കാലങ്ങളായി മുടങ്ങിക്കിടന്ന സാമൂഹ്യ സുരക്ഷ പെന്‍ഷനുകളുടെ വിതരണം ഏറ്റെടെത്തും സന്ദര്‍ഭോചിതമായ ഇടപെടലുകള്‍കൊണ്ടും  സഹകരണ വകുപ്പ് രണ്ട് വര്‍ഷക്കാലയളവില്‍ നടത്തിയത് അഭിമാനാര്‍ഹമായ നേട്ടം കര്‍ഷക തൊഴിലാളി പെന്‍ഷന്‍, വിധവാ പെന്‍ഷന്‍, വാര്‍ദ്ധക്യകാല പെന്‍ഷന്‍, അവിവാഹിത പെന്‍ഷന്‍, വികലാംഗ പെന്‍ഷന്‍,  എന്നീ സാമൂഹ്യ സുരക്ഷ പെന്‍ഷനുകളുമാണ്  2016 മുതല്‍ മികച്ച രീതിയില്‍ വിതരണം ചെയ്ത് വരുന്നത്. ഇക്കാലയളവില്‍  ആറ് ഘട്ടങ്ങളിലായി പെന്‍ഷന്‍ വിതരണ പൂര്‍ത്തിയാക്കി. ഏഴാം ഘട്ട വിതരണത്തിനുള്ള എല്ലാ തയ്യാറെടുപ്പുകളും അവസാന ഘടത്തിലാണ്. 

 ഗ്രീന്‍ കാര്‍പ്പെറ്റ് പദ്ധതികള്‍ സംസ്ഥാനത്ത് ആദ്യമായി പൂര്‍ത്തീകരിച്ചതിന്‍റെ നേട്ടവുമായാണ് ജില്ലാടൂറിസം പ്രൊമോഷന്‍ കൗണ്‍സില്‍ സംസ്ഥാന സര്‍ക്കാരിന്‍റെ രണ്ടാം വാര്‍ഷികം ആഘോഷിക്കുന്നത്. 48 ലക്ഷം രൂപ ചെലവില്‍ വാഴാനി ഡാം പദ്ധതി, 47.68 ലക്ഷം രൂപയുടെ
    പീച്ചി ഡാം പദ്ധതി, 36.88 ലക്ഷം രൂപയുടെ പൂമല ഡാം പദ്ധതി, 20 ലക്ഷം രൂപ ചെലവില്‍ മുനയ്ക്കല്‍ ബീച്ച് പദ്ധതി, 18 ലക്ഷം രൂപ ചെലവില്‍ സ്നേഹതീരം ബീച്ച് പദ്ധതി എന്നിവയാണ് ഗ്രീന്‍ കാര്‍പ്പെറ്റ് പദ്ധതിയില്‍ ഉള്‍പ്പെടുത്തി ഡി ടി പി സി പൂര്‍ത്തീകരിച്ചത്.

എന്‍ എച്ച് 47 നെ ബന്ധിപ്പിക്കുന്ന വെള്ളാങ്കല്ലൂര്‍ - ചാലക്കുടി റോഡ് നവീകരണത്തിന് 15 കോടി രൂപയുടേയും പാറേപാടം കുരിശ് - വട്ടേംപാടം റോഡ് നവീകരണത്തിന് 13 കോടി രൂപയുടേയും നിര്‍മ്മാണ പ്രവര്‍ത്തനങ്ങള്‍ക്ക് ജില്ലയില്‍ അനുമതിയായി. പൊതുമരാമത്ത് വകുപ്പ് കഴിഞ്ഞ രണ്ടു വര്‍ഷമായി റോഡിലെ വെള്ളക്കെട്ട് ഒഴിവാക്കുന്നതിനും റോഡ് സുരക്ഷ ഉറപ്പാക്കുന്നതിനും നിരവധി പ്രവര്‍ത്തനങ്ങളാണ് നടത്തിയത്. എന്‍ എച്ച് 544 നെ ബന്ധിപ്പിക്കുന്ന ആമ്പല്ലൂര്‍ - കല്ലായി റോഡ് നവീകരണത്തിന് 10.5 കോടി അനുവദിച്ചു.

