ജില്ലയിലെ ഹോമിയോപ്പതി വകുപ്പില്‍ താല്‍ക്കാലിക ഒഴിവുള്ള ഫാര്‍മസിസ്റ്റ് തസ്തികയിലേക്ക് ദിവസ വേതനാടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  താല്‍പര്യമുള്ള  എന്‍.സി.പി/സി.സി.പി യോഗ്യതയുള്ളവര്‍ മലപ്പുറം സിവില്‍ സ്റ്റേഷനിലെ ജില്ലാ ഹോമിയോ മെഡിക്കല്‍ ഓഫീസില്‍ ഡിസംബര്‍ 15ന് രാവിലെ 10.30ന് കൂടിക്കാഴ്ചയ്ക്ക്  അസ്സല്‍ സര്‍ട്ടിഫിക്കറ്റുകള്‍ സഹിതം എത്തണം.  

വാഹന നികുതി കുടിശ്ശിക ഈടാക്കുന്നതിനായി പൊന്നാനി താലൂക്ക് തവനൂര്‍ വില്ലേജ് തവനൂര്‍ അംശം ദേശം റി.സ 108/4ല്‍പ്പെട്ട 4.048 ആര്‍ ഭൂമിയും കുഴിക്കൂര്‍ ചമയങ്ങളും ജനുവരി 16ന് രാവിലെ 11ന് തവനൂര്‍ വില്ലേജ് ഓഫീസില്‍ ലേലം ചെയ്യും.

സെയില്‍ ടാക്‌സ് കുടിശ്ശിക ഈടാക്കുന്നതിനായി തിരൂര്‍ താലൂക്ക് താനൂര്‍ വില്ലേജ് രായിരിമംഗലം അംശം ദേശം റി.സ. 191/41ല്‍പ്പെട്ട 4.656 ആര്‍സ് ഭൂമിയും കുഴിക്കൂറ് ചമയങ്ങളും ഡിസംബര്‍ 13ന് രാവിലെ 11ന് വസ്തു നില്‍ക്കുന്ന സ്ഥലത്ത് ലേലം ചെയ്യും. 

2018 - 2020 വര്‍ഷത്തേക്കുള്ള സീനിയോറിറ്റി ലിസ്റ്റ് തിരൂരങ്ങാടി എംപ്ലോയ്‌മെന്റ് എക്‌സ്‌ചേഞ്ചില്‍ പ്രസിദ്ധീകരിച്ചു. ഉദ്യോഗാര്‍ഥികള്‍ക്ക് ംംം.ലാുഹീ്യാലി.േസലൃമഹമ.ഴീ്.ശില്‍ ലഭിക്കും.  ആക്ഷേപമുള്ളവര്‍ ഡിസംബര്‍ 23നകം അപേക്ഷ നല്‍കണം.

ഹരിതകേരളം ജല ഉപമിഷന്‍ സാങ്കേതിക സമിതി അംഗങ്ങള്‍ക്കുള്ള ദ്വിദിന പരിശലനം ജില്ലാ പഞ്ചായത്ത് ഹാളില്‍ ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു.  നീര്‍ത്തടാടിസ്ഥാനത്തിലുള്ള വികസന പരിപാടികള്‍ ഏറ്റെടുത്ത് നടപ്പിലാക്കുന്നതിന് തദ്ദേശസ്വയം ഭരണ സ്ഥാപനങ്ങള്‍ മുന്നോട്ട് വരണമെന്ന് ജില്ലാ പഞ്ചായത്ത് പ്രസിഡന്റ് പറഞ്ഞു.  നൂതന സാങ്കേതിക വിദ്യകളുടെ സഹായത്തോടെ മികച്ച രീതിയിലുള്ള നീര്‍ത്തടാടിസ്ഥാനത്തിനുള്ള പദ്ധതികള്‍ തയ്യാറാക്കാന്‍ തദ്ദേശ സ്വയംഭരണ സ്ഥാപനങ്ങളെ സാങ്കേതിക സമിതി അംഗങ്ങള്‍ സഹായിക്കണമെന്നും അദ്ദേഹം പറഞ്ഞു.  

