സൗരോര്‍ജ്ജ വൈദ്യുതി വ്യാപനത്തിലൂടെ വൈദ്യുത മിച്ച സംസ്ഥാനമാക്കി മാറ്റുന്നതിന്റെ ഭാഗമായി സംസ്ഥാന വൈദ്യുതി ബോര്‍ഡ് നടപ്പാക്കുന്ന സൗര പദ്ധതിക്ക് ജില്ലയില്‍ മികച്ച പിന്തുണ. ആഗോളതാപനം ലഘൂകരിക്കുന്നതിന്റെ ഭാഗമായി ഊര്‍ജ്ജസുരക്ഷ ഉറപ്പാക്കാനാണ് നാടിന് ഊര്‍ജ്ജം വീടിന് ലാഭം എന്ന ലക്ഷ്യത്തോടെ 'പുരപ്പുറ സൗരോര്‍ജ്ജ പദ്ധതി'ക്ക്  കെഎസ്ഇബി തുടക്കം കുറിച്ചിരിക്കുന്നത്്. വരുന്ന മൂന്ന് വര്‍ഷകാലത്തിനുള്ളില്‍ കെഎസ്ഇബി ലിമിറ്റഡിന്റെ നേതൃത്വത്തില്‍ സംസ്ഥാനത്ത് ആയിരം മെഗാവാട്ട്  വൈദ്യുതി സൗരപദ്ധതികളില്‍ നിന്നും ഉത്പാദിപ്പിക്കുകയാണ് ലക്ഷ്യം.

പദ്ധതി വിഹിതം ചെലവഴിക്കുന്നതില്‍ പിന്നില്‍ നില്‍ക്കുന്ന വകുപ്പുകളും തദ്ദേശ സ്വയംഭരണ സ്ഥാപനങ്ങളും ജനുവരി 15നകം പരാമാവധി തുക കാര്യക്ഷമമായി ചെലവഴിക്കണമെന്നും ജില്ലാ വികസന സമിതി നിര്‍ദേശിച്ചു. നിലവില്‍ പദ്ധതി വിഹിതത്തില്‍ ജില്ല 10-ാം സ്ഥാനത്താണ്. മാര്‍ച്ച് മാസം വരെ കാത്തിരിക്കേണ്ടതില്ലെന്നും ജില്ലാ കളക്ടര്‍  ഡോ.ഡി.സജിത്ത് ബാബു അറിയിച്ചു. ഇതുവരെ 51 ശതമാനമാണ് ജില്ല ചെലവഴിച്ചിരിക്കുന്നത്. ഗ്രാമപഞ്ചായത്തുകള്‍ 54.35 ശതമാനവും ബ്ലോക്ക് പഞ്ചായത്തുകള്‍ 58.19 ശതമാനവും ജില്ലാ പഞ്ചായത്ത് 41.19 ശതമാനവും മുന്‍സിപ്പാലിറ്റികള്‍ 37.83 ശതമാനവുമാണ് ഇതുവരെ ചെലവഴിച്ചത്. 

ജില്ലയില്‍ 2019 ജനുവരി ഏഴിന് പട്ടയമേള നടക്കും. രാവിലെ 10.30 ന് കാസര്‍കോട് മുന്‍സിപ്പല്‍ ടൗണ്‍ ഹാളില്‍ നടക്കുന്ന മേളയില്‍ റവന്യുു മന്ത്രി ഇ.ചന്ദ്രശേഖരന്‍ പട്ടയങ്ങള്‍ വിതരണം ചെയ്യുമെന്ന് ജില്ലാ കളക്ടര്‍ ഡോ.ഡി.സജിത്ത് ബാബു പറഞ്ഞുു. ജില്ലയില്‍ മൊത്തം 2050 പട്ടയങ്ങള്‍ വിതരണം ചെയ്യുന്നതിനായി തയ്യാറായിട്ടുണ്ടെന്നും ജില്ലാ വികസന സമിതി യോഗത്തില്‍ അദ്ദേഹം അറിയിച്ചു.

പട്ടികജാതി-പട്ടികവര്‍ഗ്ഗ വികസന വകുപ്പിന്റെയും കിര്‍ടാഡ്‌സിന്റെയും ജില്ലാ ഭരണകൂടത്തിന്റെയും നേതൃത്വത്തില്‍ കഴിഞ്ഞ ഒരാഴ്ചക്കാലമായി പിലിക്കോട് ഗ്രാമപഞ്ചായത്ത് മൈതാനത്തില്‍ നടന്നുവരുന്ന നാടന്‍ കലാമേള-ഉത്പന്ന പ്രദര്‍ശന വിപണനമേള  ഗദ്ദിക-2018 ന് ഇന്ന്(30) സമാപനമാകും.                ഇന്ന് വൈകീട്ട് 5.30ന് നടക്കുന്ന സമാപന സമ്മേളനം റവന്യൂ വകുപ്പ് മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും. എം രാജഗോപാലന്‍ എം എല്‍ എ അധ്യക്ഷനാകും. കെ. സോമപ്രസാദ് എം പി മുഖ്യാതിഥിയാകും.

