തൊഴിലാളികള്‍ക്ക് സമയബന്ധിതമായി ആനുകൂല്യങ്ങള്‍ വിതരണം ചെയ്ത്  വിവിധ ക്ഷേമനിധി ബോര്‍ഡുകള്‍ മാതൃകയാവുന്നു. കഴിഞ്ഞരണ്ടുവര്‍ഷത്തിനിടെ ഇത്തരത്തിലുള്ള ഒട്ടേറെ പ്രവവര്‍ത്തനങ്ങളാണ് ജില്ലയില്‍ നടപ്പിലാക്കിയത്.
    കേരള കര്‍ഷക തൊഴിലാളി ക്ഷേമനിധി ബോര്‍ഡ് വിവിധ ക്ഷേമ പദ്ധതികളിലൂടെ 4,96, 07932 കോടി രൂപയാണ് കര്‍ഷക തൊഴിലാളികള്‍ക്കായി വിതരണം ചെയ്തത്. അതിവര്‍ഷാനുകൂല്യമായി 4,74,59424 കോടി രൂപയും മരണാനന്തര സഹായമായി 6.85 ലക്ഷം രൂപയും നല്‍കി. വിദ്യഭ്യാസ സഹായത്തിലൂടെ 6. 63 ലക്ഷം രൂപയും പ്രസവാനുകൂല്യമായി 1.35 ലക്ഷം രൂപയും ചികിത്സാ സഹായമായി 51,008 രൂപയും വിതരണം ചെയ്യാനും ബോര്‍ഡിനായി.  

 സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷങ്ങളുടെ ഭാഗമായി മെയ് 21, 24, 25 തിയതികളില്‍ തേക്കിന്‍കാട് മൈതാനത്തെ വിദ്യാര്‍ത്ഥി കോര്‍ണറിലും സാഹിത്യഅക്കാദമിയിലും വിദ്യാഭ്യാസ, കാര്‍ഷിക, സാഹിത്യ, വ്യവസായ സെമിനാറുകള്‍ സംഘടിപ്പിക്കും. വിവിധ വിഷയങ്ങളില്‍ പ്രമുഖര്‍ അണിനിരക്കുന്ന വിഷയാവതരണവും പൊതുചര്‍ച്ചയും നടക്കും. 

ജില്ലയില്‍ നിപ്പാ വൈറസ് ബാധ ഇല്ല;

ഡങ്കിക്കെതിരെ  ജാഗ്രത വേണം-ഡി.എം.ഒ

മെയ് 16 ദേശീയ ഡെങ്കി ദിനാചരണത്തോടനുബന്ധിച്ചു  ജില്ലയില്‍ ഉറവിട നശീകരണ യജ്ഞത്തിനു തുടക്കം കുറിച്ചു.  കാച്ചേരി  എം ബി നഗറില്‍ വാര്‍ഡ്  കൗണ്‍സിലര്‍ ഷീബ  അദ്ധ്യക്ഷത വഹിച്ചു. തൃശൂര്‍ കോര്‍പ്പറേഷനില്‍ നടന്ന   പരിപാടി   കോര്‍പറേഷന്‍ ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ എം എല്‍ റോസി   ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്‍റ് മേരി  തോമസ് മുഖ്യാതിഥിയായി. 

മെയ് മാസത്തിലെ റേഷന്‍ എ എ വൈ വിഭാഗത്തില്‍പ്പെട്ടവര്‍ക്ക് കാര്‍ഡിന് 30 കി. ഗ്രാം അരിയും 5 കി.ഗ്രാം ഗോതമ്പും സൗജന്യമായി ലഭിക്കും. മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും 4 കി.ഗ്രാം അരിയും 1 കി.ഗ്രാം ഗോതമ്പും സൗജന്യമായി ലഭിക്കും. മുന്‍ഗണനയിതര വിഭാഗത്തില്‍പ്പെട്ട രണ്ട് രൂപ നിരക്കിലുളള ഭക്ഷ്യധാന്യ വിതരണ പദ്ധതിയില്‍ ഉള്‍പ്പെട്ടവര്‍ക്ക് ഓരോ അംഗത്തിനും 2 കി.ഗ്രാം അരി വീതം കിലോഗ്രാമിന് 2 രൂപ നിരക്കിലും ലഭ്യതക്കനുസരിച്ച് ഫോര്‍ട്ടിഫൈഡ് ആട്ട കി.ഗ്രാമിന് 15 രൂപ നിരക്കിലും ലഭിക്കും.