മഞ്ചേരി പോസ്റ്റല്‍ ഡിവിഷനു കീഴിലുള്ള പോസ്റ്റോഫീസുകളിലെ പ്രവര്‍ത്തനങ്ങളെ കുറിച്ച് പൊതുജനങ്ങള്‍ക്കുള്ള പരാതികളും നിര്‍ദ്ദേശങ്ങളും കേള്‍ക്കുന്നതിനും പരിഹരിക്കുന്നതിനുമായി മഞ്ചേരിയില്‍ ഡിസംബര്‍ 28ന് രാവിലെ 11ന് ഡാക്ക് അദാലത്ത് സംഘടിപ്പിക്കുന്നു. അദാലത്തില്‍ പോസ്റ്റല്‍ സര്‍വ്വീസുമായി ബന്ധപ്പെട്ട പരാതികളും നിര്‍ദ്ദേശങ്ങളും നല്‍കാം.  പരാതികളും നിര്‍ദ്ദേശങ്ങളും കെ.വി. അനില്‍കുമാര്‍, പോസ്റ്റ് ഓഫീസ് സൂപ്രണ്ട്, മഞ്ചേരി ഡിവിഷന്‍, മഞ്ചേരി 676121 വിലാസത്തില്‍ ഡിസംബര്‍ 20നകം ലഭിക്കണം.

ആലപ്പുഴ: ഹരിതകേരളം മിഷന്റെ ഒന്നാംവാർഷികത്തിന്റെ ഭാഗമായി ജില്ലാഭരണകൂടവും ശുചിത്വമിഷനും ചേർന്ന് സംഘടിപ്പിക്കുന്ന ശുചിത്വമാലിന്യ സംസ്‌ക്കരണ സംവിധാനങ്ങളുടെ മാതൃകകളുടെ പ്രദർശനം നാളെ(ഡിസംബർ 8) രാവിലെ 9.30 മുതൽ 5.30 വരെ സിവിൽ സ്‌റ്റേഷൻ അങ്കണത്തിൽ നടക്കും.

(പി.എൻ.എ.2968/17)

ആലപ്പുഴ: കേരളത്തിലെ ദേശീയപാതയിലെ പ്രധാന ബൈപ്പാസുകളിലൊന്നായ ബൈപ്പാസ് നിർമ്മാണത്തിന്റെ ഭാഗമായ തുമ്പോളി, പുന്നപ്ര റെയിൽവേ മേൽപ്പാലങ്ങൾ നിർമ്മിക്കുന്നതിന് സൂപ്പർവിഷൻ, മെയിന്റനൻസ് ചാർജ്ജുകൾ അടയ്ക്കുന്നത് ഇളവ് നൽകി ഉത്തരവ് ലഭിച്ചതായി മന്ത്രി ജി.സുധാകരൻ അറിയിച്ചു. 

റിപ്പബ്ലിക്ക് ദിനാഘോഷ പരിപാടികളുടെ ഭാഗമായി മലപ്പുറം നെഹ്‌റു യുവ കേന്ദ്ര നടത്തുന്ന ജില്ലാതല പ്രസംഗ മത്സരം ഡിസംബര്‍ 12 ന് സിവില്‍ സ്റ്റേഷനിലെ നെഹ്‌റു യുവ കേന്ദ്ര ഹാളില്‍ നടക്കും. ക്ലസ്റ്റര്‍ മത്സരങ്ങളില്‍ പങ്കെടുത്ത് യോഗ്യത നേടിയവര്‍ 12 ന് രാവിലെ 9 .30 ന് ജില്ലാതല മത്സരത്തിന് എത്തണം.  ഫോണ്‍: 0483 -2734848.

        അനധികൃത മണല്‍ കടത്തുമായി ബന്ധപ്പെട്ട് പോലീസ് റവന്യു അധികാരികള്‍ ബന്തവസ്സിലെടുത്ത 142 വാഹനങ്ങള്‍ പിഴയടച്ച് തിരിച്ചെടുക്കുന്നതിന് ഡിസംബര്‍ അഞ്ച് മുതല്‍ ഒരു മാസത്തെ കാലാവധി നിശ്ചയിച്ചിരിക്കുന്നു. അല്ലാത്തപക്ഷം ഇനിയൊരറിയിപ്പ് കൂടാതെ വാഹനം കണ്ടുകെട്ടല്‍ / ലേല നടപടി സ്വീകരിക്കുമെന്ന് ആര്‍ ടി ഒ അറിയിച്ചു.