സംസ്ഥാന  ഭവന നിര്‍മ്മാണ ബോര്‍ഡിന്റെ ഭവന നിര്‍മാണ വായ്പകള്‍ തീര്‍പ്പാക്കല്‍ അദാലത്തിന്റെ സംസ്ഥാനതല ഉദ്ഘാടനം ഇന്ന്( ഡിസംബര്‍ 30ന)് പകല്‍ 10ന് കളക്ടറേറ്റ് കോണ്‍ഫറന്‍സ് ഹാളില്‍  റവന്യൂ-ഭവന വകുപ്പ് മന്ത്രി ഇ.ചന്ദ്രശേഖരന്‍ നിര്‍വഹിക്കും. ഭവന നിര്‍മാണ വായ്പകള്‍ തിരിച്ചടക്കാന്‍ പ്രയാസമനുഭവിക്കുന്ന ഗുണഭോക്താക്കള്‍ക്ക് നിരവധി തവണ ഒറ്റത്തവണ തീര്‍പ്പാക്കല്‍  പദ്ധതി നടപ്പാക്കിയിട്ടും ഒരു വിഭാഗം ഇപ്പോഴും അവശേഷിക്കുന്ന സാഹചര്യത്തിലാണ് സംസ്ഥാന വ്യാപകമായി അദാലത്തുകള്‍ സംഘടിപ്പിക്കുന്നത്.

ഇംഗ്‌ളണ്ടിൽ എൻ.എച്ച്.എസ്. ഫൗണ്ടേഷൻ ട്രെസ്റ്റിന് കീഴിലുള്ള ആശുപത്രികളിൽ നഴ്‌സുമാരെ നിയമിക്കുന്നതിന് നോർക്ക റൂട്ട്‌സ് അപേക്ഷ ക്ഷണിച്ചു.

മുഖ്യമന്ത്രിയുടെ ദുരിതാശ്വാസ നിധിയിലേക്ക് ആന്ധ്രാപ്രദേശിൽ നിന്ന് വീണ്ടും സഹായം. 1.34 കോടി രൂപയുടെ സഹായമാണ് ഇത്തവണ ലഭിച്ചത്. പ്രളയ ദുരന്തത്തെ തുടർന്ന് ആന്ധ്രപ്രദേശ് സർക്കാർ കേരളത്തിന് നേരത്തെയും സഹായം ലഭ്യമാക്കിയിരുന്നു. ഇതുവരെ 56 കോടി രൂപയുടെ സഹായമാണ് ആന്ധ്രയിൽ നിന്ന് കേരളത്തിന് ലഭിച്ചത്.   ആന്ധ്രപ്രദേശ് മുഖ്യമന്ത്രിയുടെ ഓഫീസിലെ റിയൽടൈം ഗവേണൻസിന്റെ ചീഫ് എക്‌സിക്യൂട്ടീവ് ഓഫീസർ ബാബു അഹമ്മദ് തുക മുഖ്യമന്ത്രിയുടെ പ്രൈവറ്റ് സെക്രട്ടറി എം.വി. ജയരാജന് കൈമാറി.

സംസ്ഥാന യുവജനക്ഷേമ ബോർഡ് നവോത്ഥാന മൂല്യങ്ങൾ യുവതലമുറ യിലേക്ക് പകരുക എന്ന ലക്ഷ്യത്തോടെ ''പേറുക വന്നീ പന്തങ്ങൾ'' എന്ന പേരിൽ ഇന്ന് വൈകിട്ട് 6.30 ന് തിരുവനന്തപുരത്ത് നവോത്ഥാന ജാഥയും സാംസ്‌കാരിക കൂട്ടായ്മയും സംഘടിപ്പിക്കും.

അമിത ഉത്കണ്ഠ, അകാരണമായ ഭയവും നെഞ്ചിടിപ്പും എന്നീ മാനസിക അസ്വാസ്ഥ്യങ്ങൾ, പുരുഷവന്ധ്യത, മൂത്രത്തിൽ അമിതമായി പ്രോട്ടീൻ കാണുന്ന അവസ്ഥ എന്നിവയ്ക്ക് തിരുവനന്തപുരം ആയുർവേദ കോളേജ് ആശുപത്രി കായചികിത്സാ വിഭാഗം ഒ.പി. നമ്പർ 2-ൽ ഗവേഷണാടിസ്ഥാനത്തിൽ സൗജന്യ ചികിത്സ ലഭിക്കും. ഫോൺ: 8281684952, 8593001456, 7012917410.

പി.എൻ.എക്സ്. 5688/18

മദ്യപാനജന്യമല്ലാത്ത കരൾ രോഗങ്ങൾക്കും 30 നും 60 നും ഇടയിൽ പ്രായമുള്ള പ്രമേഹരോഗികൾക്കും തിരുവനന്തപുരം സർക്കാർ ആയുർവേദ കോളേജ് ഒ.പി. നമ്പർ 1-ൽ  തിങ്കൾ, വ്യാഴം ദിവസങ്ങളിൽ രാവിലെ 8 മുതൽ 12.30 വരെ സൗജന്യ ചികിത്സ ലഭിക്കും. രജിസ്‌ട്രേഷനും ചികിത്സയും സംബന്ധിച്ച വിവരങ്ങൾക്ക് 9946131648, 9846034255, 9446553068.

പി.എൻ.എക്സ്. 5687/18