ജില്ലാ എംപ്ലോയ്‌മെന്റ് എക്‌സ്‌ചേഞ്ച്/ എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ വിവിധ തസ്തികകളില്‍ നിയമനത്തിനായി ജോബ് ഡ്രൈവ് ഇന്ന് (മെയ് 14) രാവിലെ 10ന് എംപ്ലോയബിലിറ്റി സെന്ററില്‍ നടക്കും. സ്വകാര്യ മേഖലയിലെ രണ്ട് സ്ഥാപനങ്ങളിലേക്കാണ് നിയമനം.

കാഞ്ഞിരപ്പുഴ ജലസേചന പദ്ധതി അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ കെ പി ഐ പി ഹെഡ് വര്‍ക്‌സ് സബ്ഡിവിഷന്‍ (നം.മൂന്ന്)  ന് കീഴില്‍ മുറിച്ച് മാറ്റിയ തേക്ക് മരങ്ങള്‍ മെയ് 29 ന് രാവിലെ 11 ന് ഓഫീസിൽ പരസ്യമായി ലേലം ചെയ്യും. ലേലത്തിനായുള്ള ക്വട്ടേഷനുകള്‍ അന്നേ ദിവസം രാവിലെ 10.30 വരെ സ്വീകരിക്കുമെന്ന് അസിസ്റ്റന്റ്  എക്‌സിക്യൂട്ടീവ് എന്‍ജിനീയര്‍ അറിയിച്ചു.

മണ്ണാർക്കാട് താലൂക്ക് സർക്കാർ ആശുപത്രിയിൽ ജെ എസ് എസ് കെ (ജെ എസ് എസ് കെ), ജെ എസ് എസ് കെ ന്യൂ ബോൺ ( ജെ എസ് എസ് കെ ന്യൂ ബോൺ),  എന്നീ വിഭാഗത്തിന്റെ കീഴിൽ ചികിത്സയ്ക്ക് വരുന്ന രോഗികൾക്ക് ആശുപത്രി ലാബിൽ ലഭ്യമല്ലാത്ത ലാബ് ടെസ്റ്റുകൾ ഒരു വർഷത്തേക്ക് നടത്തുന്നതിന് ടെൻഡർ ക്ഷണിച്ചു.  ടെൻഡർ ഫോമുകൾ മെയ് 25 ന് വൈകീട്ട് നാല് വരെ ലഭിക്കും. മെയ് 26 ന് രാവിലെ 11 വരെ പൂരിപ്പിച്ച ടെൻഡറുകൾ സ്വീകരിക്കും. അന്നേ ദിവസം ഉച്ചയ്ക്ക് 12 ന് ലഭിച്ച ടെൻഡറുകൾ തുറക്കുമെന്ന് സൂപ്രണ്ട് അറിയിച്ചു.

പുതുപ്പരിയാരം സി ബി കെ എം ജി എച്ച് എസ് എസ് ഗ്രൗണ്ടില്‍ നിന്നും പൊട്ടിച്ച 210.24 മീറ്റർ ക്യൂബ്  പാറ നീക്കം ചെയ്യുന്നതിന് ക്വട്ടേഷൻ ക്ഷണിച്ചു.ക്വട്ടേഷൻ സ്വീകരിക്കുന്ന അവസാന തീയതി മെയ് 22  ന് രാവിലെ പത്ത് വരെ. അന്നേ ദിവസം വൈകീട്ട് മൂന്നിന് ക്വട്ടേഷൻ തുറക്കുമെന്ന് ഹെഡ്മാസ്റ്റർ അറിയിച്ചു.