10 വര്‍ഷം പൂര്‍ത്തിയാക്കിയ ട്രാന്‍സ്‌പോര്‍ട്ട് വാഹനങ്ങളുടെയും 15 വര്‍ഷം പൂര്‍ത്തിയാക്കിയ സ്വകാര്യ വാഹനങ്ങളുടെയും ഹരിത നികുതി ഈ മാസം 31 നകം അടക്കണം.നികുതി അടക്കാത്ത വാഹനങ്ങള്‍ക്കെതിരെ മോട്ടോര്‍ വാഹന നിയമപ്രകാരമുളള നടപടികള്‍ സ്വീകരിക്കുമെന്ന് കാഞ്ഞങ്ങാട് ജോയിന്റ് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ അറിയിച്ചു.

സംസ്ഥാന ഇലക്ട്രിക്കല്‍ ഇന്‍സ്‌പെക്ടറേറ്റിന് കീഴിലുള്ള കളക്ടറേറ്റിലെ ജില്ലാ മീറ്റര്‍ ടെസ്റ്റിങ് ആന്റ് സ്റ്റാന്റേര്‍ഡ്‌സ് ലബോറട്ടറിക്ക് കേന്ദ്ര സര്‍ക്കാര്‍ സയന്‍സ് ആന്റ് ടെക്‌നോളജി വകുപ്പിന്റെ കീഴിലുള്ള നാഷണല്‍ അക്രഡിഷന്‍ ബോര്‍ഡ് ഫോര്‍ ടെസ്റ്റിങ് ആന്റ് കാലിബറേഷന്‍ ലബോറട്ടറീസ് (എന്‍.എ.ബി.എല്‍) അംഗീകാരം ലഭിച്ചു. വൈദ്യുത ഉപഭോഗം കണക്കാക്കുന്ന എനര്‍ജി മീറ്റര്‍ കാലിബറേഷന്‍ വിഭാഗത്തിനാണ് അംഗീകാരം. ഇതിലൂടെ വീടുകളിലും മറ്റു സ്ഥാപനങ്ങളിലും സ്ഥാപിക്കുന്ന എനര്‍ജി മീറ്റര്‍ ഉപഭോക്താക്കള്‍ക്ക് കൂടുതല്‍ വിശ്വസ്തതയോടെ കാലിബറേറ്റ് ചെയ്യാനാകും. ഡല്‍ഹി ആസ്ഥാനമായി പ്രവര്‍ത്തിക്കുന്ന എന്‍.എ.ബി.എല്‍.

 സ്റ്റേറ്റ് ഹോര്‍ട്ടികള്‍ച്ചര്‍ മിഷന്റെ ഭാഗമായി വിവിധയിനം പച്ചക്കറി തൈകള്‍ മുളിയാര്‍ കൃഷിഭവനില്‍  നിന്നും വിതരണം ചെയ്യും. ആവശ്യമുള്ള കര്‍ഷകര്‍   ഈ മാസം 19 നകം  കരം അടച്ച രസീതോട് കൂടി അപേക്ഷ സമര്‍പ്പിക്കണമെന്ന് മുളിയാര്‍ കൃഷിഭവന്‍ കൃഷി ഓഫീസര്‍ അറിയിച്ചു.

കോഴിക്കോട്  ബേപ്പൂര്‍ നടുവട്ടത്തുളള കേരള സര്‍ക്കാര്‍ ക്ഷീര പരിശീലന കേന്ദ്രത്തില്‍ കാസര്‍കോട്, കണ്ണൂര്‍, മലപ്പുറം, കോഴിക്കോട്, വയനാട് ജില്ലകളിലുള്ള ക്ഷീരോല്പാദക സഹകരണസംഘം ഭരണസമിതിയംഗങ്ങള്‍ക്ക്      രണ്ടു ദിവസത്തെ പരിശീലനം സംഘടിപ്പിക്കുന്നു.   ഈ മാസം 22, 23 തീയതികളിലാണ് പരിശീലനം. പങ്കെടുക്കുവാന്‍ താല്‍പര്യമുളളവര്‍  ഈ മാസം 22 ന് രാവിലെ പത്തിനകം ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പും 15 രൂപ രജിസ്‌ട്രേഷന്‍ ഫീസും സഹിതം കോഴിക്കോട് ക്ഷീര   പരിശീലന കേന്ദ്രത്തില്‍ എത്തി പേര് രജിസ്റ്റര്‍    ചെയ്യണം.കൂടുതല്‍ വിവരങ്ങള്‍ക്ക് 0495 2414579 

 എംപ്ലോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററിന്റെ നേതൃത്വത്തില്‍ തൊഴില്‍ നേടാന്‍ അവസരമൊരുക്കികൊണ്ട് രജിസ്‌ട്രേഷന്‍ ക്യാംപെയിന്‍ മിനി  സ്റ്റേഷനില്‍  ഈ മാസം 19 ന് സംഘടിപ്പിക്കുന്നു. താല്പര്യമുള്ള ഉദ്യോഗാര്‍ത്ഥികള്‍ അന്നേദിവസം സര്‍ട്ടിഫിക്കറ്റുകള്‍,തിരിച്ചറിയല്‍ കാര്‍ഡ്  എന്നിവ സഹിതം 250 രൂപ അടച്ചു രജിസ്റ്റര്‍ ചെയ്യണം. പ്രായപരിധി 18- 35 യോഗ്യത-  പ്ലസ് ടു /തത്തുല്യം. കൂടുതല്‍ വിവരങ്ങള്‍ക്ക് :9207155700, 04994297470

  ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററില്‍ ഈ മാസം 19 ന്  രാവിലെ 11  ന് അധ്യാപക തസ്തികയിലേക്കും സെയില്‍സ് ഓഫീസര്‍ തസ്തികയിലേക്കും അഭിമുഖം നടത്തുന്നു.അധ്യാപക തസ്തികയിലേക്കുള്ള അഭിമുഖത്തിന് എം എ ചരിത്രം,സാമ്പത്തികശാസ്ത്രം ബിരുദദാരികള്‍ക്ക് പങ്കെടുക്കാം.രണ്ടു ഒഴിവുകളിലേക്കാണ്  അഭിമുഖം നടത്തുന്നത്.10000 രൂപയാണ് ശമ്പളം. ഒരു ഒഴിവുള്ള സെയില്‍സ് ഓഫീസര്‍ തസ്തികയില്‍ പ്ലസ്ടു വിദ്യഭ്യാസ യോഗ്യതയുളളവര്‍ക്ക് അപേക്ഷിക്കാം.ശമ്പളം 12000-15000 വരെയാണ്.

 മലബാര്‍ ദേവസ്വം ബോര്‍ഡ് നടപ്പിലാക്കാനുദ്ദേശിക്കുന്ന ക്ഷേത്രജീവരക്കാരുടെ ആരോഗ്യ-അപകട ഇന്‍ഷുറന്‍സ് പദ്ധതിയുടെ ഗുണഭോക്താക്കളാക്കുന്നതിന് മലബാര്‍ ദേവസ്വം ബോര്‍ഡ് കാസര്‍കോട് ഡിവിഷനു കീഴിലുളള ക്ഷേത്രഭരണാധികാരികളും മലബാര്‍ ദേവസ്വം ബോര്‍ഡ് കാസര്‍കോട് അസിസ്റ്റന്റ് കമ്മീഷണറാഫീസില്‍ ഈ മാസം 31 നകം സമര്‍പ്പക്കണമെന്ന് അസിസ്റ്റന്റ് കമ്മീഷണര്‍ അിറയിച്ചു.

കാസര്‍കോട് ജില്ലാ പൊലീസിന്റെ കീഴിലുളള വിവിധ വാഹനങ്ങള്‍ ഫെബ്രുവരെ 26 ന് കാസര്‍കോട് സായുധ സേനാ ക്യാമ്പില്‍ രാവിലെ 11 ന് ലേലം ചെയ്യും.  വാഹനങ്ങള്‍ പ്രവൃത്തി ദിവസങ്ങളില്‍ രാവിലെ 10 നും അഞ്ചിനുമിടയില്‍ വാഹനങ്ങള്‍ പരിശോധിക്കാം. കുടുതല്‍ വിവരങ്ങള്‍ക്ക് 04994 230088 നമ്പറില്‍ ബന്ധപ്പെടുക.

കാസര്‍കോട് ജില്ല സായുധ സേന ക്യാമ്പില്‍ ക്യാമ്പ് ഫോളോവര്‍ മാരുടെ നിലവിലുള്ള ഒഴിവിലേക്ക് ( കുക്ക്-1, സ്വീപ്പര്‍-1, ബാര്‍ബര്‍-1 , ധോബി-1)645 രൂപ ദിവസ വേതന അടിസ്ഥാനത്തില്‍ 59 ദിവസത്തേക്ക് അനുയോജ്യരായവരെ നിയമിക്കുന്നു. താല്‍പ്പര്യമുള്ളവര്‍ ഈ മാസം 24ന് രാവിലെ 10ന് കാസര്‍കോട് ജില്ല സായുധ സേന ക്യാമ്പില്‍ നടത്തുന്ന കൂടിക്കാഴ്ചയില്‍ ആധാര്‍ കാര്‍ഡിന്റെ പകര്‍പ്പുമായി ഹാജരാകണം. മുന്‍പരിചയമുള്ളവര്‍ക്ക് മുന്‍ഗണന നല്‍കും.  

ജില്ലയിലെ പല സര്‍ക്കാര്‍ ഓഫീസുകളുടെ മുറ്റവും പരിസരവും നിയമലംഘനത്തിന് പിടികൂടിയ വാഹനങ്ങളുടെ ശവപറമ്പായി മാറിയിട്ടുണ്ട്. ഓഫീസ് ജീവനക്കാര്‍ക്കും പൊതു ജനങ്ങള്‍ക്കും ഇതു ബുദ്ധിമുട്ടുണ്ടാക്കുന്നുണ്ടെന്ന് ശ്രദ്ധയില്‍പ്പെട്ടതിനെ തുടര്‍ന്നാണ് ജില്ലാ കളക്ടര്‍ ഡോ. ഡി സജിത്ത് ബാബു ഈ വാഹനങ്ങള്‍ നിയമ നടപടികള്‍ പൂര്‍ത്തിയാക്കി അടിയന്തരമായി ലേലം ചെയ്യുന്നതിനുള്ള നടപടികള്‍ സ്വീകരിക്കാന്‍ നിര്‍ദേശം നല്‍കിയത്. ഇതിനായി പോലീസ്, എക്‌സൈസ്, റവന്യൂ, ഫോറസ്റ്റ് വകുപ്പുകളുടെ യോഗം കളക്ടര്‍ വിളിച്ചുചേര്‍ക്കുകയും ചെയ്തു. ഇതിന്റെ ഭാഗമായി ആദ്യഘട്ടത്തില്‍ 257  വാഹനങ്ങള്‍ ലേലം ചെയ്യുന്നതിനുള്ള നടപടികള്‍ ആരംഭിച്ചു.