ഭാരതീയ ചികിത്സാവകുപ്പിനു കീഴില്‍ പ്രവര്‍ത്തിക്കുന്ന കോഴിക്കോട് ഭട്ട്  റോഡിലുളള ജില്ലാ ആയൂര്‍വ്വേദ ആശുപത്രിയില്‍ ദിവസവേതനാടിസ്ഥാനത്തില്‍ 59 ദിവസത്തേക്ക് സാനിറ്റേഷന്‍ വര്‍ക്കര്‍/ഫുള്‍ടൈം സ്വീപ്പര്‍മാരെ നിയമിക്കുന്നു. താല്‍പര്യമുളള ഉദ്യോഗാര്‍ത്ഥികള്‍ അപേക്ഷയോടൊപ്പം എസ്.എസ്.എല്‍.സി ബുക്ക്, ടി.സി എന്നിവ സഹിതം ജില്ലാ ആയൂര്‍വ്വേദ ആശുപത്രിയില്‍ ഡിസംബര്‍ ഏഴിന് രാവിലെ 10 മണിക്ക് കൂടിക്കാഴ്ചയ്ക്കായി ഹാജരാകേണ്ടതാണ്.
 

ലോകഭിന്ന ശേഷി വാരാചരണത്തിന്റെ ഭാഗമായി മലപ്പുറം ബി.ആര്‍.സിയും മൗണ്ട് സിറ്റി ബൈക്കേഴ്‌സും സംയുക്തമായി സൈക്കിള്‍ റാലി നടത്തി.  റാലി നഗരസഭ ചെയര്‍പേഴ്‌സണ്‍ സി.എച്ച് ജമീല ഫ്‌ളാഗ് ഓഫ് ചെയ്തു.  എല്ലാവരും സുസ്ഥിരവും സന്തുലിതവുമായ സമൂഹത്തിലേക്ക് മാറുന്നു എന്ന ആശയം ജനങ്ങളിലേക്കെത്തിക്കുന്നതിന്റെ ഭാഗമായാണ് റാലി സംഘടിപ്പിച്ചത്.  മലപ്പുറം കെ.എസ്.ആര്‍.ടി.സി ബസ്റ്റാന്റ് പരിസരത്ത് നിന്നും ആരംഭിച്ച റാലി ഗവ. എല്‍.പി. സ്‌കൂള്‍ പരിസരത്ത് സമാപിച്ചു.  ഭിന്നശേഷിയുള്ള കുട്ടികളുടെ കൂട്ടായ്മയായ 'ചങ്ങാതിക്കൂട്ടം' പരിപാടിയുടെ ഭാഗമായാണ് റാലി സംഘടിപ്പിച്ചത്.  

ഓഖി  ചുഴലിക്കാറ്റിനെ ത്തുടര്‍ന്ന് കടല്‍ക്ഷോഭം ഉണ്ടായ പ്രദേശങ്ങളില്‍ കടല്‍ഭിതി ബലപ്പെടുത്തുന്നതിന്റെ ഭാഗമായി കല്ലിടല്‍ തുടങ്ങി. വെസ്റ്റ്ഹില്‍ ശാന്തിനഗര്‍ പ്രദേശത്ത് 200 മീറ്ററോളം നീളത്തില്‍ കല്ലിട്ടു. ജില്ലാഭരണകൂടത്തിന്റെ മേല്‍നോട്ടത്തില്‍ ഇറിഗേഷന്‍ വകുപ്പാണ് കല്ലിട്ടല്‍ പ്രവൃത്തി നിര്‍വ്വഹിക്കുന്നത്. 

സംസ്ഥാന മനുഷ്യാവകാശ കമ്മീഷന്‍ മെമ്പര്‍ കെ. മോഹന്‍കുമാര്‍ ഡിസംബര്‍ 22ന് തിരൂര്‍ റസ്റ്റ് ഹൗസില്‍ ക്യാമ്പ് സിറ്റിങ് നടത്തും.

