സംസ്ഥാന സഹകരണ വകുപ്പിനു കീഴിലുളള പട്ടികജാതി -പട്ടികവര്‍ഗ വികസന സഹകരണ ഫെഡറേഷന്‍റെ ആയൂര്‍ധാര മരുന്നുകളുടേയും വന വിഭവങ്ങളുടേയും മൊത്ത, ചില്ലറ വ്യാപാരത്തിന് ഏജന്‍സികളില്‍ നിന്നും അപേക്ഷ ക്ഷണിച്ചു. ജില്ലാ, താലൂക്ക്, പഞ്ചായത്ത് തലങ്ങളില്‍ ബങ്ക്/ ഔട്ട്ലെറ്റ് ഏറ്റെടുത്ത് നടത്താന്‍ താല്‍പര്യമുള്ളവര്‍ക്ക് അപേക്ഷിക്കാം. വിലാസം-ആയുര്‍ധാര ഫാര്‍മസ്യൂട്ടിക്കല്‍സ്, സൗത്ത് അഞ്ചേരി, തൃശൂര്‍-680006. ഫോണ്‍- 0487 2354851, 9446060604.

    മനുഷ്യാവകാശ കമ്മീഷന്‍ അംഗം കെ.മോഹന്‍കുമാര്‍ ജനുവരി 30 ന് പാലക്കാട് ഗസ്റ്റ് ഹൗസില്‍ സിറ്റിംങ് നടത്തും. പരാതിക്കാര്‍ക്ക് അപേക്ഷകള്‍ നേരിട്ടു നല്‍കാം.

    ക്രിസ്മസ് അവധിക്കു ശേഷം ലോകായുക്ത ജനുവരി മൂന്ന് മുതല്‍ പ്രവര്‍ത്തിച്ചു തുടങ്ങും. അവധി ദിവസങ്ങള്‍ക്ക് പകരമായി ജനുവരി 19ന് സ്പെഷല്‍ ലോകായുക്ത ഡിവിഷന്‍ സിംഗിള്‍ ബെഞ്ച് സിറ്റിങ് നടത്തുമെന്ന് രജിസ്ട്രാര്‍ അറിയിച്ചു.

മുഖ്യമന്ത്രി പിണറായി വിജയന്‍ ഇന്ന് (ഡിസംബര്‍ 30)  ജില്ലയിലെത്തും. ജില്ലയിലെ മൂന്ന് പരിപാടികളില്‍ പങ്കെടുക്കും. പൊന്നാനിയില്‍ സ്ത്രീകളുടെയും കുട്ടികളുടെയും ആശുപത്രി രാവിലെ 11 ന് ഉദ്ഘാടനം ചെയ്യും.  സ്പീക്കര്‍ പി ശ്രീരാമകൃഷ്ണന്‍ അധ്യക്ഷനാകും. ആരോഗ്യ വകുപ്പ് മന്ത്രി കെ.കെ ശൈലജ ടീച്ചര്‍ ഓപ്പറേഷന്‍ തിയേറ്റര്‍ കോംപ്ലക്‌സിന്റെ ഉദ്ഘാടനവും ഉന്നത വിദ്യഭ്യാസ വകുപ്പ് മന്ത്രി കെ.ടി ജലീല്‍ കാരുണ്യ ഫാര്‍മസിയുടെയും ഉദ്ഘാടനം നിര്‍വഹിക്കും.

    മലമ്പുഴ വനിതാ ഐ.ടി.ഐ. യില്‍ ജനുവരി ഒന്നിന് നടത്താനിരുന്ന മെക്കാനിക് കണ്‍സ്യൂമര്‍ ഇലക്ട്രോണിക്സ് അപ്ലയന്‍സസ്,  ഫാഷന്‍ ഡിസൈന്‍ ആന്‍ഡ് ടെക്നോളജി, ഇന്‍ഫര്‍മേഷന്‍ ആന്‍റ് കമ്മ്യൂണിക്കേഷന്‍ ടെക്നോളജി സിസ്റ്റം മെയിന്‍റെനന്‍സ് ട്രെയിഡുകളിലേക്കുള്ള ഗസ്റ്റ് ഇന്‍സ്റ്റക്ടര്‍മാരുടെ കൂടിക്കാഴ്ച ജനുവരി മൂന്നിന് രാവിലെ 11ന് നടക്കുമെന്ന്  പ്രിന്‍സിപ്പാള്‍ അറിയിച്ചു.