തെരഞ്ഞെടുപ്പ് കമ്മീഷന്‍ എസ്.വി.ഇ.ഇ.പി 2018 യുടെ ഭാഗമായി ഒമ്പത് മുതല്‍ 12 വരെ ക്ലാസ്സുകളിലെ വിദ്യാര്‍ഥികളെ ഉള്‍പ്പെടുത്തി 'നോ വോട്ടര്‍ ടു ബി ലെഫ്റ്റ് ബിഹൈന്‍ഡ്' എന്ന വിഷയത്തില്‍ താലൂക്ക് തലത്തില്‍  ഇന്‍റര്‍ സ്കൂള്‍ ക്വിസ് മത്സരം നടത്തും. പാലക്കാട് താലൂക്ക് കോണ്‍ഫറന്‍സ് ഹാളില്‍ ജനുവരി നാലിന് മത്സരം നടക്കുക. ഒരു സ്കൂളില്‍ നിന്നും രണ്ട്  വിദ്യാര്‍ഥികള്‍ക്ക് അവസരം. വിദ്യാര്‍ഥികള്‍ അന്നേദിവസം രാവിലെ 10 ന് സ്കൂള്‍ പ്രിന്‍സിപ്പാള്‍/ഹെഡ്മാസ്റ്ററുടെ കത്തുമായി എത്തണമെന്ന് തെരഞ്ഞെടുപ്പ് രജിസ്ട്രേഷന്‍ ഓഫീസര്‍ അറിയിച്ചു.

    വനിത മതില്‍ സംഘാടനത്തോടനുബന്ധിച്ച് ജില്ലാ സാക്ഷരതാ മിഷന്‍റെ നേതൃത്വത്തില്‍  ഇന്ന് (ഡിസംബര്‍ 30) ആലത്തൂര്‍ ബ്ലോക്ക് പഞ്ചായത്ത് ഹാളില്‍ ചിത്രപ്രദര്‍ശനവും പ്രഭാഷണവും സംഘടിപ്പിക്കും.

    വനിത മതില്‍ പ്രചരണത്തോടനുബന്ധിച്ച് കുടുംബശ്രീ സി.ഡി.എസ് അംഗങ്ങളുടെ നേതൃത്വത്തില്‍ ഇന്ന് (ഡിസംബര്‍ 30) ജില്ലയുടെ വിവിധ കേന്ദ്രങ്ങളില്‍ നവോത്ഥാന ജ്യോതി തെളിയിക്കും. 

    ജില്ലാ ലൈബ്രറി കൗണ്‍സിലിന്‍റെ നേതൃത്വത്തില്‍  ഇന്ന് (ഡിസംബര്‍ 30) രാവിലെ 10 ന് അഞ്ചുവിളക്കിന് സമീപം ഐക്യദാര്‍ഢ്യ സദസ്സ് സംഘടിപ്പിക്കും. കലാസാംസ്കാരിക രംഗത്ത് നിന്നും ബൈജു ദേവ്, ശ്രീജ പള്ളം തുടങ്ങിയവര്‍ പങ്കെടുക്കും. ചിത്രരചന, പാട്ട്, നാടകം തുടങ്ങിയ വിവിധ കലാപരിപാടികള്‍ അരങ്ങേറും.

    സൗദി അറേബ്യന്‍ സര്‍ക്കാര്‍ ആരോഗ്യമന്ത്രാലയത്തിന്‍റെ കീഴിലുള്ള കിംഗ് അബ്ദുള്ള യൂണിവേഴ്സിറ്റി (പ്രിന്‍സസ് നൗറ യൂണിവേഴ്സിറ്റി) റിയാദ് ആശുപത്രിയിലേയ്ക്ക് നിയമനത്തിനായ്  കണ്‍സള്‍ട്ടന്‍റ്സ,് സ്പെഷലിസ്റ്റ് ഡോക്ടര്‍മാരില്‍ നിന്നും അപേക്ഷ ക്ഷണിക്കുന്നു. അപേക്ഷകര്‍ രണ്ടുവര്‍ഷത്തെ പ്രവൃത്തിപരിചയം ഉള്ളവരായിരിക്കണം. ജനുവരി 14 മുതല്‍ 18 വരെയുള്ള തിയ്യതികളില്‍ മുംബൈയിലാണ് അഭിമുഖം നടത്തുക. വിശദവിവരങ്ങള്‍ക്ക് ംംം.ീറലുര.സലൃമഹമ.ഴീ്.ശി എന്ന വെബ്സൈറ്റ് സന്ദര്‍ശിക്കുക