മലമ്പുഴ ഗവ ആശ്രമം ഹയര്‍സെക്കന്‍ഡറി സ്‌കൂളില്‍ വിവിധ തസ്തികകളില്‍ ഒഴിവ്. ദിവസവേതനാടിസ്ഥാനത്തില്‍ താല്‍ക്കാലികമായാണ് നിയമനം. എഫ്.ടി.എസ്, ആയ, ഗാര്‍ഡനര്‍ കം സ്‌കാവഞ്ചര്‍, ഇലക്ട്രീഷ്യന്‍ കം പ്ലബര്‍  എന്നീ ഒഴിവുളിലാണ് നിയമനം. എഫ്.ടി.എസ്, ആയ, ഗാര്‍ഡനര്‍ കം സ്‌കാവഞ്ചര്‍ തസ്തികകളില്‍ ഏഴാം ക്ലാസും, ഇലക്ട്രീഷ്യന്‍ കം പ്ലംബര്‍ തസ്തികയിലേക്ക് എസ്.എസ്.എല്‍.സിയും ഐ.ടി.ഐയുമാണ് യോഗ്യത. പട്ടികവര്‍ഗ്ഗ വിഭാഗത്തില്‍പെട്ടവര്‍ക്കും പ്രവര്‍ത്തിപരിചയം ഉള്ളവര്‍ക്കും മുന്‍ഗണന.

ചവറ ബേബിജോണ്‍ മെമ്മോറിയല്‍ സര്‍ക്കാര്‍ കോളേജില്‍ വിവിധ വിഷയങ്ങളില്‍ അതിഥി അധ്യാപകരെ നിയമിക്കും.  യു.ജി.സി യോഗ്യതയുള്ള, കോളജ്‌വിദ്യാഭ്യാസ ഡെപ്യൂട്ടിഡയറക്ടറുടെ മേഖലാകാര്യാലയത്തില്‍ രജിസ്റ്റര്‍ ചെയ്തിട്ടുള്ളവര്‍ക്ക് പങ്കെടുക്കാം. അഭിമുഖതീയതിയും വിഷയവും: മെയ് 18ന് അറബിക്, 19ന് സുവോളജി, 20ന് ബോട്ടണി, ഫിസിക്‌സ്, 25ന് കോമേഴ്‌സ്.     യോഗ്യത സര്‍ട്ടിഫിക്കറ്റുകളുടെ അസല്‍  സഹിതം രാവിലെ  10.30 ന് ഹാജരാകണം. ഫോണ്‍ : 91 88900168.
 

ജില്ലാ ശിശു സംരക്ഷണ യൂണിറ്റ് ഓഫീസിലേയ്ക്ക് കാരാര്‍ അടിസ്ഥാനത്തില്‍ വാഹനം വാടകയ്ക്ക് ലഭ്യമാക്കുന്നതിന് ടെന്‍ഡര്‍ ക്ഷണിച്ചു. പ്രതിമാസം 2000 കിലോമിറ്ററിന് പരമാവധി 35000 രൂപയാണ് വാടക. ടെണ്ടര്‍ മെയ് 18 മുതല്‍ ജൂണ്‍ രണ്ട് വരെ സ്വീകരിക്കും. കൂടുതല്‍ വിവരങ്ങളും ടെന്‍ഡര്‍ ഫോമും ഓഫീസിൽ ലഭിക്കും. ഫോണ്‍ - 0491 2531098, 8281 899 468.
 

മൃഗസംരക്ഷണ വകുപ്പ് വിവിധബ്ലോക്കുകളില്‍ നടപ്പിലാക്കുന്ന രാത്രികാല അടിയന്തരസേവന പദ്ധതിയിലേക്കും മൊബൈല്‍ യൂണിറ്റുകളിലേക്കും വെറ്ററിനറി സര്‍ജ•ാരെ കരാര്‍അടിസ്ഥാനത്തില്‍ നിയമിക്കുന്നു. രാത്രികാലസേവനം, അഞ്ചല്‍, ചടയമംഗലം ബ്ലോക്കുകളിലെ മൊബൈല്‍ വെറ്ററിനറി യൂണിറ്റുകള്‍, ജില്ലാ വെറ്ററിനറി കേന്ദ്രത്തിലെ മൊബൈല്‍ സര്‍ജറി യൂണിറ്റ്, മൊബൈല്‍ ടെലി വെറ്ററിനറി യൂണിറ്റ് പദ്ധതികളിലാണ് ഒഴിവുകള്‍. മെയ് 19-ന് രാവിലെ 10.30 ന്  തേവള്ളി ജില്ലാ വെറ്ററിനറി കേന്ദ്രത്തിലാണ് അഭിമുഖം.   ഫോണ്‍: 0474 2793464.  
 

