മലപ്പുറം ഗവ. കോളജില്‍ 2020-21 അധ്യയനവര്‍ഷത്തിലെ മൂന്നാം വര്‍ഷ ഡിഗ്രി ക്ലാസുകളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. താത്പര്യമുളളവര്‍  ജൂണ്‍ 12 നകം അപേക്ഷിക്കണമെന്ന് പ്രിന്‍സിപ്പല്‍ അറിയിച്ചു.
(എം.പി.എം 2145/2020
 

കോട്ടയം സോഷ്യല്‍ ഫോറസ്റ്റ് ഡിവിഷനിലെ വൈക്കം, പനക്കച്ചിറ നഴ്‌സറികളില്‍ നിന്ന്   കൂടയിലാക്കിയ  വൃക്ഷതൈകള്‍ എരുമേലിയിലെ നഴ്‌സറികളില്‍ വാഹനത്തില്‍ എത്തിക്കുന്നതിന് കരാറുകാരില്‍ നിന്ന് ദര്‍ഘാസ് ക്ഷണിച്ചു. ജൂണ്‍ 17ന് ഉച്ചകഴിഞ്ഞ് 2.30 നകം കോട്ടയം സോഷ്യല്‍ ഫോറസ്ട്രി ഡിവിഷന്‍ അസിസ്റ്റന്റ് കണ്‍സര്‍വേറ്റര്‍ ഓഫീസില്‍ നല്‍കണം. ഫോണ്‍: 0481 2310412

വണ്ടൂരിലെ പാലിയേറ്റീവ് ക്ലീനിക്കുകള്‍ക്ക് എ.പി അനില്‍ കുമാര്‍ എം.എല്‍.എയുടെ പ്രാദേശിക വികസന ഫണ്ടില്‍ നിന്ന് മൂന്ന് വാഹനങ്ങള്‍ നല്‍കി. വണ്ടൂര്‍, പോരൂര്‍, മമ്പാട് പാലിയേറ്റീവ് അസോസിയേഷനുകള്‍ക്കാണ് 21 ലക്ഷം രൂപ ചെലവഴിച്ച് മൂന്ന് വാഹനങ്ങള്‍ അനുവദിച്ചത്. 
പെരിന്തല്‍മണ്ണ മണ്ഡലത്തിലെ 37 കേന്ദ്രങ്ങളില്‍ മഞ്ഞളാംകുഴി അലി എം.എല്‍.എയുടെ ആസ്തിവികസന ഫണ്ടില്‍ നിന്ന് 99 ലക്ഷം രൂപ ചെലവഴിച്ച് ഹൈമാസ്റ്റ് ലൈറ്റ് അനുവദിച്ചു.
(എം.പി.എം 2144/2020)
 

ലോക്ഡൗണ്‍ മൂലം സാമ്പത്തിക പ്രതിസന്ധി നേരിട്ട ഉത്പാദന മേഖലയിലെ ചെറുകിട വ്യവസായങ്ങള്‍ക്ക്  ബാങ്കുകളില്‍ നിന്നും അധികമായി അനുവദിച്ചിട്ടുളള വായ്പകള്‍ക്ക് ആറുമാസ കാലയളവില്‍ 50 ശതമാനം പലിശ സബ്‌സിഡി നല്‍കും.
ഈ വര്‍ഷം ജനുവരി ഒന്നു മുതല്‍ മാര്‍ച്ച് 15 വരെ പ്രവര്‍ത്തിച്ചിരുന്ന ഉദ്യോഗ് ആധാര്‍ ഉളള ഉത്പാദന -അനുബന്ധ മേഖലയിലെ സ്ഥാപനങ്ങള്‍ക്കു മാത്രമാണ് ആനുകൂല്യത്തിന് അര്‍ഹതയുള്ളത്. 2020 ഏപ്രില്‍ ഒന്നു മുതല്‍  ഡിസംബര്‍ 31 വരെ അനുവദിക്കുന്ന അധിക വായ്പാ തുകയുടെ അടിസ്ഥാനത്തിലാണ് സബ്‌സിഡി നല്‍കുക.

