സംസ്ഥാന പിന്നോക്ക വിഭാഗ വികസന കോര്‍പറേഷന്‍റെ(കെഎസ്ബിസിഡിസി) സ്കോളര്‍ഷിപ്പ് വിതരണവും സംരംഭകത്വ പരിശീലനവും ഇന്ന് (30ന്) രാവിലെ 10ന് പഴകുളം പാസ് ഓഡിറ്റോറിയത്തില്‍ ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്യും. കെഎസ്ബിസിഡിസി ഡയറക്ടര്‍ എ.പി. ജയന്‍ അധ്യക്ഷത വഹിക്കും. വായ്പാ വിതരണം പള്ളിക്കല്‍ ഗ്രാമപഞ്ചായത്ത് പ്രസിഡന്‍റ് ജി. പ്രസന്നകുമാരി നിര്‍വഹിക്കും. പള്ളിക്കല്‍ ഗ്രാമപഞ്ചായത്ത് അംഗം എസ്. അഖില്‍, കെഎസ്ബിസിഡിസി അസിസ്റ്റന്‍റ് ജനറല്‍ മാനേജര്‍ ജി. സജിത്ത്,  അസിസ്റ്റന്‍റ് മാനേജര്‍ ബി. സിനിമോള്‍ എന്നിവര്‍ പ്രസംഗിക്കും. കോട്ടയം ബിക്സ് ഡയറക്ടര്‍ തോമസ് സഖറിയാ സംരംഭകത്വ പരിശീലനം നയിക്കും. 

    ഗവണ്‍മെന്‍റ് സെക്രട്ടേറിയറ്റ്/നിയമ വകുപ്പിലെ കെ.എല്‍.01-എ.ജെ-3423 നമ്പര്‍ 2005 മോഡല്‍ മിറ്റ്സുബിഷി ലാന്‍സര്‍ കാര്‍ ഡിസംബര്‍ 28ന് ഉച്ചയ്ക്ക് 12ന് സെക്രട്ടേറിയറ്റ് കാന്‍റീന് സമീപത്ത് ലേലം/ടെന്‍ഡര്‍ വഴി വില്‍ക്കും. ടെന്‍ഡര്‍ വഴി വാഹനം വാങ്ങാന്‍ താത്പര്യമുള്ളവര്‍ സീല്‍ ചെയ്ത ടെന്‍ഡറുകള്‍ നിയമ വകുപ്പ് സെക്രട്ടറി, ഗവണ്‍മെന്‍റ് സെക്രട്ടേറിയറ്റ്, തിരുവനന്തപുരം എന്ന വിലാസത്തില്‍ ഡിസംബര്‍ 27ന് വൈകിട്ട് മൂന്നിനകം ലഭ്യമാക്കണം.                                          (പിഎന്‍പി 3200/17)

പ്രശസ്ത നാടക നടന്‍ എം.എസ്. വാര്യരുടെ നിര്യണത്തില്‍ സാംസ്‌കാരിക മന്ത്രി എ.കെ. ബാലന്‍ അനുശോചിച്ചു. പ്രൊഫഷണല്‍ നാടക രംഗത്ത് അഞ്ച് പതിറ്റാണ്ട് നിറഞ്ഞുനിന്ന കലാകാരനായിരുന്നു. കേരളത്തിലെ പ്രശസ്തമായ പഴയകാല നാടകസമിതികളിലെല്ലാം പ്രധാന വേഷങ്ങള്‍ കൈകാര്യം ചെയ്തു. സിനിമാ-സീരിയല്‍ രംഗത്ത് അവസരം ലഭിച്ചെങ്കിലും നാടകമാണ് തന്റെ കരുത്തെന്ന് തിരിച്ചറിഞ്ഞ നടനായിരുന്നു. എക്കാലവും പുരോഗമനപക്ഷത്ത് നിലകൊണ്ട കലാകാരന്‍ കൂടിയായിരുന്നു അദ്ദേഹമെന്ന് അനുശോചന സന്ദേശത്തില്‍ മന്ത്രി പറഞ്ഞു.

