് സൗകര്യപ്രദമായ സമയങ്ങളിലും ക്ലാസ്സ് എടുക്കണം.  പ്രതിമാസം 10,000 രൂപ ഹോണറേറിയം ലഭിക്കും.  അപേക്ഷ രേഖകള്‍ സഹിതം ജൂണ്‍ 16ന് വൈകുന്നേരം നാലിനകം സൂപ്രണ്ട്, ഗവ. ചില്‍ഡ്രന്‍സ് ഹോം ബോയ്‌സ്, തൃക്കണാപുരം, തവനൂര്‍ 679573 വിലാസത്തില്‍ ലഭിക്കണം.  ഫോണ്‍ 0494 2698400.

ആലപ്പുഴ: തെക്ക് പടിഞ്ഞാറൻ കാലവർഷം ശക്തി പ്രാപിച്ചതിനാൽ വെള്ളക്കെട്ടുകൾ, നദികൾ, പുഴകൾ, കടൽത്തീരങ്ങൾ എന്നിവടങ്ങളിൽ നീന്തുന്നതിനോ കളിക്കുന്നതിനോ വിദ്യാർഥികളെ അനുവദിക്കരുതെന്ന് ജില്ല കളക്ടർ അറിയിച്ചു. 

(പി.എൻ.എ. 1260/2018)

മുതുകുളം: മുതുകുളം ബ്ലോക്ക് പഞ്ചായത്തിനു കീഴിലുള്ള ഗ്രാമ പഞ്ചായത്തുകളിലെ മഹാത്മാ ഗാന്ധി തൊഴിലുറപ്പ് പദ്ധതിയിലെ സൈറ്റ് മേറ്റ്മാർക്കുള്ള പരിശീലനം ആരംഭിച്ചു. ബ്ലോക്ക് പഞ്ചായത്ത് ഹാളിൽ നടക്കുന്ന  പരിശീലനം ഇന്ന് (12.06..2018) സമാപിക്കും. ബ്ലോക്ക് പരിധിയിലെ മേറ്റുമാരെ ആറാട്ടുപുഴ, ദേവീകുളങ്ങര, ചിങ്ങോലി, ചേപ്പാട്, മുതുകുളം എന്നീ പ്രദേശങ്ങളായി തിരിച്ചാണ് പരിശീലനം. ബ്ലോക്ക് ഡവലപ്മെന്റ് ഓഫീസർ രതീഷ് ദാസ്, ജോയിന്റ് ബി.ഡി.ഒ.മാരായ റോബിൻ, രമണൻ ആർ., ബ്ലോക്ക് എഞ്ചിനീയർ ശരത്ത് എന്നിവർ പരിശീലനത്തിന് നേതൃത്വം നൽകി.

(പി.എൻ.എ. 1259/2018)

          പെരിന്തല്‍മണ്ണ ഗവ. പോളിടെക്‌നിക് കോളേജില്‍ ഒഴിവുളള നാല് ഇലക്ട്രിക്കല്‍ എഞ്ചിനീയറിംഗ് ലക്ചറര്‍ തസ്തികയിലേക്ക്   ദിവസ വേതനാടിസ്ഥാനത്തില്‍ നിയമനം നടത്തുന്നു. ഇലക്ട്രിക്കല്‍ എഞ്ചിനീയറിങില്‍ ഒന്നാം ക്‌ളാസോടെ ബി.ടെക് / എം. ടെക്. യോഗ്യതയുളളവര്‍ ജൂണ്‍ 13 ന് രാവിലെ 10 ന്  അസല്‍ സര്‍ട്ടിഫിക്കറ്റുകളും പകര്‍പ്പുകളും  സഹിതം   കൂടിക്കാഴ്ചയ്ക്ക് എത്തണം. എംപ്‌ളോയ്‌മെന്റ് എക്‌സ്‌ചേഞ്ച് മുഖേന നിയമനം നടത്തുന്നതുവരെയുളള ഒഴിവിലേക്കാണ്  നിയമനം. 

ആലപ്പുഴ: കുട്ടനാട് താലൂക്കിലെ റേഷൻ കാർഡ് വിതരണം മാറ്റി. റേഷൻ കാർഡിനർഹരായവർ  പഴയ കാർഡും രസീതുമായി വരണം. പുതുക്കിയ തീയതി ഇനിപ്പറയുന്നു.

ജൂൺ 12ന്  വിതരണം ചെയ്യാനിരുന്നത് 19ലേക്കും 13ന് നിശ്ചയിച്ചത് 25 ലേക്കും 14ന് നിശ്ചയിച്ചത് 28ലേക്കും  16ന്  നിശ്ചയിച്ചത് 30ലേക്കും 18ന് നടത്താനിരുന്നത് ജൂലൈ അഞ്ചിലേക്കും 21ന് നിശ്ചയിച്ചിരുന്നത് ജൂലൈ ഏഴിലേക്കും  മാറ്റിയതായി താലൂക്ക് സപ്ലൈ ഓഫീസർ അറിയിച്ചു. 

(പി.എൻ.എ. 1258/2018)

ചെങ്ങന്നൂർ :ചെങ്ങന്നൂർ ബ്ലോക്ക് പഞ്ചായത്തിലെ  പുലിയൂർ ഗ്രാമപഞ്ചായത്ത് തീറ്റപുൽ കൃഷി വൻവിജയത്തിലേക്ക്.  കുടുംബശ്രീ -തൊഴിലുറപ്പ് തൊഴിലാളികളുടെ സഹകരണത്തോടെ തുടങ്ങിയ തീറ്റപ്പുൽ കൃഷി വിജയം കണ്ടതോടെ അത് കൂടുതൽ പ്രദേശങ്ങളിലേക്ക് വ്യാപിപ്പിക്കാനൊരുങ്ങുകയാണ്  പഞ്ചായത്ത്. പുലിയൂരിലെ ക്ഷീരകർഷകർക്കാണ് പ്രധാനമായും പദ്ധതിയുടെ ഗുണഫലം ലഭിക്കുന്നത്.