മഴക്കാല മുന്നൊരുക്കങ്ങള്‍ അടിയന്തരമായി നിര്‍വഹിക്കാന്‍ ജില്ലാ വികസനസമിതി യോഗത്തില്‍ പൊതുനിര്‍ദേശം. യോഗത്തില്‍ പങ്കെടുത്ത മന്ത്രിമാരായ ഷിബു ബേബി ജോണ്‍, ബിന്ദു കൃഷ്ണ എന്നിവര്‍ പ്രവര്‍ത്തനങ്ങളെല്ലാം സമയബന്ധിതമായി നിര്‍വഹിക്കാന്‍ നിര്‍ദേശം നല്‍കി.

കോട്ടയം: കേരള സ്റ്റേറ്റ് റൂട്രോണിക്‌സ് തിരുവനന്തപുരം, ആറ്റിങ്ങല്‍ അംഗീകൃത പഠനകേന്ദ്രങ്ങളില്‍ ഒരുവര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ കോഴ്സിലേക്ക് പ്ലസ് ടൂ യോഗ്യതയുള്ളവരില്‍നിന്ന് അപേക്ഷ ക്ഷണിച്ചു.  റഗുലര്‍, പാര്‍ട്ട് ടൈം ബാച്ചുകളുണ്ട്.  ഫോണ്‍ - 799492608.

(കെഐഒപിആര്‍ 834/2026)

ആറാട്ടുപുഴ ഗ്രാമപഞ്ചായത്തിലെ വിവിധ വാര്‍ഡുകളില്‍ വയറിളക്ക രോഗങ്ങളും ഷിഗെല്ല അണുബാധയും റിപ്പോര്‍ട്ട് ചെയ്തിട്ടുണ്ടെന്നും 15 ദിവസത്തേയ്ക്ക് സ്‌കൂളുകള്‍ തുറക്കുന്നത് നീട്ടിവയ്ക്കണമെന്നും കാണിച്ച് ജില്ലാ മെഡിക്കല്‍ ഓഫീസര്‍ റിപ്പോര്‍ട്ടു ചെയ്തിട്ടുള്ളതിന്റെ അടിസ്ഥാനത്തില്‍, ആറാട്ടുപുഴ ഗ്രാമപഞ്ചായത്തിലെ 7, 9, 12,13,14,15,17 വാര്‍ഡുകളിലെ സ്‌കൂളുകള്‍ക്കും അങ്കണവാടികള്‍ക്കും സ്‌കൂള്‍ തുറക്കുന്ന തീയതി 15 ദിവസത്തേയ്ക്ക് നീട്ടി വച്ചു കൊണ്ട് ജില്ലാ കളക്ടര്‍ ഉത്തരവായിട്ടുള്ളതായിരുന്നു.

കോട്ടയം: മാന്നാനം- കൈപ്പുഴ റോഡില്‍ മാന്നാനം പാലത്തിനു സമീപമുള്ള 36 മരങ്ങള്‍ ജൂണ്‍ അഞ്ചിന് രാവിലെ 11.30ന് ലേലം ചെയ്ത് വില്‍ക്കും.  ക്വട്ടേഷനുകള്‍ ജൂണ്‍ നാലിന്  വൈകുന്നേരം 4.30 വരെ കെ.എസ്.ടി.പി. പൊന്‍കുന്നം ഡിവിഷന്‍ ഓഫീസില്‍ സ്വീകരിക്കും. ഫോണ്‍: 04828 206961
(കെഐഒപിആര്‍ 833/2026)

ലോകബാങ്കിന്റെ സഹായത്തോടെ കൃഷി വകുപ്പ് നടപ്പിലാക്കുന്ന കേര പദ്ധതിയിലൂടെ, പുനർ നടീൽ നടത്തുന്ന റബ്ബർ കർഷകർക്ക് ഹെക്ടറിന് 75,000 രൂപ നിരക്കിൽ സർക്കാരിന്റെ നേരിട്ടുള്ള ധനസഹായം ലഭ്യമാക്കുന്ന സ്‌കീമിലേക്ക് റബ്ബർ കർഷകർക്ക് ഇപ്പോൾ അപേക്ഷിക്കാം.

മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത കോട്ടയം, ഇടുക്കി, പത്തനംതിട്ട ജില്ലകളിലെ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടെയും കുട്ടികളില്‍ നിന്ന് വിദ്യാഭ്യാസ അവാര്‍ഡിന് അപേക്ഷ ക്ഷണിച്ചു. 