സംസ്ഥാന മന്ത്രിസഭയുടെ ജില്ലാതല വാര്‍ഷികാഘോഷങ്ങളുടെ ഭാഗമായി മെയ് 19 ന് തൃശൂര്‍ നഗരത്തില്‍ നടത്തുന്ന സാംസ്കാരിക ഘോഷയാത്ര വര്‍ണ്ണശബളമാക്കാന്‍  കമ്മിറ്റി രൂപീകരിക്കാന്‍ തീരുമാനിച്ചു. കളക്ടറേറ്റില്‍ എ.ഡി.എം സി ലതികയുടെ അദ്ധ്യക്ഷതയില്‍ നടന്ന യോഗത്തില്‍ വിവിധ കമ്മിറ്റികളുടെ ഒരുക്കങ്ങളെക്കുറിച്ചും വിലയിരുത്തി. അവര്‍ക്കു വേണ്ട മാര്‍ഗ്ഗനിര്‍ദ്ദേശങ്ങളും നല്‍കി.

സര്‍ക്കാര്‍ ഓഫീസുകളില്‍ ഗ്രീന്‍പ്രോട്ടോക്കോള്‍ നടപ്പിലാക്കുന്നതിന്‍റെ ഭാഗമായി ജില്ലാ കളക്ടറേറ്റിലെ ഉപയോഗയോഗ്യമല്ലാത്ത കസേരകളുടെയും മേശകളുടെയും അറ്റകുറ്റപണി നടത്തി. ചാലക്കുടി ഗവണ്‍മെന്‍റ് ഐ ടി ഐ യിലെ എന്‍ എസ് എസ് യൂണിറ്റിന്‍റെ ആഭിമുഖ്യത്തില്‍ വിദ്യാര്‍ത്ഥികളാണ് അറ്റുകുറ്റപണികള്‍ നടത്തിയത്. തേക്കിലും ഈട്ടിയിലും തീര്‍ത്ത 25 ലക്ഷം കസേരകള്‍, മേശകള്‍, ബെഞ്ചുകള്‍ എന്നിവ അറ്റുകുറ്റപണികള്‍ നടത്തി വിദ്യാര്‍ത്ഥികള്‍ ജില്ലാ കളക്ടര്‍ ഡോ. എ കൗശിഗന് കൈമാറി. ഹരിതകേരളം ജില്ലാ മിഷന്‍, ജില്ലാ ഭരണകൂടം എന്നിവയുടെ നേതൃത്വത്തിലായിരുന്നു അറ്റകുറ്റപണികള്‍.

സംസ്ഥാന സര്‍ക്കാരിന്‍റെ രണ്ടാം വാര്‍ഷികാഘോഷത്തോടനുബന്ധിച്ച് തേക്കിന്‍കാട് മൈതാനത്ത് വിദ്യാര്‍ത്ഥി കോര്‍ണറില്‍ സംഘടിപ്പിക്കുന്ന ഉല്‍പ്പന്ന പ്രദര്‍ശന വിപണന മേളയ്ക്കുളള സ്റ്റാളുകള്‍ നിശ്ചിയിച്ചു. മൊത്തം 142 സ്റ്റാളുകളാണ് വിപണന മേള പവലിയനില്‍ ഉണ്ടാവുക. 40 സ്റ്റാളുകള്‍ കുടുംബശ്രീക്ക് വകയിരുത്തി. ഐ ടി മിഷന് 500 ചതുരശ്ര അടിയില്‍ ഒരു സ്റ്റാള്‍ അനുവദിച്ചു. കൃഷി വകുപ്പിന് 25 സ്റ്റാളുകള്‍ വകയിരുത്തി.