മഴക്കാല രോഗങ്ങളെ പ്രതിരോധിക്കുന്നതിനും വീടും പരിസരവും വൃത്തിയാക്കുന്നതിനുമായി കുടുംബശ്രീ നടപ്പാക്കുന്ന ശുചിത്വ ചങ്ങലയുടെ ബ്ലോക്ക് തല ഉദ്ഘാടനം കൊടുവള്ളിയിൽ കാരാട്ട് റസാഖ് എംഎൽഎ നിർവഹിച്ചു. കുടുംബശ്രീ കോഴിക്കോട് ജില്ലാ മിഷനും ഏക്സാത് പരിശീലന കേന്ദ്രവും സംയുക്തമായാണ് ക്യാമ്പയിൻ നടപ്പാക്കുന്നത്. ജില്ലയിലെ മുഴുവൻ ഭവനങ്ങളിലും ശുചിത്വ സന്ദേശം എത്തിക്കുക എന്നതാണ് പരിപാടി കൊണ്ട് ഉദ്ദേശിക്കുന്നത്. ശുചിത്വ ചങ്ങലയിൽ പങ്കെടുക്കുന്നവർ രണ്ട് പേരെ കൂടി ചലഞ്ച് ചെയ്ത് ചങ്ങലയുടെ ഭാഗമാക്കും.

കോഴിക്കോട് ജില്ലയില്‍ ഇന്ന് (09.06.2020) പുതുതായി വന്ന 860 പേര്‍ ഉള്‍പ്പെടെ 8691 പേര്‍ നിരീക്ഷണത്തിലുണ്ട്. ഇതുവരെ 34,928 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്ന 41 പേര്‍ ഉള്‍പ്പെടെ 155 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 94 പേര്‍ മെഡിക്കല്‍ കോളേജിലും 61 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിലുമാണ്. 28 പേര്‍ ഡിസ്ചാര്‍ജ്ജ് ആയി. 

ഒരു വയനാട് സ്വദേശി ഉള്‍പ്പെടെ 

നാല് പേര്‍ക്ക് രോഗമുക്തി

കോഴിക്കോട് ജില്ലയില്‍ ഇന്ന് (09.06.20) ഏഴ് പേര്‍ക്ക് കൂടി കോവിഡ് സ്ഥിരീകരിച്ചതായും ഒരു വയനാട് സ്വദേശി ഉള്‍പ്പെടെ നാലു പേര്‍ രോഗമുക്തി നേടിയതായും ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. പോസറ്റീവ് ആയവരില്‍ നാല് പേര്‍ വിദേശത്ത് നിന്നും (ദുബായ്-3, സൗദി-1) രണ്ട് പേര്‍ ചെന്നൈയില്‍ നിന്നും ഒരാള്‍ ഹൈദരാബാദില്‍ നിന്നും വന്നവരാണ്.  എല്ലാവരുടെയും ആരോഗ്യനില ഇപ്പോള്‍ തൃപ്തികരമാണ്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് (ജൂൺ 9)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 7  കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 14 പേരെ അറസ്റ്റ് ചെയ്തു. 4 വാഹനങ്ങൾ പിടിച്ചെടുത്തു.  മരണാനന്തര ചടങ്ങുകൾക്ക്  ആളുകൾ കൂട്ടം കൂടിയതിനും കണ്ടേയ്‌ൻമെന്റ്  സോണുകളിൽ കടകൾ പ്രവർത്തിച്ചതിനും നിരീക്ഷണ കാലാവധി പൂർത്തിയാകും മുൻപേ പുറത്തിറങ്ങിയതിനുമാണ് 
 കേസ് രജിസ്റ്റർ ചെയ്തത്.

 മാസ്ക് ധരിക്കാത്ത 35 പേർക്കെതിരെ കേസ്