കണ്ണൂർ ജില്ലയിലെ അസിസ്റ്റന്റ് കലക്ടറായി എസ് സ്വാതി ചുമതലയേറ്റു. 2025 ബാച്ച് ഐഎഎസ് ഉദ്യോഗസ്ഥയാണ്. പത്തനംതിട്ട കോന്നി സ്വദേശിയായ ഇവരുടെ ആദ്യനിയമനമാണ് കണ്ണൂരിലേത്. കരുനാഗപ്പള്ളി കോളേജ് ഓഫ് എഞ്ചിനീയറിംഗ് കോളേജിൽ നിന്നും ബി.ടെക് ഇലക്ട്രോണിക്‌സ് ആൻഡ് കമ്യൂണിക്കേഷൻസിൽ ബിരുദം നേടിയിട്ടുണ്ട്.

കോട്ടയം: ഇടയിരിക്കപ്പുഴ സാമൂഹികാരോഗ്യ കേന്ദ്രത്തിലെ ബ്ലോക്ക് ഹബ് ലാബില്‍ ലബോറട്ടറി ടെക്നീഷ്യന്റെ ഒഴിവില്‍ നിയമനത്തിനുള്ള അഭിമുഖം ജൂണ്‍ അഞ്ചിന് ഉച്ചകഴിഞ്ഞ് രണ്ടിന് നടക്കും.  ബിഎസ്സി എം.എല്‍.ടി അല്ലെങ്കില്‍ ഡി.എം.എല്‍.ടിയും കേരളാ പാരാമെഡിക്കല്‍ കൗണ്‍സില്‍ രജിസ്ട്രേഷനുമാണ് യോഗ്യത. 

പ്രായം 20നും 40നുമിടയില്‍. അപേക്ഷ  യോഗ്യതയും പവൃത്തിപരിചയവും  തെളിയിക്കുന്ന സര്‍ട്ടിഫിക്കറ്റുകള്‍ സഹിതം ജൂണ്‍ നാലിനു വൈകുന്നേരം അഞ്ചിനു മുന്‍പ് സാമൂഹികാരോഗ്യ കേന്ദ്രം ഓഫീസില്‍ എത്തിക്കണം. ഇ-മെയില്‍: chcepuzha@gmail.com 

(കെഐഒപിആര്‍ 831/2026)

കോട്ടയം: പാമ്പാടി രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ (ഗവണ്‍മെന്റ് എന്‍ജിനീയറിംഗ് കോളജ്) ദിവസവേതനാടിസ്ഥാനത്തില്‍ ഡ്രൈവര്‍ കം ഓഫീസ് അറ്റന്‍ഡന്റുമാരെ നിയമിക്കുന്നു. താല്‍പര്യമുള്ളവര്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍, ഫോട്ടോ, ബയോഡേറ്റ, മെഡിക്കല്‍ സര്‍ട്ടിഫിക്കറ്റ്, ഡ്രൈവിംഗ് ലൈസന്‍സ്, പ്രവൃത്തി പരിചയ സര്‍ട്ടിഫിക്കറ്റ് എന്നിവയടെ അസ്സലും പകര്‍പ്പും എന്നിവ സഹിതം ജൂണ്‍ അഞ്ചിന് രാവിലെ 10ന് കോളജ് ഓഫീസില്‍ എത്തണം. വിശദവിവരങ്ങള്‍ www.rit.ac.in എന്ന വെബ്സൈറ്റില്‍.   ഫോണ്‍: 0481 2507763,2506153.
(കെഐഒപിആര്‍ 830/2026)

 കോട്ടയം ക്ഷീരപരിശീലന കേന്ദ്രത്തില്‍ ക്ഷീരദിനാചരണം നടത്തി.  പ്രിന്‍സിപ്പല്‍ ബെറ്റി ജോഷ്വയുടെ അധ്യക്ഷതയില്‍ ചേര്‍ന്ന യോഗത്തില്‍ ക്ഷീര വികസന ഓഫീസര്‍ ടി. സിമ്ന,പ്രിയ ജോസഫ്,ശ്രീജ രാധാകൃഷ്ണന്‍,ഉമേഷ് ബാബു എന്നിവര്‍ പ്രസംഗിച്ചു. 

കുട്ടികള്‍ക്കുള്ള  വിവിധ മത്സരങ്ങളിലെ വിജയികള്‍ക്ക് സമ്മാനങ്ങള്‍ വിതരണം ചെയ്തു.