ജില്ലയിലെ വനം വന്യജീവി വകുപ്പില്‍ ബീറ്റ് ഫോറസ്റ്റ് തസ്തികയില്‍ വിവിധ ചുരുക്കപട്ടികയില്‍ ഉള്‍പ്പെട്ടവര്‍ക്കുള്ള എന്‍ഡ്യൂറന്‍സ് ടെസ്റ്റ് മെയ് 19 മുതല്‍  22 വരെ നടക്കും.

മണ്ണാര്‍ക്കാട് ബ്ലോക്ക് പട്ടികജാതി വികസന ഓഫീസിന്റെ കീഴിലെ ആണ്‍കുട്ടികളുടെ പ്രീമെട്രിക് ഹോസ്റ്റലുകളിലേക്ക് ട്യൂട്ടർ നിയമനത്തിന് അപേക്ഷിക്കാം. തച്ചമ്പാറ, പൊറ്റശ്ശേരി, അഗളി എന്നിവിടങ്ങളിലേക്കാണ് ട്യൂട്ടറെ നിയമിക്കുന്നത്. ഹൈസ്‌കൂള്‍ വിഭാഗത്തില്‍ ഇംഗ്ലീഷ്, കണക്ക്, ഹിന്ദി, നാച്ചുറല്‍ സയന്‍സ്, ഫിസിക്കല്‍ സയന്‍സ്, സോഷ്യല്‍ സയന്‍സ് എന്നീ വിഷയങ്ങളിലാണ് ഒഴിവുള്ളത്. ബിരുദവും ബിഎഡുമാണ് യോഗ്യത. യു.പി വിഭാഗത്തില്‍ എല്ലാ വിഷയങ്ങളിലും ട്യൂട്ടര്‍ ഒഴിവുണ്ട്. ടി.ടിസി, ഡി.എഡാണ് യോഗ്യത.

വനിത ശിശുവികസന വകുപ്പിന് കീഴില്‍ ജില്ലയിലെ ഐ.സി.ഡി.എസ് സെല്‍ ഓഫീസിന്റെ ഔദ്യോഗികാവശ്യങ്ങള്‍ക്ക് വാഹനം ലഭ്യമാക്കുന്നതിന് ടെന്‍ഡര്‍ ക്ഷണിച്ചു. ഒരു വര്‍ഷത്തേക്ക് ഡ്രൈ ലീസ് വ്യവസ്ഥയില്‍ ഏഴ് സീറ്റ് വാഹന(കാര്‍/ജീപ്പ്)മാണ് ആവശ്യം. താല്‍പര്യമുള്ള വ്യക്തികള്‍ ടെന്‍ഡറുകള്‍ മെയ് 29 ന് ഉച്ചക്ക് രണ്ടിനകം പ്രോഗ്രാം ഓഫീസര്‍,ജില്ലാ തല ഐ.സി.ഡി.എസ് സെല്‍,സിവില്‍ സ്റ്റേഷന്‍, പാലക്കാട് 678001 എന്ന വിലാസത്തില്‍ ലഭ്യമാക്കണം. ടെന്‍ഡറുകള്‍ അന്നേദിവസം വൈകിട്ട് നാലിന് തുറക്കും.

മണ്ണാര്‍ക്കാട് താലൂക്ക് ആസ്ഥാന ആശുപത്രിയില്‍ ഒരു വര്‍ഷത്തേക്ക് സ്‌കാനിങ് സേവനങ്ങള്‍ ലഭ്യമാക്കാന്‍ താല്പര്യമുള്ള സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ആര്‍എസ്ബിവൈ (RSBY), കെഎഎസ്പി (KASP), ജെഎസ്എസ്‌കെ (JSSK), ജെഎസ്എസ്‌കെ ന്യൂ ബോണ്‍, ട്രൈബ് എന്നീ വിഭാഗങ്ങളിലേക്കാണ് സേവനം ലഭ്യമാക്കേണ്ടത്. താല്‍പര്യമുള്ള സ്ഥാപനങ്ങള്‍ ഓരോ സ്‌കാനിങ്ങിനുമുള്ള നിരക്കുകള്‍ പ്രത്യേകം രേഖപ്പെടുത്തി അപേക്ഷിക്കണം. അപേക്ഷയോടൊപ്പം പിസിപിഎന്‍ഡിടി (PCPNDT) ലൈസന്‍സിന്റെ പകര്‍പ്പും ലഭ്യമാക്കണം.

മലബാര്‍ ദേവസ്വം ബോര്‍ഡിന് കീഴില്‍ ജില്ലയില്‍ ക്ഷേമനിധി സെക്രട്ടറി മെയ് 19 ന് രാവിലെ 10.30ന് മണപ്പുള്ളി ഭഗവതി ക്ഷേത്രത്തില്‍ ക്യാമ്പ് ചെയ്യുന്നു. മലബാര്‍ ക്ഷേത്ര ജീവനക്കാരുടെയും എക്‌സിക്യൂട്ടീവ് ഓഫീസര്‍മാരുടെയും ക്ഷേമനിധി ക്ഷേത്രം വിഹിതം, കുടിശ്ശിക പിരിവ് നടത്തുന്നതിനാണ് ക്യാമ്പ്.