വണ്ടൂര്‍ താലൂക്ക് ആശുപത്രിയില്‍ ആരംഭിക്കുന്ന പ്രസവചികിത്സാ വിഭാഗത്തിലേക്ക് അത്യാവശ്യ ഉപകരണങ്ങള്‍ വിതരണം ചെയ്യുന്നതിന് തയ്യാറുള്ള സ്ഥാപനങ്ങളില്‍ നിന്ന് ദര്‍ഘാസ് ക്ഷണിച്ചു. അവസാന തീയതി ജൂണ്‍ 16. ഫോണ്‍: 04931 247378.
       
നിലമ്പൂര്‍ ജില്ലാ ആശുപത്രിയിലെ ഓര്‍ത്തോ വിഭാഗം സര്‍ജറികള്‍ക്ക് ആവശ്യമായ ഇംപ്ലാന്റ്‌സ് വിതരണം ചെയ്യാന്‍ തയ്യാറുള്ള നിര്‍മാതാക്കള്‍, മൊത്ത  വിതരണക്കാര്‍ എന്നിവരില്‍ നിന്നും ദര്‍ഘാസുകള്‍ ക്ഷണിച്ചു. ദര്‍ഘാസ് സ്വീകരിക്കുന്ന അവസാന തീയതി ജൂണ്‍ 11. ഫോണ്‍ 04931 : 220351.
   (എം.പി.എം 2150/2020)
 

കാലവര്‍ഷ ദുരന്തനിവാരണ മുന്നൊരുക്കങ്ങളുടെ ഭാഗമായി കോവിഡ് പ്രതിരോധ മാര്‍ഗനിര്‍ദേശങ്ങള്‍ പാലിച്ച് ദുരിതാശ്വാസ ക്യാമ്പുകള്‍ സജ്ജമാക്കാന്‍ ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന ജില്ലാ ദുരന്തനിവാരണ അതോറിറ്റി യോഗം തീരുമാനിച്ചു. ഇതിനുള്ള നടപടികള്‍ ഈ മാസം 15നുള്ളില്‍ പൂര്‍ത്തീകരിക്കും. 60 വയസിനു മുകളില്‍ പ്രായമുള്ളവരെയും  ഹോം ക്വാറന്‍റയിനില്‍ കഴിയുന്നവരെയും താമസിപ്പിക്കുന്നതിന് സംസ്ഥാന ദുരന്ത നിവാരണ അതോറിറ്റി പുറത്തിറക്കിയ ദുരന്ത പ്രതികരണ മാര്‍ഗരേഖപ്രകാരം പ്രത്യേക സംവിധാനമൊരുക്കും.

കട്ടപ്പന കൂന്തളാം പാറയില്‍ പ്രവര്‍ത്തിക്കുന്ന പാറമടകളില്‍ സംസ്ഥാന മനുഷ്യാവകാശ കമ്മീഷന്റെ നിര്‍ദ്ദേശ പ്രകാരം നഗരസഭയും ജില്ലാ ഭരണകൂടവും ഇടപെട്ട് ശക്തി കുറഞ്ഞ നിയന്ത്രിത സ്‌ഫോടനം ഏര്‍പ്പെടുത്തി.

പെരിന്തല്‍മണ്ണ പി.ടി.എം ഗവ. കോളജില്‍ കെമിസ്ട്രി  വിഷയത്തില്‍ അതിഥി അധ്യാപകരെ നിയമിക്കുന്നു. എം.എസ്.സി കെമിസ്ട്രിയും നെറ്റ് അല്ലെങ്കില്‍ പി.എച്ച്.ഡിയുമാണ് യോഗ്യത. കോഴിക്കോട് മേഖലാ ഓഫീസില്‍ പേര് രജിസ്റ്റര്‍ ചെയ്ത  ഉദ്യോഗാര്‍ഥികള്‍  അസ്സല്‍ സര്‍ട്ടിഫിക്കറ്റുകളുമായി ജൂണ്‍ 12 ന് രാവിലെ 10 ന് ഇന്റര്‍വ്യൂവിന് ഹാജരാകണമെന്ന് പ്രിന്‍സിപ്പല്‍ അറിയിച്ചു.
(എം.പി.എം 2148/2020)
 

കോട്ടയം ജില്ലാ ട്രഷറിയുടെ ആവശ്യത്തിന് പുതിയ  മഹീന്ദ്ര ബൊലേറോ പവര്‍ പ്ലസ് മോഡല്‍ വാഹനം വാടകയ്ക്ക് ആവശ്യമുണ്ട്. ലഭ്യമാക്കുവാന്‍ താത്പര്യമുള്ളവര്‍ ജൂണ്‍ 20നകം ജില്ലാ ട്രഷറി ഓഫീസുമായി ബന്ധപ്പെട്ട് അപേക്ഷ നല്‍കണം. ഫോണ്‍  8547464840, 9446037126 .

