സംസ്ഥാന യുവജന ക്ഷേമ ബോര്‍ഡിന്റെ ഇടുക്കി ജില്ലാ യുവജന കേന്ദ്രം,  തൊടുപുഴ സ്‌പോര്‍ട്‌സ് ആന്‍ഡ് ഗെയിംസ് വെല്‍ഫെയര്‍ അസോസിയേഷന്റെ സഹകരണത്തോടെ ലോകപരിസ്ഥിതി ദിനാചരണത്തിന്റെ ഭാഗമായി  ജില്ലയിലെ യൂത്ത് കോര്‍ഡിനേറ്റര്‍മാര്‍ യൂത്ത് വോളന്റിയര്‍മാര്‍ എന്നിവരെ പങ്കെടുപ്പിച്ചു കൊണ്ട് സോക്കര്‍ സ്‌കൂള്‍ ഗ്രൗണ്ടും പരിസരവും കാടു വെട്ടി  വൃത്തിയാക്കലും  വൃക്ഷത്തൈ നടീലും  സംഘടിപ്പിക്കും.  ജില്ലയില്‍ ഉടനീളം യൂത്ത് കോര്‍ഡിനേറ്റര്‍മാരുടെയും യൂത്ത് വോളന്റിയര്‍മാരുടെയും നേതൃത്വത്തില്‍ ദിനാചരണത്തിന്റെ ഭാഗമായി വൃക്ഷത്തൈ നടീലും സംഘടിപ്പിച്ചിട്ടുണ്ട്.  പരിപാടിയുടെ ജില്ലാ തല ഉദ്ഘാടനം അഡ്വ. ഡീന്‍ കുര്യാക്കോസ് എം.പി.

കോട്ടയം ജില്ലയില്‍ രണ്ടു പേര്‍ കൂടി കോവിഡ് മുക്തരായി. എട്ടു പേര്‍ക്ക് പുതിയതായി രോഗം സ്ഥിരീകരിച്ചു.  കോട്ടയം മെഡിക്കല്‍ കോളേജ് ആശുപത്രിയില്‍ കഴിഞ്ഞിരുന്ന മേലുകാവ് സ്വദേശിയും(25) വെള്ളാവൂര്‍ സ്വദേശിയു(32)മാണ് രോഗമുക്തരായത്. മേലുകാവ് സ്വദേശി അബുദാബിയില്‍നിന്നും വെള്ളാവൂര്‍ സ്വശേശി  മഹാരാഷ്ട്രയില്‍നിന്നുമാണ് നാട്ടിലെത്തിയത്. ഇരുവരെയും കോട്ടയം മെഡിക്കല്‍ കോളജില്‍നിന്ന് ഡിസ്ചാര്‍ജ് ചെയ്തു. ഇതോടെ ജില്ലയില്‍ രോഗമുക്തി നേടിയവരുടെ എണ്ണം 39 ആയി. 

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില്‍ 24 കേസുകള്‍ കൂടി ഇന്നലെ (ജൂണ്‍ ഒന്‍പത്) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി 16 പേരെ ഇന്നലെ അറസ്റ്റു ചെയ്തു. നിര്‍ദേശങ്ങള്‍ ലംഘിച്ച് നിരത്തിലിറക്കിയ നാല് വാഹനങ്ങളും പിടിച്ചെടുത്തിട്ടുണ്‍്. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,538 ആയി. 5,585 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,596 വാഹനങ്ങളും പിടിച്ചെടുത്തിട്ടുണ്‍്.

കാലവര്‍ഷ ദുരന്തനിവാരണ മുന്നൊരുക്കങ്ങളുടെ ഭാഗമായി കോവിഡ് പ്രതിരോധ മാര്‍ഗനിര്‍ദേശങ്ങള്‍ പാലിച്ച് ദുരിതാശ്വാസ ക്യാമ്പുകള്‍ സജ്ജമാക്കാന്‍ ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന ജില്ലാ ദുരന്തനിവാരണ അതോറിറ്റി യോഗം തീരുമാനിച്ചു. ഇതിനുള്ള നടപടികള്‍ ഈ മാസം 15നുള്ളില്‍ പൂര്‍ത്തീകരിക്കും. 60 വയസിനു മുകളില്‍ പ്രായമുള്ളവരെയും  ഹോം ക്വാറന്‍റയിനില്‍ കഴിയുന്നവരെയും താമസിപ്പിക്കുന്നതിന് സംസ്ഥാന ദുരന്ത നിവാരണ അതോറിറ്റി പുറത്തിറക്കിയ ദുരന്ത പ്രതികരണ മാര്‍ഗരേഖപ്രകാരം പ്രത്യേക സംവിധാനമൊരുക്കും.