ചിറ്റൂര്‍ സര്‍ക്കാര്‍ കോളേജില്‍ 2020 -2021, 2021 -2022, 2022-2023 അധ്യയന വര്‍ഷത്തില്‍ പ്രവേശനം നേടിയ എസ് ടി വിഭാഗത്തിലെ വിദ്യാര്‍ഥികള്‍ ഇ ഗ്രാന്റ്‌സ് വിദ്യാഭ്യാസ ആനുകൂല്യ തുക രേഖകള്‍ സഹിതം മെയ് 25 നകം ഓഫീസില്‍ നിന്ന് നേരിട്ട് കൈപ്പറ്റണം. ഫോണ്‍: 8078042347.
 

  വിദ്യാഭ്യാസ വകുപ്പിലെ ഹൈസ്‌കൂള്‍ ടീച്ചര്‍ (ഇംഗ്ലീഷ്) (കാറ്റഗറി നമ്പര്‍ - 603/24) തസ്തികയിലേക്കുള്ള  അഭിമുഖം മെയ് 20, 21, 22  തീയതികളില്‍ ജില്ലാ പി.എസ്.സി ഓഫീസില്‍ നടത്തും.  എസ്എംഎസ്/പ്രൊഫൈല്‍ മെസേജ് മുഖേന അറിയിപ്പ്  നല്‍കി. ഫോണ്‍: 0474 2743624.
 

രാമന്‍കുളങ്ങര പി എം ശ്രീ കേന്ദ്രീയവിദ്യാലയത്തില്‍   പ്ലസ് വണ്‍ കൊമേഴ്‌സ് വിഭാഗത്തില്‍ ഒഴിവുള്ള സീറ്റുകളില്‍  പ്രവേശനത്തിന് മെയ് 20നകം  അപേക്ഷിക്കാം. ഫോണ്‍: 0474 2799494, 2799696
 
 

ശാസ്താംകോട്ട പട്ടികജാതി കൈത്തറിവ്യവസായ സഹകരണസംഘം ക്യു എച്ച് 10ലെ തറിഅനുബന്ധ സാമഗ്രികള്‍  മെയ് 26ന് ഉച്ചയ്ക്ക് 12ന് കൊട്ടാരക്കര താലൂക്ക് വ്യവസായ ഓഫീസ് ജൂനിയര്‍ സഹകരണ ഇന്‍സ്‌പെക്ടര്‍ ലേലം  ചെയ്യും. നിരതദ്രവ്യം 2500 രൂപ.  
 

കുടുംബശ്രീ ജില്ലാ മിഷനും വയനാട് എം.എസ്.എസ്.ആർ.എഫ് എന്നിവയുടെ സംയുക്താഭിമുഖ്യത്തിൽ അമ്പലവയൽ സി.ഡി.എസിൽ മഞ്ഞൾ നടീൽ ജില്ലാതല ഉദ്ഘാടനം നടത്തി. നെല്ലാറ ഉന്നതിയിൽ നടന്ന പരിപാടി അമ്പലവയൽ ഗ്രാമപഞ്ചായത്ത് പ്രസിഡന്റ് എൻ.സി. കൃഷ്ണകുമാർ ഉദ്ഘാടനം ചെയ്തു. ജില്ലയിലെ കൽപ്പറ്റ, സുൽത്താൻ ബത്തേരി, പനമരം എന്നീ മൂന്ന് ബ്ലോക്കുകളിലെ 22 ജോയിന്റ് ലെയബിലിറ്റി ഗ്രൂപ്പുകൾക്കും ഒരു പ്രൊഡ്യൂസർ ഗ്രൂപ്പിനുമായി 855 കിലോ വരദ ഇനത്തിൽപ്പെട്ട ഇഞ്ചി വിത്തും 3777 കിലോ പ്രതിഭ ഇനത്തിൽപ്പെട്ട മഞ്ഞൾ വിത്തും വിതരണം ചെയ്തു. നിലവിൽ 19.3 ഏക്കർ സ്ഥലത്ത് കൃഷി നടത്തി വരികയാണ്. പദ്ധതിയിൽ 100 വനിതാ കർഷകർ പങ്കാളികളാകുന്നുണ്ട്.