കോവിഡ് കേസുകൾ കൂടുതൽ റിപ്പോർട്ട് ചെയ്ത സാഹചര്യത്തിൽ തൃശൂർ ജില്ലയിൽ അഞ്ച് പഞ്ചായത്തുകളും ഇരിങ്ങാലക്കുട നഗരസഭയുടെ ഒന്നു മുതൽ പത്ത് വരെയും 32 മുതൽ 41 വരെയുളള വാർഡുകളും കണ്ടൈൻമെന്റ് സോണുകളായി പ്രഖ്യാപിച്ച് ജില്ലാ കളക്ടർ ഉത്തരവിട്ടു. വടക്കേകാട്, അടാട്ട്, അവണൂർ, ചേർപ്പ്, തൃക്കൂർ എന്നീ പഞ്ചായത്തുകളാണ് കണ്ടൈൻമെന്റ് സോണുകളായി പ്രഖ്യാപിച്ചത്. ഇവിടങ്ങളിൽ ദുരന്തനിവാരണ നിയമപ്രകാരവും ക്രിമിനൽ നടപടി നിയമസംഹിതയിലെ വകുപ്പ് 144 പ്രകാരവും കോവിഡ് 19 അധിക പ്രതിരോധ പ്രതികരണ നിയന്ത്രണങ്ങൾ ഏർപ്പെടുത്തി. കോവിഡ് 19 രോഗ വ്യാപന സാധ്യത കണക്കിലെടുത്താണിത്.

എറണാകുളം: മഴക്കാലം ആരംഭിച്ച പശ്ചാത്തലത്തില്‍ ബ്രേക്ക് ത്രൂവിന്റെ ഭാഗമായി കനാലുകളില്‍ നിന്നും കായല്‍മുഖങ്ങളില്‍ നിന്നും ശേഖരിച്ച ചെളി എത്രയും വേഗം  ബ്രഹ്മപുരം മാലിന്യ സംസ്‌കരണ പ്ലാന്റില്‍ നിക്ഷേപിക്കുന്നതിന് ആവശ്യമായ നടപടി സ്വീകരിക്കണമെന്ന് കളക്ടര്‍ എസ് സുഹാസ് നിർദേശം നൽകി. കളക്ടറുടെ  അധ്യക്ഷതയില്‍ ചേര്‍ന്ന അവലോകന യോഗത്തില്‍ ആണ് ചെളി നീക്കം ചെയ്യുന്നതിൽ പ്രത്യേക ശ്രദ്ധ വേണമെന്ന് കളക്ടർ ആവശ്യപ്പെട്ടത്. പൊതുജനങ്ങൾക്ക് ബുദ്ധിമുട്ട് ഉണ്ടാവാത്ത നിലയിൽ ആവണം ചെളി നിക്ഷേപിക്കുന്നത്.    യാര്‍ഡിനുള്ളില്‍ അടയാളപ്പെടുത്തിയ സ്ഥലത്ത് മാത്രമേ ചെളി നിക്ഷേപിക്കാന്‍ പാടുള്ളു.

റേഷൻ കടകളിൽ നിന്ന്  കോവിഡ് - 19 അതിജീവനകിറ്റ് കൈപ്പറ്റാൻ കഴിയാത്ത കാർഡുടമകൾക്ക് ഇന്നു മുതൽ (ജൂൺ 10 മുതൽ) ജൂൺ 15 വരെസപ്ലൈകോ വില്പനശാലകൾ വഴി വാങ്ങാനാവുമെന്ന് സിഎംഡി  പി.എം.അലി അസ്ഗർ പാഷ അറിയിച്ചു.

എറണാകുളം: ലോക്ഡൗണ്‍ മൂലം മാറ്റിവെച്ചിരുന്ന, ഹോമിയോപ്പതി ജില്ലാ മെഡിക്കല്‍ ഓഫീസില്‍ നടത്താന്‍ നിശ്ചയിച്ചിരുന്ന മെഡിക്കല്‍ ഓഫീസര്‍ തസ്തികയിലേക്കുള്ള ഇന്റര്‍വ്യൂ ജൂണ്‍ 19 ന് രാവിലെ 10.30 ന് നടക്കും.
 

എറണാകുളം: ട്രോളിംഗ് നിരോധന കാലയളവില്‍ തൊഴില്‍രഹിതരാകുന്ന മത്സ്യത്തൊഴിലാളികള്‍ക്ക് സൗജന്യറേഷന്‍ ലഭിക്കും. 

എറണാകുളം: ഭക്ഷ്യ സുരക്ഷാ വകുപ്പിൽ അടിയന്തിര പ്രവർത്തനങ്ങൾ നടത്തുന്നതിന് കരാർ അടിസ്ഥാനത്തിൽ വാഹനങ്ങൾ ക്ഷണിച്ചു. ഒരു വർഷമാണ് കരാർ കാലാവധി. 15 ന് ദർഘാസ് ഫോറം വിൽപന ആരംഭിക്കും. ജൂലൈ 10 വരെ ദർഘാസ് സ്വീകരിക്കും. ജൂലൈ 13ന് വൈകീട്ട് മൂന്നിന് ദർഘാസ് തുറക്കും. കൂടുതൽ വിവരങ്ങൾക്ക് ഫോൺ 8943346187.

കൊച്ചി:  കൊച്ചി മുനിസിപ്പല്‍ കോല്‍പറേഷന്‍ വൈറ്റില മേഖല ഓഫീസ് പരിധിയില്‍ വിവിധ മരാമത്ത് പണികളുടെ നിര്‍വ്വഹണത്തിനായി സാധുവായ ലൈസന്‍സുളളതും, ജി.എസ്.ടി രജിസ്‌ട്രേഷന്‍ ഉളളവരുമായ കരാറുകാരില്‍ നിന്നും മത്സര സ്വഭാവമുളള മുദ്രണം ചെയ്ത ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ജൂണ്‍ 10 വൈകിട്ട് മൂന്നുവരെ കൊച്ചി നഗരസഭ കാര്യാലയത്തില്‍ സ്വീകരിക്കും. കൂടുതല്‍ വിവരങ്ങള്‍ ഓഫീസില്‍ അറിയാം.