പി.എന്‍.എക്‌സ്.5081/17

കളരി അഭ്യാസത്തിന്റെ അപൂര്‍വ താളിയോല രേഖകള്‍ ഇനി ആര്‍കൈവ്‌സ് വകുപ്പിന് സ്വന്തം. തിരുവനന്തപുരം കാഞ്ഞിരംകുളം കെ. ആര്‍. നിവാസില്‍ കനകരാജിന്റെ പക്കലുണ്ടായിരുന്ന പഴയ താളിയോല രേഖകള്‍ പുരാവസ്തു പുരാരേഖ വകുപ്പ് മന്ത്രി രാമചന്ദ്രന്‍ കടന്നപള്ളി ഏറ്റുവാങ്ങി. കുടുംബാംഗങ്ങള്‍ക്കൊപ്പമെത്തിയാണ് കനകരാജ് രേഖകള്‍ മന്ത്രിക്ക് കൈമാറിയത്. കനകരാജിന്റെ പൂര്‍വികരുടെ പക്കലുണ്ടായിരുന്ന രേഖകളാണിത്. 

മുന്‍ മന്ത്രിയും തലമുതിര്‍ന്ന കമ്മ്യൂണിസ്റ്റ് നേതാവുമായ  ഇ. ചന്ദ്രശേഖരന്‍ നായരുടെ ദേഹവിയോഗത്തിലൂടെ സൗമ്യനും സ്‌നേഹനിധിയുമായ കാരണവരെയാണ് നഷ്ടമായിരിക്കുന്നതെന്ന് കൃഷി മന്ത്രി അഡ്വ. വി.എസ്. സുനില്‍കുമാര്‍ അനുസ്മരിച്ചു.

രാഷ്ട്രീയ-ഭരണരംഗത്ത് സംശുദ്ധിയുടെ പ്രതീകമായിരുന്നു ഇ. ചന്ദ്രശേഖരന്‍ നായരെന്ന് തുറമുഖ മ്യൂസിയം മന്ത്രി രാമചന്ദ്രന്‍ കടന്നപ്പള്ളി അനുശോചന സന്ദേശത്തില്‍ അറിയിച്ചു. പൊതുജീവിതത്തിന് മാതൃകയായി പ്രവര്‍ത്തിച്ചിട്ടുള്ള സമുന്നതനായ നേതാവായിരുന്നു. കേരളത്തിലെ സഹകരണമേഖലയുടെ വികാസ പരിണാമങ്ങളില്‍ മുഖ്യ പങ്ക് വഹിച്ച വ്യക്തിയായിരുന്നു അദ്ദേഹം. ലാളിത്യവും കര്‍മ്മശുദ്ധിയുംകൊണ്ട് പ്രശോഭിതനായ ചന്ദ്രശേഖരന്‍ നായരുടെ ദേഹവിയോഗം ഇടതുപക്ഷ പുരോഗമന ജനാധിപത്യ ശക്തികള്‍ക്ക് കനത്തനഷ്ടമാണ്. ഈ അവസരത്തില്‍ അത്യഗാധമായ ദുഃഖവും അനുശോചനവും രേഖപ്പെടുത്തുന്നു.

പി.എന്‍.എക്‌സ്.5078/17

ഇ ചന്ദ്രശേഖരന്‍നായരുടെ നിര്യാണം കേരളത്തിന്റെ പൊതു സാമൂഹ്യജീവിതത്തിനു കനത്ത നഷ്ടമാണുണ്ടാക്കുന്നത്. ഇടതുപക്ഷ ജനാധിപത്യ ഐക്യം ഊട്ടിയുറപ്പിക്കുന്നതിലും സമൂഹത്തെയാകെ മതനിരപേക്ഷമാക്കിത്തീര്‍ക്കുന്നതിലും അദ്ദേഹം വലിയ പങ്കാണു വഹിച്ചത്.

കാര്യങ്ങള്‍ പഠിച്ചവതരിപ്പിക്കുന്ന നിയമസഭാ സാമാജികന്‍, മൗലികമായ പരിഷ്‌കാരങ്ങള്‍ കാര്യക്ഷമതയോടെ നടപ്പാക്കുന്ന മന്ത്രി, സമകാലിക രാഷ്ട്രീയ കാര്യങ്ങള്‍ അപഗ്രഥിക്കുന്ന പംക്തികാരന്‍ എന്നിങ്ങനെ എത്രയോ തലങ്ങളില്‍ ശ്രദ്ധേയമായിരുന്നു ആ വ്യക്തിത്വം.