വാളയാര്‍ ഡാമില്‍ നിന്നുള വെളളം കൃഷിയാവശ്യത്തിനായി കനാലിലേക്ക് തുറന്നു വിട്ടതായി അസി. എക്സിക്യുട്ടീവ് എഞ്ചിനീയര്‍ അറിയിച്ചു

മധൂര്‍ ഗ്രാമപഞ്ചായത്തിലെ പാറക്കട്ട സായുധറിസര്‍വ്വ് പോലീസ് ക്യാമ്പിലേക്കുളള റോഡ് നിര്‍മ്മിച്ച് കോണ്‍ക്രീറ്റ് ചെയ്യുന്നതിന് പി കരുണാകരന്‍ എം പി യുടെ പ്രാദേശിക വികസന ഫണ്ടില്‍ നിന്നും 4,60,000 രൂപ അനുവദിച്ചു. പദ്ധതിക്ക് ജില്ലാകളക്ടര്‍ ജീവന്‍ബാബു കെ ഭരണാനുമതി നല്‍കി.
 

കാറഡുക്ക ബ്ലോക്ക്പഞ്ചായത്ത് 2017-18 വര്‍ഷത്തെ പദ്ധതിയില്‍  ഉള്‍പ്പെടുത്തി കാറഡുക്കയെ അര്‍ബുദമുക്തമാക്കാന്‍ ഗ്രാമപഞ്ചായത്തിന്റെയും മുളേളരിയ കുടുംബാരോഗ്യ കേന്ദ്രത്തിന്റെയും  നേതൃത്വത്തില്‍ പരിപാടികള്‍ നടപ്പാക്കും. പ്രവര്‍ത്തനത്തിന്റെ ഭാഗമായി  86 സന്നദ്ധസേവന പ്രവര്‍ത്തകര്‍ക്ക്  പരിശീലനം  നല്‍കി.

    സംസ്ഥാന ആസൂത്രണ ബോര്‍ഡിന്‍റെ വിദഗ്ധ സമിതി മുമ്പാകെ അവതരിപ്പിച്ച ജില്ലാ സമഗ്ര പദ്ധതി ഉപസമിതി റിപ്പോര്‍ട്ടില്‍ വരുത്തേണ്ട ഭേദഗതി നിര്‍ദ്ദേശങ്ങള്‍ പരിഗണിക്കുന്നതിന് ഉപസമിതി കണ്‍വീനര്‍മാരുടെ യോഗം ഇന്ന് (ഡിസംബര്‍ 27) രാവിലെ 10.30 ന് ജില്ലാ കലക്ടറുടെ ചേംബറില്‍ ചേരും.

കേരള കര്‍ഷക കടാശ്വാസ കമ്മീഷന്‍ പുറപ്പെടുവിച്ച അവാര്‍ഡുകള്‍ പ്രകാരം  ജില്ലയിലെ  സഹകരണ സംഘങ്ങള്‍-ബാങ്കുകളില്‍ നിന്നും  കര്‍ഷകര്‍ എടുത്തിട്ടുളള  വായ്പകള്‍ക്ക് കടാശ്വാസം  അനുവദിച്ച് സര്‍ക്കാര്‍ ഉത്തരവായതിന്റെ അടിസ്ഥാനത്തില്‍  ജില്ലയിലെ വിവിധ സഹകരണ ബാങ്കുകളില്‍  നിന്നെടുത്ത 11 ഗുണഭോക്താക്കള്‍ക്കായി 2,49,950 അനുവദിച്ച ഉത്തരവായതായി സഹകരണ സംഘം ജോയിന്റ്  രജിസ്ട്രാര്‍ അറിയിച്ചു. കടാശ്വാസം ലഭിച്ച  ഗുണഭോക്താക്കളുടെ പേരും വിലാസവും   നോട്ടീസ് ബോര്‍ഡില്‍ പ്രസിദ്ധപ്പെടുത്തിയിട്ടുണ്ട്.
 

    ക്രിസ്മസ് പുതുവത്സരാഘോഷങ്ങളുടെ ഭാഗമായി ജില്ലയില്‍ പ്രത്യേകിച്ച് ടൂറിസം മേഖലകളില്‍ ഭക്ഷ്യ സുരക്ഷ ഉറപ്പുവരുത്തുന്നതിനായി ഭക്ഷ്യസുരക്ഷാ ഓഫീസര്‍മാരെ നിയോഗിച്ചു. ഭക്ഷ്യ സുരക്ഷയുമായി ബന്ധപ്പെട്ട പ്രശ്നങ്ങള്‍ക്ക് സി.എസ് രാജേഷ് (8943346599), എസ്.റിനി മോണിക്ക (7593873314) എന്നിവരുടെ നമ്പറുകളില്‍ ബന്ധപ്പെടണമെന്ന് ഭക്ഷ്യ സുരക്ഷ അസി.കമ്മീഷനര്‍ അറിയിച്ചു.