ശബരിമല തീര്‍ഥാടനത്തോടനുബന്ധിച്ച് ജില്ലയില്‍ ഇന്ന് (6) രാത്രി പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍: സൈമണ്‍ ജോര്‍ജ് ആന്‍ഡ് സണ്‍സ് പത്തനംതിട്ട, മുക്കന്നൂര്‍ മെഡിക്കല്‍സ് കോന്നി, നീതി മെഡിക്കല്‍ സ്റ്റോര്‍ കോഴഞ്ചേരി, ബിനു മെഡിക്കല്‍സ് അടൂര്‍, ശ്രീശബരി മെഡിക്കല്‍സ് പന്തളം, ഭാരത് മെഡിക്കല്‍സ് കുറ്റപ്പുഴ തിരുവല്ല, ഡോക്‌ടേഴ്‌സ് മെഡിക്കല്‍സ് ആന്‍ഡ് ഡയബറ്റിക്‌സ് സെന്റര്‍ പഴവങ്ങാടി റാന്നി, താഴത്തില്ലത്ത് മെഡിക്കല്‍സ് വടശേരിക്കര.                                                                (പ്രതേ്യക പത്രക്കുറിപ്പ്  04/19)

ചെറുകോല്‍പ്പുഴ ഹിന്ദുമത മഹാമണ്ഡലം പരിഷത്ത്, മാരാമണ്‍ കണ്‍വന്‍ഷന്‍ എന്നിവയുമായി ബന്ധപ്പെട്ട് ഇന്ന് (6) ജലവിഭവമന്ത്രിയുടെ അധ്യക്ഷതയില്‍ കളക്ടറേറ്റില്‍ ചേരാനിരുന്ന യോഗം മാറ്റിവച്ചതായി ജില്ലാ കളക്ടര്‍ അറിയിച്ചു.                       (പിഎന്‍പി 44/18)

സ്‌കോള്‍-കേരള ദിനാഘോഷത്തിന്റെ ഭാഗമായി ഈ മാസം 13ന് വിദ്യാര്‍ഥികള്‍ക്കായി വിവിധ ഇനങ്ങളില്‍ ജില്ലാതല മത്സരങ്ങള്‍ നടത്തും. ഓരോ പഠന/പരീക്ഷാ കേന്ദ്രങ്ങളില്‍ നിന്നും തെരഞ്ഞെടുക്കപ്പെടുന്ന വിദ്യാര്‍ഥികളെ പങ്കെടുപ്പിച്ച് തിരുവല്ല എംജിഎം എച്ച്എസ്എസിലാണ് മത്സരം നടത്തുക. പ്രസംഗം, ലളിതഗാനം, ഉപന്യാസരചന, പോസ്റ്റര്‍ രചന, നാടന്‍പാട്ട് എന്നീ ഇനങ്ങളിലാണ് മത്സരം. ഒന്നും രണ്ടും സ്ഥാനങ്ങള്‍ നേടുന്നവര്‍ക്ക് സംസ്ഥാനതല മത്സരത്തില്‍ പങ്കെടുക്കാം. കൂടുതല്‍ വിവരത്തിന് 0468 2325499 എന്ന നമ്പരില്‍ ബന്ധപ്പെടണം.                       (പിഎന്‍പി 42/18)

പ്രാഥമിക സഹകരണ ബാങ്ക്/സംഘങ്ങളില്‍ വായ്പ കുടിശികയുള്ളവര്‍ക്ക് ആനുകൂല്യങ്ങളോടെ ഒറ്റത്തവണ തീര്‍പ്പാക്കല്‍ പദ്ധതിയില്‍ വായ്പ തിരിച്ചടയ്ക്കാന്‍ അവസരം. കൃത്യമായി വായ്പ തിരിച്ചടയ്ക്കുന്നവര്‍ക്ക് ഇന്‍സെന്റീവും നല്‍കും. ഫെബ്രുവരി 28 വരെയാണ് പദ്ധതിയുടെ കാലാവധി. 

വ്യവസായ വകുപ്പില്‍ നിന്നും ചെറുകിട വ്യവസായ സ്ഥാപനങ്ങള്‍ക്ക് അനുവദിച്ചിട്ടുള്ള മാര്‍ജിന്‍ മണി വായ്പ കുടിശിക തീര്‍ക്കുന്നതിന് ഒറ്റത്തവണ തീര്‍പ്പാക്കല്‍ പദ്ധതി അനുവദിച്ച് സര്‍ക്കാര്‍ ഉത്തരവായി. രണ്ട് കാറ്റഗറികളിലായാണ് പദ്ധതി ആനുകൂല്യം ലഭ്യമാക്കുന്നത്. 

ഏറത്ത് പഞ്ചായത്തില്‍ ഈ മാസം 10 മുതല്‍ 15 വരെ നടത്താനിരുന്ന അങ്കണവാടി വര്‍ക്കര്‍-ഹെല്‍പ്പര്‍ തസ്തികകളിലേക്കുള്ള ഇന്റര്‍വ്യൂ മാറ്റിവച്ചതായി പറക്കോട് അഡീഷണല്‍ ശിശുവികസന പദ്ധതി ഓഫീസര്‍ അറിയിച്ചു. പുതുക്കിയ തീയതി പിന്നീട് അറിയിക്കും.     (പിഎന്‍പി 38/19)