ജില്ലയില്‍ ആകെ നിരീക്ഷണത്തിലുള്ളത് 12,743 പേര്‍

മലപ്പുറം ജില്ലയില്‍ ആറ് പേര്‍ക്ക് കൂടി ഇന്നലെ (ജൂണ്‍ ഒമ്പത്) കോവിഡ് 19 സ്ഥിരീകരിച്ചു. ഇതില്‍ രണ്ട് പേര്‍ക്ക് സമ്പര്‍ക്കത്തിലൂടെയാണ് രോഗബാധയുണ്ടായത്. ഒരാള്‍ മുംബൈയില്‍ നിന്നും മൂന്ന് പേര്‍ വിവിധ വിദേശ രാജ്യങ്ങളില്‍ നിന്നും എത്തിയവരാണ്. പുതുതായി രോഗബാധ സ്ഥിരീകരിച്ചവരെല്ലാം കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ഐസൊലേഷനില്‍ ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. 

? ആദ്യ അദാലത്ത് കാഞ്ഞിരപ്പള്ളിയില്‍

?  അപേക്ഷകള്‍ ഇന്നു (ജൂണ്‍10) മുതല്‍ സ്വീകരിക്കും

കോവിഡ് പ്രതിരോധ സംവിധാനങ്ങള്‍ നിലനില്‍ക്കുന്ന സാഹചര്യത്തില്‍ സര്‍ക്കാര്‍ നിര്‍ദേശപ്രകാരം ജില്ലാ കളക്ടര്‍ നടത്തുന്ന ഓണ്‍ലൈന്‍ പരാതി പരിഹാര അദാലത്തുകള്‍ക്ക് ഈ മാസം 19ന് തുടക്കം കുറിക്കും.  ആദ്യ അദാലത്ത് അന്ന് കാഞ്ഞിരപ്പള്ളി താലൂക്കില്‍ നടക്കും. അപേക്ഷകര്‍ക്ക് അതത് മേഖലകളിലെ അക്ഷയ കേന്ദ്രങ്ങളിലിരുന്ന് ജില്ലാ കളക്ടറോട് സംസാരിക്കാന്‍ കഴിയും വിധമാണ് ക്രമീകരണം. 

കഴിഞ്ഞ മൂന്ന് ദിവസത്തിനിടെ അഞ്ച് രാജ്യങ്ങളില്‍ നിന്നായി 19 പ്രവാസികള്‍ ജില്ലയിലെത്തി. ആരോഗ്യ പരിശോധനകള്‍ക്ക് ശേഷം ഇതില്‍ ഒമ്പത് പേരെ വീടുകളിലും 10 പേരെ വിവിധ കോവിഡ് കെയര്‍ സെന്ററുകളിലും പ്രവേശിപ്പിച്ചു. കുവൈറ്റില്‍ നിന്ന് എത്തിയ ആറ് പേരില്‍ 10 വയസില്‍ താഴെയുള്ള രണ്ട് പെണ്‍കുട്ടികളടക്കം നാല് വനിതകളും രണ്ട് പുരുഷന്‍മാരും ഉള്‍പ്പെടുന്നു. ഇതില്‍ മൂന്ന് പേരെ വീടുകളില്‍ നിരീക്ഷണത്തിലാക്കി. രണ്ട് പേരെ തൊടുപുഴയിലും ഒരാളെ മുട്ടം റൈഫിള്‍ ക്ലബ്ബിലും പ്രവര്‍ത്തിക്കുന്ന കോവിഡ് കെയര്‍ സെന്ററുകളിലാക്കി. ദുബായില്‍ നിന്ന് നാല് വനിതകളും മൂന്ന് പുരുഷന്‍മാരുമടക്കം ഏഴ് പേരാണെത്തിയത്.