ശ്രീ സ്വാതി തിരുനാൾ സർക്കാർ സംഗീത കോളേജിൽ 2014-15 നും അതിനു മുമ്പും അഡ്മിഷൻ എടുത്തവരും കോഷൻ ഡിപ്പോസിറ്റ് പിൻവലിച്ചിട്ടില്ലാത്തതുമായ വിദ്യാർത്ഥികൾ ഫെബ്രുവരി 10 മുതൽ 28 വരെയുള്ള തിയതികളിൽ രണ്ട് മണിക്ക് മുമ്പായി കോഷൻ ഡിപ്പോസിറ്റ് കോളേജ് ഓഫീസിൽ നിന്നും കൈപ്പറ്റണമെന്ന് പ്രിൻസിപ്പാൾ അറിയിച്ചു.

പി.എൻ.എക്സ്. 5657/18

കാർഷിക കടാശ്വാസത്തിനുള്ള വ്യക്തിഗത അപേക്ഷകൾ ഫെബ്രുവരി 28 വരെ നൽകാം.  'സി' ഫാറത്തിൽ പൂർണ്ണമായി പൂരിപ്പിച്ച അപേക്ഷയോടൊപ്പം ഒരു പകർപ്പും രേഖകളുടെ സ്വയം സാക്ഷ്യപ്പെടുത്തിയ ഓരോ പകർപ്പുകളും നൽകണം.  അപേക്ഷയിൽ ഒന്നിലധികം ബാങ്കുകളിൽ നിന്ന് വായ്പ എടുത്തിട്ടുള്ളതായി സൂചിപ്പിച്ചിട്ടുണ്ടെങ്കിൽ അത്രയും സാക്ഷ്യപ്പെടുത്തിയ പകർപ്പുകൾ കൂടുതലായി വയ്ക്കണം.  

തിരുവനന്തപുരം കൈമനം സർക്കാർ വനിത പോളിടെക്‌നിക്ക് കോളേജിലെ കമ്പ്യൂട്ടർ (ഹിയറിംഗ് ഇംപയേർഡ്) വിഭാഗത്തിൽ ദിവസ വേതനാടിസ്ഥാനത്തിലുള്ള ഒരു ഗസ്റ്റ് ലക്ചററിന്റെ ഒഴിവുണ്ട്. കമ്പ്യൂട്ടർ എൻജിനിയറിംഗിൽ ഒന്നാം ക്ലാസ്സ് ഗ്രാജ്വേഷൻ യോഗ്യതയുള്ള ഉദ്യോഗാർത്ഥികൾ ബയോഡാറ്റ, യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ എന്നിവയുമായി ജനുവരി മൂന്നിന് രാവിലെ 10 ന്് സർക്കാർ വനിത പോളിടെക്‌നിക്ക് കോളേജ് പ്രിൻസിപ്പാൾ മുമ്പാകെ കൂടിക്കാഴ്ചക്കെത്തണം.

പി.എൻ.എക്സ്. 5654/18

എറണാകുളം ജില്ലയിൽ സർക്കാർ സ്ഥാപനത്തിൽ ഭിന്നശേഷിക്കാർക്കായി (ശ്രവണ വൈകല്യം) സംവരണം ചെയ്തിട്ടുള്ള ഒരു ഒഴിവിലേക്ക് താല്ക്കാലിക നിയമനം നടത്തുന്നു.

ബി.ഫാം യോഗ്യതയുള്ള 18 നും 41 നും മധ്യേ പ്രായമുള്ളവർക്ക് അപേക്ഷിക്കാം. നിയമാനുസൃത വയസ്സിളവ് ബാധകമായിരിക്കും. ശമ്പള സ്‌കെയിൽ 39500-83000. ഉദ്യോഗാർത്ഥികൾ പ്രായം, ജാതി, വിദ്യാഭ്യാസ യോഗ്യത, എന്നിവ തെളിയിക്കുന്നതിനുള്ള അസ്സൽ സർട്ടിഫിക്കറ്റുകൾ സഹിതം ഈ മാസം 29 ന് മുൻപ് ബന്ധപ്പെട്ട പ്രൊഫഷണൽ & എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചിൽ നേരിട്ട് ഹാജരായി പേര് രജിസ്റ്റർ ചെയ്യണം.

പി.എൻ.എക്സ്. 5653/18

പത്തനംതിട്ട എസ്ബിഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ സൗജന്യ പേപ്പര്‍ കവര്‍, ബാഗ്, എന്‍വലപ്പ്, ഫയല്‍, ക്ലോത്ത് ബാഗ്, ബിഗ്‌ഷോപ്പര്‍ എന്നിവയുടെ നിര്‍മാണ പരിശീലനം ആരംഭിക്കുന്നു. താല്‍പ്പര്യമുള്ളവര്‍ 0468 2270244, 2270243 എന്നീ നമ്പറുകളില്‍ ബന്ധപ്പെടുക.

വനിതാമതില്‍ വിജയിപ്പിക്കുന്നതിനാവശ്യമായ ആറന്മുള നിയോജക മണ്ഡലത്തിലെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി ആറന്മുള എംഎല്‍എ വീണാ ജോര്‍ജിന്റെ അധ്യക്ഷതയില്‍ ഇന്ന് (28ന്) രാവിലെ 11:30ന് കളക്‌ട്രേറ്റ് കോണ്‍ഫറന്‍സ് ഹാളില്‍ യോഗം ചേരും. യോഗത്തില്‍ താലൂക്ക്തല രാഷ്ട്രീയ പാര്‍ട്ടി പ്രതിനിധികള്‍, നവോത്ഥാന സംഘടനാ പ്രതിനിധികള്‍, താലൂക്ക്തല ഉദ്യോഗസ്ഥര്‍, തദ്ദേശസ്വയംഭരണ അധ്യക്ഷന്മാര്‍, പഞ്ചായത്ത്, മുനിസിപ്പല്‍ സെക്രട്ടറിമാര്‍ എന്നിവര്‍ പങ്കെടുക്കണമെന്ന് കോഴഞ്ചേരി തഹസില്‍ദാര്‍ അറിയിച്ചു. 

ശിവഗിരി തീര്‍ഥാടന സമ്മേളന വേദിയില്‍ സ്ഥാപിക്കുവാനുള്ള ഗുരുദേവ വിഗ്രഹവും വഹിച്ചുകൊണ്ടുള്ള രഥഘോഷയാത്രയ്ക്ക് ഇന്ന് (28ന്) ഇലവുംതിട്ട മൂലൂര്‍ സ്മാരകത്തില്‍ തുടക്കം. വിഗ്രഹരഥ ഘോഷയാത്രയ്ക്ക് മുന്നോടിയായുള്ള പൊതുസമ്മേളനം ഇന്ന്(28ന്) വൈകിട്ട് മൂന്നിന് മൂലൂര്‍ സ്മാരകത്തില്‍ വീണാ ജോര്‍ജ് എംഎല്‍എ ഉദ്ഘാടനം ചെയ്യും. ശിവസ്വരൂപാനന്ദ സ്വാമികള്‍ അനുഗ്രഹപ്രഭാഷണം നടത്തി വിഗ്രഹരഥ ഘോഷയാത്രയ്ക്ക് ആരംഭം കുറിക്കും. ഇലവുംതിട്ട മൂലൂര്‍ സ്മാരകത്തില്‍ നിന്ന് ആരംഭിക്കുന്ന രഥഘോഷയാത്ര നാളെ (29ന്) ശിവഗിരിയില്‍ എത്തിച്ചേരും.