ജില്ലയിൽ പത്താംതരം പഠനം പൂർത്തീകരിച്ച മുഴുവൻ വിദ്യാർത്ഥികൾക്കും ഹയർ സെക്കൻഡറി, വൊക്കേഷണൽ ഹയർ സെക്കൻഡറി ഏകജാലക പ്രവേശനം ഉറപ്പുവരുത്തുകയെന്ന ലക്ഷ്യത്തോടെ മിഷൻ +1 പദ്ധതിക്ക് തുടക്കമായി. വിദ്യാർത്ഥികൾക്ക് പ്ലസ് വൺ, വി.എച്ച്.എസ്.ഇ പ്രവേശനത്തിനുള്ള ഓൺലൈൻ രജിസ്ട്രേഷന് പിന്തുണ നൽകുന്നതിനൊപ്പം പട്ടികവർഗ്ഗ വിദ്യാർത്ഥികളുടെ സമ്പൂർണ്ണ പ്രവേശനം പ്രത്യേകമായി ഉറപ്പ് വരുത്തുകയെന്ന ലക്ഷ്യം കൂടി മുൻനിർത്തിയാണ് മിഷൻ +1 പദ്ധതി പ്രവർത്തിക്കുന്നത്.

പാലക്കാട് പൊതുമരാമത്ത് വകുപ്പ് അസി. എഞ്ചിനീയര്‍ റോഡ്‌സ് സെക്ഷന്‍ നമ്പര്‍ രണ്ട് ഓഫീസിന്റെ പരിധിയില്‍ പാലക്കാട് പൊള്ളാച്ചി സംസ്ഥാന പാതയില്‍ (കി.മി 5/350) വലത് വശത്ത് കൂട്ടുപാത പെട്രോള്‍ പമ്പിന് സമീപം നില്‍ക്കുന്ന പുളിമരത്തിന്റെ മുറിച്ച് മാറ്റിയ ശാഖകള്‍ ലേലം ചെയ്യുന്നു. ഇന്ന് (മെയ് 15) രാവിലെ 11 നാണ് ലേലം. നിരത ദ്രവ്യം 100 രൂപ.

കുഴല്‍മന്ദം ആണ്‍കുട്ടികളുടെയും തൃത്താല പെണ്‍കുട്ടികളുടെയും മോഡല്‍ റെസിഡന്‍ഷ്യല്‍ സ്‌കൂളില്‍ ഹൈസ്‌കൂള്‍, ഹയര്‍ സെക്കന്‍ഡറി വിഭാഗത്തിലേക്ക് കരാര്‍ അടിസ്ഥാനത്തില്‍ താല്‍ക്കാലിക നിയമനത്തിന് അപേക്ഷ ക്ഷണിച്ചു.

ജില്ലയിലെ വനം വന്യജീവി വകുപ്പില്‍ ബീറ്റ് ഫോറസ്റ്റ് തസ്തികയില്‍ വിവിധ ചുരുക്കപട്ടികയില്‍ ഉള്‍പ്പെട്ടവര്‍ക്കുള്ള എന്‍ഡ്യൂറന്‍സ് ടെസ്റ്റ് മെയ് 19 മുതല്‍  22 വരെ നടക്കും.