കേരള സംസ്ഥാന വ്യവസായ വികസന കോര്‍പ്പറേഷനും കേരള ഇന്‍സ്റ്റിറ്റ്യൂട്ട് ഫോര്‍ എന്‍റര്‍പ്രണര്‍ഷിപ്പ് ഡെവലപ്പ്മെന്‍റും സംയുക്തമായി ജില്ലയില്‍ 18 നും 45 നും മധ്യേ പ്രായമുളള വനിതകള്‍ക്കായി ത്രിദിന സംരംഭകത്വ വികസന പരിശീലനം നടത്തുന്നു.  ആദ്യം അപേക്ഷിക്കുന്ന 30 വനിതകളെ തെരഞ്ഞെടുക്കും. 10-ാം ക്ലാസ്സാണ് മിനിമം യോഗ്യത. അപേക്ഷ ഫോം ംംം.സശലറ.ശിളീ -ല്‍ ലഭിക്കും. കൂടുതല്‍ വിവരങ്ങള്‍ ജില്ലാ വ്യവസായ കേന്ദ്രത്തിലും താലൂക്ക്തല വ്യവസായ കേന്ദ്രത്തിലും ലഭിക്കും. ഫോണ്‍ - 0491-2505385 ( ജില്ലാ വ്യവസായ കേന്ദ്രം)

ശ്രീകൃഷ്ണപുരം ഗവ.എഞ്ചിനിയറിങ് കോളെജില്‍ ക്ലര്‍ക്ക് കം അകൗണ്ടന്‍റ് തസ്തികയിലേയ്ക്ക് താത്കാലിക നിയമനം നടത്തും. ബി.കോം, റ്റാലി സര്‍ട്ടിഫിക്കറ്റ്, മൂന്ന് വര്‍ഷം കംപ്യുട്ടറൈസ്ഡ് അകൗണ്ടിങ് മേഖലയിലെ പരിചയം യോഗ്യതയുള്ളവര്‍ക്ക് അപേക്ഷിക്കാം. പ്രായം, യോഗ്യത, മുന്‍ പരിചയം തെളിയിക്കുന്ന സര്‍ട്ടിഫിക്കറ്റുകളുമായി ഡിസംബര്‍ 14 രാവിലെ 9.30ന് അഭിമുഖത്തിനെത്തണമെന്ന് പ്രിന്‍സിപ്പല്‍ അറിയിച്ചു. വിശദവിവരം ഴലരസെു.മര.ശി ല്‍ ലഭിക്കും. 

വിദ്യാഭ്യാസ വകുപ്പില്‍ പാര്‍ട്ട് ടൈം ഹൈസ്കൂള്‍ അസിസ്റ്റന്‍റ് ( സംസ്കൃതം) ഒഴിവിലേയ്ക്ക് ആഗസ്റ്റ് 29ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടവരുടെ അഭിമുഖം ഡിസംബര്‍ 14, 15 തീയതികളില്‍ നടക്കും. ഉദ്യോഗാര്‍ഥികള്‍ക്ക് വിവരം എസ്.എം.എസ്. വഴി നല്‍കിയിട്ടുണ്ട്. പ്രൊഫൈലില്‍ നിന്നും ഡൗണ്‍ലോഡ് ചെയ്ത്  ഒ.റ്റി.വി. സര്‍ട്ടിഫിക്കറ്റും യോഗ്യത സര്‍ട്ടിഫിക്കറ്റുകളും ഹാജരാക്കണമെന്ന് ജില്ലാ പി.എസ്.സി. ഓഫീസര്‍ അറിയിച്ചു. 
 

ഡിസംബര്‍ 20-ന് നടത്താനിരുന്ന പാലക്കാട് റീജിയണല്‍ ട്രാന്‍സ്പോര്‍ട്ട് അതോറിറ്റി യോഗം ഡിസംബര്‍ 28 ന് രാവിലെ 10.30 ന് ജില്ലാ കളക്ടറേറ്റ് സമ്മേളന ഹാളില്‍ നടക്കുമെന്ന് സെക്രട്ടറി അറിയിച്ചു.

കേരള കടാശ്വാസ കമ്മീഷന്റെ ഉത്തരവിന്‍ പ്രകാരം ജില്ലയില്‍ 1,09,375 രൂപയുടെ കടാശ്വാസം അനുവദിച്ചു. മീനച്ചില്‍ പ്രാഥമിക കാര്‍ഷിക വികസന ബാങ്കിന് 9375 രൂപ, അയ്മനം വില്ലേജ് സര്‍വ്വീസ് സഹകരണ ബാങ്ക് 1,00,000 രൂപയുമാണ് അനുവദിച്ചത്. 

ബ്യൂറോ ഓഫ് എമിഗ്രേഷന്‍ വകുപ്പില്‍  എമിഗ്രേഷന്‍ അസിസ്റ്റന്‍റ്, എമിഗ്രേഷന്‍ സപ്പോര്‍ട്ടിങ്ങ് സ്റ്റാഫ് തസ്തികകളിലേക്ക് കോണ്‍ട്രാക്ട് അടിസ്ഥാനത്തില്‍ ജെ.സി.ഓ റാങ്കില്‍ നിന്നും വിരമിച്ച 50 വയസ്സുവരെ പ്രായമുളള വിമുക്ത ഭടന്‍മാരേയും എന്‍.സി.ഓ റാങ്കില്‍ നിന്നും വിരമിച്ച 45 വയസ്സുവരെ പ്രായമുളളവരെയും പരിഗണിക്കുന്നു. വിമുക്ത ഭടന്‍മാര്‍ ഡിസംബര്‍ 13 ന് ജില്ലാ സൈനിക ക്ഷേമ ഓഫീസില്‍ നേരിട്ട് വന്ന് ബയോഡാറ്റ നല്‍കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ - 0491-2501633.