ജില്ലയിലെ ഭിന്നലിംഗക്കാര്‍ക്ക് തിരിച്ചറിയല്‍ കാര്‍ഡ് നല്‍കുന്നതിനുളള നടപടികള്‍ ആരംഭിക്കുന്നതിന് ജില്ലാ കലക്ടര്‍ യു.വി.ജോസ് നിര്‍ദ്ദേശിച്ചു.  കലക്ടറേറ്റില്‍ ചേര്‍ന്ന ജില്ലാ ഭിന്നലിംഗ നീതി സമിതി യോഗത്തിലാണ് കലക്ടര്‍ നിര്‍ദ്ദേശം നല്‍കിയത്. 

ഡിസംബര്‍ 11 ന് കണ്ണര്‍ ടൗണ്‍ കോപറേറ്റീവ് ബാങ്ക് ഹാളിലും ഡിസംബര്‍ 12, 13 തിയ്യതികളില്‍ തലശ്ശേരി ഗവ. റസ്റ്റ് ഹൗസ് സമ്മേളന ഹാളിലും ഡിസംബര്‍ 14, 15 തിയ്യതികള്‍ കോഴിക്കോട് കലക്‌ട്രേറ്റ് സമ്മേളന ഹാളിലും കേരള ലോകായുക്ത ക്യാമ്പ് സിറ്റിങ് നടത്തും.

ജില്ലാ പഞ്ചായത്ത് മലപ്പുറം ജില്ലാ ഹോമിയോ ആശുപത്രിയില്‍ ഡിസംബര്‍ ഏഴിന് രാവിലെ 10ന് ആയുഷ്മാന്‍ ഭവ ജീവിത ശൈലീ രോഗങ്ങളും ഹോമിയോപ്പതി ചികിത്സയും വിഷയത്തില്‍ ബോധവല്‍ക്കരണ സെമിനാര്‍ നടത്തുന്നു.

മങ്കട ഗവ. കോളേജില്‍ മാഗസിന്‍ അച്ചടിച്ച് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ പ്രിന്‍സിപ്പല്‍, ഗവ. കോളേജ് മങ്കട, കൊളത്തൂര്‍, മലപ്പുറം 679338 വിലാസത്തില്‍ ഡിസംബര്‍ 14ന് ഉച്ചക്ക് രണ്ടിനകം ലഭിക്കണം.  ഫോണ്‍ 04933 202135.

കേരള മോട്ടോര്‍ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2017-18 അധ്യായന വര്‍ഷത്തേക്കുള്ള വിദ്യാഭ്യാസ സ്‌കോളര്‍ഷിപ്പുകള്‍ക്ക് അപേക്ഷ ക്ഷണിച്ചു.  എട്ടാം ക്ലാസ് മുതല്‍ പ്രൊഫഷണല്‍ കോഴ്‌സ് വരെ പഠിക്കുന്ന കുട്ടികള്‍ക്കാണ് സ്‌കോള്‍ഷിപ്പ് നല്‍കുക.  പ്ലസ് വണ്‍ മുതലുള്ള കോഴ്‌സുകള്‍ക്ക് അപേക്ഷ നല്‍കുന്നവര്‍ കോഴ്‌സിന്റെ യോഗ്യതാ പരീക്ഷയില്‍ 55 ശതമാനം മാര്‍ക്ക് നേടിയിരിക്കണം.  അപേക്ഷാ ഫോമുകള്‍ ബോര്‍ഡിന്റെ ജില്ലാ ഓഫീസില്‍ നിന്നും ംംം.സാംേംളയ.ീൃഴ ലും ലഭിക്കും.  അപേക്ഷ ഡിസംബര്‍ 31നകം ജില്ലാ ഓഫീസില്‍ ലഭിക്കണം.

ദേശീയ കുടുംബ സഹായ പദ്ധതി വഴി ധനസഹായം ലഭിക്കുന്നതിന് അപേക്ഷ നല്‍കുന്നതിനുള്ള കലായളവ് ജില്ലയില്‍ അഞ്ച് വര്‍ഷമായി നിശ്ചയിച്ച് ഉത്തരവായിട്ടുണ്ട്.  2018 ജനുവരി മുതല്‍ അപേക്ഷ സമര്‍പ്പിക്കുന്നവര്‍ മരണം നടന്ന തിയ്യതി മുതല്‍ അഞ്ച് വര്‍ഷത്തിനുള്ളില്‍ അപേക്ഷ നല്‍കണമെന്ന് ജില്ലാ കലക്ടര്‍ അറിയിച്ചു.