കുറ്റിപ്പുറം എംപ്ലോയ്‌മെന്റ് എക്‌സ്‌ചേഞ്ചില്‍ 2020 ജനുവരി മുതല്‍ മെയ് വരെ രജിസ്‌ട്രേഷന്‍ പുതുക്കേണ്ട  ഉദ്യോഗാര്‍ഥികള്‍ക്ക്  ഓഗസ്റ്റ് 31 വരെ നേരിട്ടും ടെലിഫോണ്‍ മുഖേനയും പുതുക്കി നല്‍കും. എംപ്ലോയ്‌മെന്റ് എക്‌സ്‌ചേഞ്ച് മുഖേനയുള്ള സേവനങ്ങള്‍ ംംം.ലലാുഹീ്യാലി.േസലൃമഹമ,ഴീ്.ശി എന്ന വെബ്‌സൈറ്റ് വഴി ഓണ്‍ലൈനായി നടത്താമെന്ന് എംപ്ലോയ്‌മെന്റ് ഓഫീസര്‍ അറിയിച്ചു. ഫോണ്‍: 0494: 2607333.
(എം.പി.എം 2147/2020)
 

നിലമ്പൂര്‍ ഗവ. ആര്‍ട്സ് ആന്‍ഡ് സയന്‍സ് കോളജില്‍ കൊമേഴ്സ്, മലയാളം, ജിയോഗ്രഫി, സ്റ്റാറ്റിസ്റ്റിക്‌സ്, ജേര്‍ണലിസം വിഷയങ്ങളിലേക്കുള്ള അധ്യാപകരുടെ അഭിമുഖം ജൂണ്‍ 23 മുതല്‍ കോളജില്‍ നടക്കും. കൊമേഴ്‌സ്   ജൂണ്‍ 23 രാവിലെ 11 നും മലയാളം ജൂണ്‍ 24 രാവിലെ 11 നും സ്റ്റാറ്റിസ്റ്റിക്‌സ്, ജേര്‍ണലിസം വിഷയങ്ങള്‍ക്ക്  ജൂണ്‍ 25 രാവിലെ 11 നും ജിയോഗ്രഫി  ജൂണ്‍ 26 ഉച്ചയ്ക്ക് രണ്ടിനും നടക്കും. ഉദ്യോഗാര്‍ഥികള്‍, കോഴിക്കോട് കോളജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ ഓഫീസില്‍ രജിസ്റ്റര്‍ ചെയ്തിട്ടുള്ളവരാകണം. ഫോണ്‍: 04931 260332, 9447761696.
(എം.പി.എം 2146/2020)
 

കോവിഡ് 19 പ്രതിരോധ പ്രവര്‍ത്തനങ്ങള്‍ക്കായി ജില്ലയിലെ ഓരോ നിയോജകമണ്ഡലതലത്തിലും ഗ്രാമ പഞ്ചായത്ത് തലത്തിലും സര്‍വകക്ഷി യോഗം ചേര്‍ന്ന് പ്രതിരോധ പരിപാടി ഊര്‍ജിതമാക്കും. ഇടുക്കി കലക്ട്രേറ്റ് ഹാളില്‍ ചേര്‍ന്ന  രാഷ്ട്രീയ പാര്‍ട്ടികളുടെ അവലോകന  യോഗത്തിന്റേതാണ് തീരുമാനം. വൈദ്യുതി വകുപ്പ് മന്ത്രി എം.എം.മണി യോഗം ഉദ്ഘാടനം ചെയ്തു. മറ്റു രാജ്യങ്ങളില്‍ നിന്നും സംസ്ഥാനങ്ങളില്‍ നിന്നും കേരളത്തിലേയ്ക്ക് ആളുകള്‍ എത്തി തുടങ്ങിയതോടെ കോവിഡ് പ്രതിരോധത്തില്‍ വലിയ ഉത്തരവാദിത്വമാണ് സംസ്ഥാനത്തിന് ഉണ്ടായിരിക്കുന്നതെന്നും കൂട്ടായ പ്രതിരോധ പ്രവര്‍ത്തനം ഉണ്ടാകണമെന്നും  മന്ത്രി പറഞ്ഞു.