നവകേരള ദൗത്യത്തിന്‍റെ ഭാഗമായ പൊതുവിദ്യാഭ്യാസ സംരക്ഷണ യജ്ഞത്തിലൂടെ ആയിരം സ്ക്കൂളുകളെ അന്താരാഷ്ട്ര നിലവാരത്തിലേക്കുയര്‍ത്തുന്നു. പൊളിക്കേണ്ട പഴയ സ്കൂള്‍ കെട്ടിടങ്ങള്‍ പൊളിച്ച് മെയ് 25 നകം പുതിയ കെട്ടിടങ്ങളുടെ നിര്‍മ്മാണോദ്ഘാടനം നടത്തും. ആദ്യപടിയായി 2017-18 ബജറ്റില്‍ കിഫ്ബിയുടെ 5 കോടി ധനസഹായത്തോടെ 141 സ്ക്കൂളുകളെ മികവിന്‍റെ കേന്ദ്രങ്ങളാക്കുവാനും 229 സ്കൂളുകളിലെ ഭൗതിക സാഹചര്യം മെച്ചപ്പെടുത്തുവാനും തീരുമാനിച്ചു. നിര്‍മ്മാണ പ്രവര്‍ത്തങ്ങള്‍ക്കു വിശദമായ പദ്ധതിരേഖ (ഡി പി ആര്‍) തയ്യാറാക്കുന്നതിനായി കിറ്റ്കോയെ ചുമതലപ്പെടുത്തി.

ആരും ജോലി നല്‍കാത്തതിനാല്‍ പട്ടിണിയാണെന്നും ജീവിതം ദുരിതപൂര്‍ണ്ണമാണെന്നും കാണിച്ച് ജില്ലാ കളക്ടര്‍ ഡോ. എ കൗശിഗനു അപേക്ഷ നല്‍കിയ ട്രാന്‍സ്ജെന്‍റര്‍ വിഭാഗത്തില്‍പ്പെട്ട എടമുട്ടം മാരാത്ത് വീട്ടില്‍ സുജി എന്ന സുജിത് കുമാറിന് ജില്ലാ കളക്ടര്‍ ഇടപെട്ടതാടെ ആശ്വാസം. സുജിത് കുമാറിന് വിദ്യാഭ്യാസ യോഗ്യതയ്ക്കനുസരിച്ച ജോലിയും താമസസൗകര്യവും ഒരുക്കുവാന്‍ ജില്ലാ കളക്ടര്‍ ഡോ. എ കൗശിഗന്‍ മുന്നില്‍ ഒരു ചാരിറ്റബിള്‍ സൊസൈറ്റി താല്‍പര്യം പ്രകടിപ്പിച്ചു. തുടര്‍ന്ന് സുജിത് കുമാറിനെ വിളിച്ച് ജില്ലാ കളക്ടര്‍ വിവരം അറിയിച്ചു.
 

ആലപ്പുഴ:  അടുത്ത ആഗസ്തിൽ നടക്കുന്ന 66-ാമത് നെഹ്‌റു ട്രോഫി വള്ളംകളിയുടെ ടിക്കറ്റ് അച്ചടിക്കുന്നതിനുള്ള ദർഘാസ് ക്ഷണിച്ചു. മാതൃക ആലപ്പുഴ റവന്യു ഡിവിഷണൽ ഓഫീസിൽ ലഭ്യമാണ്. സീരിയൽ നമ്പർ ഉൾപ്പടെയുള്ള സാമ്പിളുകൾ ക്വട്ടേഷനൊപ്പം സമർപ്പിക്കണം. ജൂൺ 18ന് വൈകീട്ട് നാലുവരെ ക്വട്ടേഷൻ സ്വീകരിക്കും. കൂടുതൽ വിവരത്തിന് ആർ.ഡി.ഒഫീസിൽ ബന്ധപ്പെടണം. 

(പി.എൻ.എ. 1249/2018)

ജില്ലയില്‍ വാണിയമ്പാറയിലും എരുമപ്പെട്ടിയിലും 1.75 കോടി രൂപ ചെലവില്‍ മോഡല്‍ ഫോറസ്റ്റ് സ്റ്റേഷനുകള്‍ നിര്‍മ്മിച്ചും ജില്ലയിലെ വനം സംരക്ഷണ പ്രവര്‍ത്തനങ്ങളില്‍ മികവു പ്രകടിപ്പിച്ചും മുന്നേറുകയാണ് വനം വകുപ്പ് തൃശ്ശൂര്‍ ഡിവിഷന്‍. നബാര്‍ഡ് ആര്‍.ഐ.ഡി.എഫ്.  പദ്ധതിയില്‍ ഉള്‍പ്പെടുത്തിയാണ് നിര്‍മ്മാണ പ്രവര്‍ത്തനങ്ങള്‍ നടത്തിയത്.