പടിയൂര്‍ ഗവ. ഐടി ഐ യിലെ എംപ്ലോയബിലിറ്റി സ്‌കില്‍ ഇന്‍സ്ട്രക്ടറുടെ ഒഴിവിലേക്ക് അപേക്ഷ ക്ഷണിച്ചു. യോഗ്യത: എം ബി എ ബിരുദവും രണ്ടു വര്‍ഷത്തെ പ്രവൃത്തി പരിചയം/ സോഷ്യോളജി/ സോഷ്യല്‍ വെല്‍ഫെയര്‍/ ഇക്‌ണോമിക്‌സ വിഷയത്തിലെ ബിരുദവും രണ്ടു വര്‍ഷത്തെ പ്രവൃത്തി പരിചയം, ഹയര്‍ സെക്കന്ററി തലത്തില്‍ ഇംഗ്ലീഷ്/ കമ്മ്യൂണിക്കേഷന്‍ സ്‌കിലും കൂടാതെ ബേസിക് കപ്യൂട്ടറും ഒരു വിഷയമായി പഠിച്ചിരിക്കണം. അപേക്ഷകര്‍ ജനുവരി 10ന് രാവിലെ 11 മണിക്ക്  യോഗ്യത സര്‍ട്ടിഫിക്കേറ്റുകളുടെ അസ്സലും പകര്‍പ്പും സഹിതം പ്രിന്‍സിപ്പലിന്റെ ഓഫീസില്‍ ഹാജരാകണം. വിശദ വിവരങ്ങള്‍ക്ക് ഫോണ്‍: 0460 2278440, 9747432402.

    കേരള സംസ്ഥാന സാക്ഷരതാ മിഷന്‍ തയ്യാറാക്കിയ നവോത്ഥാനത്തിന്റെ സ്ത്രീ മുന്നേറ്റങ്ങള്‍ എന്ന പുസ്തകത്തെ അടിസ്ഥാനമാക്കി കണ്ണൂര്‍ ജില്ലാ സാക്ഷരതാ മിഷന്‍ സംഘടിപ്പിക്കുന്ന പ്രദര്‍ശനം രാവിലെ 10.30 ന് ടൗണ്‍സ്‌ക്വയറില്‍ തുറമുഖ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡണ്ട് കെ വി സുമേഷ് അധ്യക്ഷത വഹിക്കും. ഡിസംബര്‍ 30, 31 തീയതികളിലാണ  പ്രദര്‍ശനം.  

കേന്ദ്ര ടെക്‌സ്‌റ്റൈല്‍ മന്ത്രാലയത്തിന്റെ കീഴിലുള്ള അപ്പാരല്‍ ട്രെയിനിംങ് ആന്റ് ഡിസൈന്‍ സെന്ററിന്റെ തളിപ്പറമ്പ് നാടുകാണി സെന്ററില്‍ ഫാഷന്‍ ഡിസൈനിംങിന് അപേക്ഷ ക്ഷണിച്ചു. ഫാഷന്‍ ഡിസൈന്‍ ടെക്‌നോളജി 1 വര്‍ഷത്തെ ഡിപ്ലോമ കോഴ്‌സിലേക്കാണ് അപേക്ഷ ക്ഷണിച്ചിരിക്കുന്നത്. അപേക്ഷ സ്വീകരിക്കുന്ന അവസാന തീയ്യതി ജനുവരി 16. കൂടുതല്‍ വിവരങ്ങള്‍ക്ക് നേരിട്ടോ 0460 2226110, 9746394616 എന്ന നമ്പറിലോ ബന്ധപ്പെടാം. 

ആറളം ഫാം പട്ടികവര്‍ക്ഷ പുനരധിവാസ മേഖലയുടെ സമഗ്ര വികസനത്തിനായി നബാര്‍ഡ് ധനസഹായത്തോടെ നടത്തുന്ന 38.02 കോടി രൂപയുടെ സമഗ്ര വികസന പദ്ധതിയുടെ പ്രവൃത്തി ഉദ്ഘാടനം ജനുവരി ആറിന് മന്ത്രി എ കെ ബാലന്‍ നിര്‍വ്വഹിക്കും. ഈ പരിപാടി വിജയിപ്പിക്കുവാനുള്ള സംഘാടക സമിതി യോഗം 31 ന് 3 മണിക്ക് ആറളം ഫാം ഓഫീസില്‍ ചേരും.

വിദ്യാലയ വാര്‍ത്തകളും പഠനപ്രവര്‍ത്തനങ്ങളും റിപ്പോര്‍ട്ട് ചെയ്യുന്നതിന് ജില്ലയിലെ സ്‌കൂളുകളില്‍ നിന്ന് 390 കുട്ടി റിപ്പോര്‍ട്ടര്‍മാരെ പരിശീലിപ്പിക്കാനായി കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) നടത്തിയ ക്യാമ്പ് സമാപിച്ചു. ഡിസംബര്‍ 26 മുതല്‍ രണ്ടു ബാച്ചുകളായാണ് ക്യാമ്പ് നടത്തിയത്. ഡിജിറ്റല്‍ ക്യാമറ ഉപയോഗിച്ച് പഠന വിഭവങ്ങള്‍ ഉണ്ടാക്കുന്നതിനും സ്‌കൂളുകളില്‍നിന്ന് കൈറ്റ് വിക്ടേഴ്‌സ് വിദ്യാഭ്യാസ ചാനലിലൂടെ സംപ്രേഷണത്തിന് അനുയോജ്യമായ വാര്‍ത്തകളും വിഭവങ്ങളും തയാറാക്കുന്നതിനും കുട്ടി റിപ്പോര്‍ട്ടര്‍മാരെ  പ്രാപ്തരാക്കുകയാണ് കൈറ്റിന്റെ ലക്ഷ്യം.