ജില്ലയില്‍ പകര്‍ച്ചവ്യാധികള്‍ പ്രതിരോധിക്കുന്നതിനും ശുചീകരണ പ്രവര്‍ത്തനങ്ങള്‍ക്കും തദ്ദേശസ്വയംഭരണ സ്ഥാപനങ്ങള്‍ മുന്‍തൂക്കം നല്‍കി ജാഗ്രതയോടെ പ്രവര്‍ത്തിക്കണമെന്ന് ജില്ലാ കളക്ടര്‍ എസ്.സുഹാസിന്റെ  അധ്യക്ഷതയില്‍ കളക്ട്രേറ്റില്‍ ചേര്‍ന്ന യോഗം നിര്‍ദേശിച്ചു. ആരോഗ്യജാഗ്രത- പകര്‍ച്ചവ്യാധി പ്രതിരോധപ്രവര്‍ത്തനങ്ങള്‍ സംബന്ധിച്ച് ജില്ലാതലത്തില്‍ വിളിച്ചുചേര്‍ത്ത തദ്ദേശസ്വയംഭരണ സ്ഥാപന പ്രതിനിധികളുടെ യോഗത്തിലാണ് തീരുമാനം.

മലബാര്‍ ദേവസ്വം ബോര്‍ഡ്,  മലബാര്‍ ക്ഷേത്രജീവനക്കാരുടെയും എക്സിക്യുട്ടീവ് ഓഫീസര്‍മാരുടെയും ക്ഷേമനിധി ഫണ്ടില്‍ നിന്നും ബാങ്ക് വഴി പെന്‍ഷന്‍/കുടുംബപെന്‍ഷന്‍ കൈപ്പറ്റുന്നവര്‍  വില്ലേജ് ഓഫീസര്‍/ഗസറ്റഡ് ഓഫീസര്‍/ബാങ്ക് മാനേജര്‍/ക്ഷേമനിധി ബോര്‍ഡ് മെമ്പര്‍ എന്നിവര്‍ ഒപ്പിട്ട ലൈഫ് സര്‍ട്ടിഫിക്കറ്റ് ബാങ്ക് അക്കൗണ്ട് നമ്പര്‍, മേല്‍വിലാസം, ടെലഫോണ്‍ നമ്പര്‍ സഹിതം മെയ് മാസം 25 നകം  സെക്രട്ടറി,  മലബാര്‍ ക്ഷേത്രജീവനക്കാരുടെയും എക്സിക്യുട്ടീവ് ഓഫീസര്‍മാരുടെയും ക്ഷേമനിധി, ഹൗസ്ഫെഡ് കോംപ്ലക്സ്,  പി.ഒ.എരഞ്ഞിപ്പാലം, കോഴിക്കോട്-673ڔ006 എന്ന വിലാസത്തില്‍ നല്‍കണം. കൂടുതല്‍ വിവരങ്ങള്‍ക്ക് ഫോണ്‍ : 0495-2360720.

ആര്‍ദ്രം പദ്ധതിയുടെ ഭാഗമായി തൃശൂര്‍ കോര്‍പ്പറേഷനിലെ വില്‍വട്ടത്ത് കുടുംബാരോഗ്യ കേന്ദ്രത്തിന്‍റെ പ്രവര്‍ത്തനോദ്ഘാടനവും കുടുംബാരോഗ്യകേന്ദ്രത്തിന്‍റെ ഒന്നാം നിലയുടെ നിര്‍മ്മാണോദ്ഘാടനവും മെയ് 19 ന് നടക്കും. രാവിലെ 11.30 ന് വില്‍വട്ടം പ്രാഥമികാരോഗ്യകേന്ദ്രത്തില്‍ കൃഷി വകുപ്പു മന്ത്രി അഡ്വ. വി എസ് സുനില്‍കുമാര്‍ ഉദ്ഘാടനം ചെയ്യും. മേയര്‍ അജിത ജയരാജന്‍ അദ്ധ്യക്ഷത വഹിക്കും. ഡെപ്യൂട്ടി മേയര്‍ ബീന മുരളി മുഖ്യാതിഥിയാകും. കൃഷി വകുപ്പു മന്ത്രിയും സ്ഥലം എം എല്‍ എ യുമായ അഡ്വ. വി എസ് സുനില്‍കുമാറിന്‍റെ ആസ്തിവികസന ഫണ്ടില്‍ നിന്നും അനുവദിച്ച 35.70 ലക്ഷം രൂപ ഉപയോഗിച്ചാണ്.

 ആലപ്പുഴ: ജില്ലയില്‍ ട്രോളിങ് നിരോധനം നടപ്പിലാക്കുന്നതിനുള്ള തയ്യാറെടുപ്പുകള്‍ പൂര്‍ത്തിയായി.  ജൂണ്‍ ഒമ്പതിന് അര്‍ധരാത്രി മുതല്‍ ജൂലൈ 31 വരെ 52 ദിവസം വരെയാണ് ട്രോളിംഗ് നിരോധന കാലയളവ്.