പാലക്കാട് താലൂക്കിലെ വിദ്യാഭ്യാസ സ്ഥാപനങ്ങളിലെ ഈ അധ്യയന വര്‍ഷത്തെ  ഫിറ്റ്നസ് സര്‍ട്ടിഫിക്കറ്റ് എടുത്തിട്ടുള്ള സ്‌കൂള്‍ ബസുകളുടെ സുരക്ഷാ പരിശോധന മെയ് 20, 23 തീയതികളില്‍ രാവിലെ ഒന്‍പതിന് പാലക്കാട് വിക്ടോറിയ കോളേജ് ഗ്രൗണ്ടില്‍ നടക്കും. വിദ്യാഭ്യാസ സ്ഥാപന മേധാവികള്‍ സ്‌കൂള്‍ വാഹനങ്ങള്‍ പരിശോധനക്ക് വിധേയമാക്കി സുരക്ഷ ഉറപ്പ് വരുത്തണമെന്ന് റിജിയണല്‍ ട്രാന്‍സ്പോര്‍ട്ട് ഓഫീസര്‍ അറിയിച്ചു.

കേരളശ്ശേരി ഗ്രാമപഞ്ചായത്തിലെ 2026-27 സാമ്പത്തിക വര്‍ഷത്തെ വ്യക്തിഗത ആനുകൂല്യങ്ങള്‍ക്ക് അപേക്ഷിക്കാം. അപേക്ഷ ഫോമുകള്‍ മെയ് 15 മുതല്‍ ഗ്രാമപഞ്ചായത്ത് ഓഫീസില്‍ ലഭിക്കും. പൂരിപ്പിച്ച അപേക്ഷാ ഫോമുകള്‍ ജൂണ്‍ അഞ്ച് വൈകീട്ട് അഞ്ച് വരെ ഗ്രാമപഞ്ചായത്ത് ഓഫീസില്‍ സ്വീകരിക്കുമെന്ന് ഗ്രാമപഞ്ചായത്ത് സെക്രട്ടറി അറിയിച്ചു. ഫോണ്‍: 0491 2840254.