എസ്.എസ്.എൽ.സി, ടി.എച്ച്.എസ്.എൽ.സി പരീക്ഷകളിൽ ഉന്നതവിജയം കരസ്ഥമാക്കിയ മത്സ്യത്തൊഴിലാളി ക്ഷേമനിധിബോർഡ് അംഗങ്ങളുടെ മക്കൾക്ക് വിദ്യാഭ്യാസ പ്രോത്സാഹന ക്യാഷ് അവാർഡിന് അപേക്ഷിക്കാം. മെയ് 22 വരെ അതത് മത്സ്യത്തൊഴിലാളി ക്ഷേമനിധി ബോർഡ് ഫിഷറീസ് ഓഫീസിൽ അപേക്ഷകൾ നൽകണം. അപേക്ഷ ഫോമിനൊപ്പം മത്സ്യത്തൊഴിലാളി പാസ്‍ബുക്ക്, രക്ഷിതാവിന്റെയും വിദ്യാർത്ഥിയുടെയും ആധാർ കാർഡുകൾ, വിദ്യാർത്ഥിയുടെ ബാങ്ക് പാസ്ബുക്കിന്റെ പകർപ്പ്, പാസ്പോർട്ട് സൈസ് ഫോട്ടോ, എസ്.എസ്.എൽ.സി സർട്ടിഫിക്കറ്റ് എന്നിവയും സമർപ്പിക്കണം. ഫോൺ: 0495 2383782 

ദേശീയ ഡെങ്കിപ്പനി ദിനത്തിന്റെ ഭാഗമായി കൊതുകളുടെ ഉറവിടം നശിപ്പിക്കാനുള്ള ഊർജ്ജിത ക്യാമ്പയിനിന്റെ ജില്ലാതല ഉദ്ഘാടനം മാനന്തവാടി ക്ഷീരസഹകരണസംഘം ഹാളിൽ  നഗരസഭ ചെയർപേഴ്സൺ ജേക്കബ് സെബാസ്റ്റ്യൻ നിർവഹിച്ചു. ദിനാചരണത്തിനോടനുബന്ധിച്ച് മാനന്തവാടി നഗരസഭയിലും ജില്ലയിലെ മറ്റു നഗരസഭകളിലും മറ്റ് വിവിധ വിവിധ ഭാഗങ്ങളിലും ഹരിത കർമ്മ സേനാംഗങ്ങൾ, ആശാ പ്രവർത്തകർ, സന്നദ്ധപ്രവർത്തകർ തുടങ്ങിയവരുടെ പങ്കാളിത്തത്തോടെ കൊതുകുകളുടെ ഉറവിട നശീകരണ പ്രവർത്തനങ്ങൾക്കും ശുചീകരണത്തിനും തുടക്കം കുറിച്ചു.

എല്‍സ്റ്റണ്‍ എസ്‌റ്റേറ്റ് ടീ ഫാക്ടറി തൊഴിലാളികളുടെ വിവിധ വിഷയങ്ങളില്‍ നിലവിലെ കോടതി വിധികൾ പരിശോധിച്ചും സർക്കാർ ഉത്തരവുകളും സാഹചര്യങ്ങളും പരിശോധിച്ച് തുടര്‍ നടപടി സ്വീകരിക്കുമെന്ന് ജില്ലാ കളക്ടര്‍ ഡി ആര്‍ മേഘശ്രീ പറഞ്ഞു. തൊഴിലാളികളുടെ പ്രതിഷേധത്തെത്തുടര്‍ന്ന് തേയില ഫാക്ടറിയിലെ യന്ത്രങ്ങള്‍ ലേലം ചെയ്യുന്നത് തടസപ്പെട്ട സാഹചര്യത്തില്‍ കളക്ടറേറ്റില്‍ ചേര്‍ന്ന സംയുക്ത തൊഴിലാളി നേതാക്കളുടെയും ഉദ്യോഗസ്ഥരുടെയും യോഗത്തില്‍ സംസാരിക്കുകയായിരുന്നു കളക്ടര്‍. ടൗണ്‍ഷിപ്പ് പ്ലാന്‍ അനുസരിച്ച് ടീ ഫാക്ടറി നിന്നിരുന്ന കെട്ടിടം കമ്മ്യൂണിറ്റി ഹാളാക്കി മാറ്റാനാണ് സർക്കാർ തീരുമാനിച്ചിട്ടുള്ളത്.

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ ആർവാൾ പ്രദേശത്ത് ഇന്ന് (മെയ് 16) രാവിലെ 8.30 മുതൽ വൈകിട്ട് അഞ്ച് വരെ വൈദ്യുതി വിതരണം ഭാഗികമായി മുടങ്ങും.

പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിലെ കാപ്പുണ്ടിക്കൽ, പേരാൽ, ടീച്ചർ മുക്ക്, മഞ്ഞൂറ, കർലാട്, ഉദിരംചേരി, അംബേദ്‌കർ കോളനി, ഷറോയ്, താജ്, സിൽവർ വൂഡ്സ്, അധികാരിപ്പടി, കൊടുംചോല, പത്താം മൈൽ, പണ്ടം കോഡ്, സ്റ്റേഡിയം കുന്ന്, പുഞ്ചവയൽ, തെങ്ങുംമുണ്ട, ചിറ്റലാകുന്ന് പ്രദേശങ്ങളിൽ ഇന്ന് (മെയ് 16) രാവിലെ ഒൻപത് മുതൽ വൈകന്നേരം 5:30 വരെ വൈദ്യുതി വിതരണം പൂർണമായോ ഭാഗികമായോ മുടങ്ങും.

പൊഴുതന ഗ്രാമപഞ്ചായത്തിലെ പെയിൻ ആൻഡ് പാലിയേറ്റീവ് വിഭാഗത്തിൽ കമ്മ്യൂണിറ്റി നഴ്സ് നിയമനം നടത്തുന്നു. എ.എൻ.എം/ജെ.പി.എച്ച്.എൻ, അംഗീകാരമുള്ള സ്ഥാപനങ്ങളിൽ നിന്നുള്ള ബി.സി.സി.പി.എൻ അല്ലെങ്കിൽ സി.സി.സി.പി.എ.എൻ കോഴ്സ് ആണ് യോഗ്യത. ഉദ്യോഗാർത്ഥികൾ അപേക്ഷ, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന രേഖകൾ സഹിതം മെയ് 20 രാവിലെ 11ന് പൊഴുതന കുടുംബാരോഗ്യ കേന്ദ്രത്തിൽ നടക്കുന്ന കൂടിക്കാഴ്ചയിൽ പങ്കെടുക്കണം.

പൊഴുതന കുടുംബാരോഗ്യ കേന്ദ്രത്തിലെ സായാഹ്ന ഒ.പിയിലേക്ക് ഡോക്ടർ നിയമനം നടത്തുന്നു. ഉദ്യോഗാർത്ഥികൾ യോഗ്യത സർട്ടിഫിക്കറ്റുകളുടെ അസൽ, പകർപ്പ് എന്നിവ സഹിതം മെയ് 20 രാവിലെ 10.30 ന് പൊഴുതന കുടുംബാരോഗ്യ കേന്ദ്രത്തിൽ നടക്കുന്ന കൂടിക്കാഴ്ചയിൽ പങ്കെടുക്കണം.
 

പൊഴുതന കുടുംബാരോഗ്യ കേന്ദ്രത്തിൽ പഞ്ചായത്ത് മുഖേനെ കരാർ അടിസ്ഥാനത്തിൽ ലാബ് ടെക്‌നിഷ്യൻ നിയമനം നടത്തുന്നു. സർക്കാർ അംഗീകൃത സ്ഥാപനത്തിൽ നിന്നുള്ള മെഡിക്കൽ ലബോറട്ടറി ടെക്‌നിഷ്യൻ കോഴ്സും ഡയറക്ടർ ഓഫ് മെഡിക്കൽ എഡ്യൂക്കേഷനിലെ രജിസ്ട്രേഷനുമാണ് യോഗ്യത. ഉദ്യോഗാർത്ഥികൾ അപേക്ഷ, വിദ്യാഭ്യാസ യോഗ്യത, പ്രവർത്തി പരിചയം എന്നിവ തെളിയിക്കുന്ന രേഖകളുടെ അസൽ, പകർപ്പ്, എന്നിവ സഹിതം മെയ് 20രാവിലെ 11 ന് പൊഴുതന കുടുംബാരോഗ്യ കേന്ദ്രത്തിൽ നടക്കുന്ന കൂടിക്കാഴ്ചക്ക് പങ്കെടുക്കണം.

ജില്ലയിൽ വനം വന്യജീവി വകുപ്പിൽ ബീറ്റ് ഫോറസ്റ്റ് ഓഫീസർ (കാറ്റഗറി നമ്പർ - 211/2025, 213/25, 214/25) തസ്തിയിലേക്കുള്ള എൻഡ്യൂറൻസ് ടെസ്റ്റ് മെയ് 19, 20, 21 തീയതികളിൽ രാവിലെ 5 മുതൽ മുണ്ടേരി ഗവ. വൊക്കേഷണൽ ഹയർ സെക്കണ്ടറി സ്കൂളിനടത്തുള്ള കരിങ്കുറ്റി-മുണ്ടേരി റോഡിൽ വെച്ച് നടക്കുമെന്ന് പി.എസ്.സി അറിയിച്ചു. അർഹരായ ഉദ്യോഗാർത്ഥികൾക്കുള്ള വ്യക്തിഗത അറിയിപ്പ് പ്രൊഫൈലിലും എസ്.എം.എസ് വഴിയും ലഭ്യമാക്കിയിട്ടുണ്ട്. ഉദ്യോഗാർത്ഥികൾ പ്രൊഫൈലിൽ നിന്ന് ഡൗൺലോഡ് ചെയ്ത അഡ്മിഷൻ ടിക്കറ്റ്, അസൽ തിരിച്ചറിയൽ രേഖ, ഫിറ്റ്നസ് സർട്ടിഫിക്കറ്റ് എന്നിവ സഹിതം നിശ്ചിത സമയത്ത് ഹാജരാവണം.